尋晚，我開工之際阿寶訓唔著，咁佢send信息比我，咁我索性同佢傾幾句，一傾之下發現佢係新學校返學係好辛苦，唉!我估唔到佢個d中專課程係咁離譜。
咁離譜既地方係一個course係成日改lesson program...成日改更表點得架?咁會令人好無所適從，改到連人地都唔知幾點返學!另外呢，一個堂可能有時成2至3個鐘，但中途冇位比人短break，去茅廁就要簽字，一個出去，一個返，中間唔可以插多個件...就算個條友走堂都係咁話。
上堂唔比電話響，呢d我覺得又係離譜，即係人地屋企有急事...都唔比人地接call，唉!人地等你救命既仆直啦!
之後寶仲講到個course係遲左開，我覺得課程delay咪delay去下個year再開，唔好令人趕死先黎讀，根本人地都無可能去追趕你岩岩新教既課題，要人地溫得入腦先奇，我唔知點解呢個中專搞d咁既失敗課程。
政府成日話要搞教育同多d咩文憑課程，其實好多公司既認受性都係唔認，咁讀黎把鬼咩?好似我以前係李惠利果個汽車商務課程咁，即係而家仲有既，個班個代號係91315F，我講到明架啦，呢班野真係唔知讀D咩?教MARKETING，但係我原全唔知呢班教D咩出黎，即係呢我基本上做呢堂既HOMEWORK同CLASSWORK都係FAIL居多，我完全唔知個老師究竟做緊乜...
另外，我唔知教電學黎做乜，因為係教車既野，咁無啦啦教電學做咩呢?你話汽車部件例如音響、汽車保安系統、車的頭尾指揮、車廂內籠、火嘴、發電機、車尾箱同個電池有關...仲有係讀汽車結構，講個D引擎運作...但甚少比我地睇到實物，即係我覺得呢一班成日比我地睇到既就係公仔圖，咁我地基本連個種野係咩就真係唔知點...
所以大家仲讀緊書既呢，唔好太其望自己有咩好成績就得架啦!因為你同我一樣係香港既教育底下係白廢，出面既認受性唔係多，有時亦都要問下自己做緊乜，讀完之後你可能得一張垃圾既沙紙，得物無所用，仲哂左你D青春同時間。
我唔明d傻仔做咩係到鬥高分?呢個我覺得係極其笨既行為，因為我由好細已經知道讀歷史係香港無咩出路，唔通人地請你去出埠考古咩?好簡單你只係識個d歷史，但你點搵一個地方發掘?分分鐘你連用一個鋤頭你都唔曉，咁你點掘呀?
讀通識，都係無用...有d野係要出去玩過、用過、睇過、實踐...你先知知道做緊咩?即好簡單，你係屋企睇youtube睇人地環法踩單車點勁，但你知道連單車都唔識踩，咁點樣同人地討論單車既問題?例如好簡單屯門個班細路黠樣挑戰警方既能力同埋點樣搞破壞，個功課叫你去寫個200字既文章，以表達你既感覺同埋改善方法既，咁如果你係唔識踩單車，點作?
教統局個班人，我諗佢地日日都係個辦事處，我可以講上水廣場有個教統局既office，個reception成日都無人架!我以前係鴻利返工做外賣仔，我只係見d人行行企企咁囉，真係好free...試問呢班人比d家長見到佢地既工作方式，你激唔激死?成班流口水既「人才」，推行d咩政策...哂鬼氣! |
