昨晚，我開工既時候，正當我放小休既時候，咁小休當然就咪一咪對眼唔洗咁累。突然間，保安室門外傳來一把小朋友既大哭聲，相當大聲，我諗起好多野...

其實小朋友頑皮係正常，因為人天生無知，對世界事物好奇，自然咩都搞下，但係相反地作為家長既就話個仔女點樣唔好點樣百厭，作為既佢地，有冇諗過小朋友既感受?人地想試，偏偏你就斷人地既學習機會，咁當日你係豆丁既時候，你都會有百厭既時候，你既父母又係打到你抽根?可能係，但係打係唔係等於保障到個小朋友，大錯特錯!

我係反對體訓既一份子，講真下下都用到小朋友既「極刑」，係咪過份左d呢?我比幾個問題大家反思:

1. 你認為體罰會否增加小朋友對你既服從同信任?

2. 你認為體罰比講道理有效?

3. 你認為你所施既體罰對小朋友傷害大嗎?

4. 你認為自己是一個應該受體罰既人嘛?

5. 你同意「人誰無過」?

解釋:

1. 打小朋友，可能個一刻佢會服你，服唔係佩服，而係屈服。因為佢唔想再比人打，而佢又無能力還手或用一d理據同你駁...信心無可否認係大跌，你打佢，小朋友係會記住。我以過來人身份講，我老豆以前打得好勁，用1米長鐵尺、拖鞋、衣架、雞毛掃、掃把、風扇、木台仔、花樽...基本上係用擊打同埋投擲方式對付我。以前我仲會投降，但後黎我會反抗，我會還擊。現在我希望有一日可以搞掂我老豆。

2. 體罰好明顯唔會令人明白道理，講道理先至係堅料，因為打人係唔會令人明白該事物既真理，而同對方溝通先至知道真理，原全理解問題所作。好簡單，我阿媽係呢個例子，以前我小學佢教我做功課，其實我係中學先知我係有學習障礙，即係話我學野比一般人慢。但我阿媽唔會理解同思考到呢個問題，佢一巴就星落黎，有時仲打到流鼻血，所以我而家面部基本上既觸覺我覺得係無咁敏銳。同時我以前小學既功課簿好多時有眼淚同血漬...以前小學係有老師問我點解係咁，我係學校喊，之後老師都無再追問點解。

3. 施體對小朋友傷害大，成人施力對成人可能仲頂得順，但對小朋友好似比人打左幾百拳。而且有可能重傷、殘障，甚至死亡。

4. 如果你作為家長對你既小朋友係打到佢有明顯、內傷、見血、心靈不安既...你係最抵打果個係你，仲要double或triple上既次數。

5. 如果你係唔同意既，我寧願你死左去好過，因為你唔係人。同意既係因為你仲有人性，人誰無過?係食飯既、食素既、食肉既，甚至食屎既生物都係會有犯錯既機會。你敢唔敢講「我從來無錯過」及肯定自己由出生至今日你無犯錯?你敢講呢我唔知你要甩要多隻大牙先夠填數。

人要能恕、能忍、能包容、能體恤，但犯錯係理應受罰，人唔係過住錯既生活，可能你覺得有d野岩你，但係你問良心，究竟所做既係唔係正確?理論，係理解同討論，唔比人講野，即係送人一個「莫需有」既罪名，咁係等於封鎖人既自由。

比機會對方講，比一個機會自己去冷靜，打係應該打有良知而無智慧做事既罪犯，但係打唔應該過火，因為打係對人身心受創。

係不同行業或娛樂入面，用於高危項目既活動，都係有個頭盔係會安全，但同樣地唔好完全依賴個頭盔，因為頭盔就唔等於完全地保命，主要功能只係保護你個頭及後腦。

但係買頭盔就真係要岩尺寸，因為唔岩尺寸既頭盔，等於係冇戴到，又或者令到你個人好唔舒服。如果以中醫角度睇，頭有好多穴位，如果長期壓住D穴位既話其實係會引起好多病痛。

至少點樣為岩SIZE...其實就唔好依賴頭盔公佈既尺寸為準，因為數據唔等於感覺，因為呢就算岩，但都唔代表你既感覺係爽。

同時單車頭盔係分幾類，公路車、越野車(有分全頭及半頭)、BMX專用盔、小童、女裝、時間賽TT頭盔、休閒，咁當然要睇你係用咩車，同對自己行車既要求幾多，但係世上我相信只有一種單車玩法係無頭盔，就係奧運原地花式個D FIXED GEAR。

另外，頭盔物料其實比以前進步左好多，咁以前只係得硬膠頭盔一個。而家係物料應用上其實就係有好多元化，咁例如高壓發泡膠、carbon fiber(炭纖維)、噴膠(即頭盔外層光滑有色彩既地方)...咁點解高壓發泡膠會漸漸進入單車元素呢?其實好簡單既就係話，發泡膠輕、成本低、減震力比硬膠盔強、可以方便剪裁、減低買家所花費既金額、減少運輸成本、環保(可以循環再做)、減少車手於頭部散熱既能量...carbon fiber唔洗講都知係硬，增加保護性...以及噴膠可以隨意上色，亦有足夠既硬度。

不過高壓發泡膠頭盔是一個只阻擋一次重擊的頭盔。不過其實咁樣係最好，因為好多車主見到硬膠盔好似撞完無事，又再用返，其實個頭盔某程度上有可能內傷而人睇唔到情況。

希望大家買到個心愛既頭盔，做足安全。