尋日，我係北海道小隊入面一齊晨運，不過我其實係有點累，咁人貪玩既性格又好易唔記得自己疲倦的情況。

咁尋日呢，我同細佬發現阿然架車真係污糟到唔恨，唉!一架車點解可以肉酸成咁?最後出車之前都係洗一洗...

出左去吐露，本來諗住睇下創新路行唔行得通，點知有人練習，咁阿然就唔想入去玩了，算...其實我係想入去既一個，不過我知道自己個時既戰鬥力係一半半，不過都可以爆一爆既。

咁我地去左孖橋，之後見到好多艇會既人係到扒艇仔，都幾快ga!曾幾何時我係外展都有學過獨木舟，又係好好玩。

之後我地再返返去創新路，清左場wo!不過洗地工人岩岩洗完地呢...咁算啦，我地都照玩，變左打水戰。一踩...嘩成腳都濕哂...頂!不過好涼快，之後我地開始練group TT陣式，NICE!練到「緊急脫群」同埋「重組」，「緊急脫群」其實係車手當係group tt既隊伍當中有不適，無理由叫後車追死車，咁死車臨死之前，自行彈出，都係用落後法比死車走，死車唔洗再跟，自然「死亡」。咁前車繼續推進，後車就要爽手少少貼返前車，否則後車會被大拋開。

「重組」係好多車手無諗到既問題，前車過彎當然係easy，但係後車追前車仲要過彎係難事，咁前車係呢個時候要選擇兩個方式，過左彎就落後或者係過左彎自後自己再重組隊形，什至叫後車快少少，自己唔好放人飛機。

咁TT就係高難度係呢D小節，我睇左好多次YOUTUBE環法先諗到呢D要點，其實我識的地方唔係咁少，而係有D野係仲係要測試，同埋係我小隊既秘密。

尋晚，我地本來計劃應該都有3個北海道成員出席，點知臨場3個得返兩個，唉!似乎要北海道可以總動員還需要一段時間先可以。

咁尋晚，我地選擇左跟山車堂一齊出發，意外地山車堂既龜濂唔出席，咁又係既，人地要努力溫習迎戰考試。四哥照舊出左黎，而佢仲帶左個朋友仔黎，一個肥肥地既朋友，不過呢就好慢既!龍哥...fuji上陣，阿鬼繼續都係tyrell，caad8都有出席，trigon亦有出席，cannondale six13改成citi(龜濂舊車)阿頭，仲有ridley，MTB阿叔，都算幾多人既!

其實山車堂實際黎講唔係個個都快，所以次次出車都係兩兄弟大戰龜濂既，其實咁樣大戰基本上係疲勞轟炸緊我地兩兄弟，因為細轆車真係好難追大車。少部份就係到戰鬥，大部分都係優閒出車...龍哥其實係玩fuji唔係好快，但係龍哥上斜真係有返咁上下power!

尋晚山車又係上穗禾苑，咁我開頭見到有個MTB阿叔係咁扯上同高轉法，好快之後佢就冇力啦!一開頭咁扯上係必死無疑...

之後我就lead head，去到中段，trigon起勁上，我知道佢上坡叻既人，之後fuji龍哥既朋友又扯過左我，本身佢係MTB底既人，係咁上下。我一直同細佬係3位同4位繼續戰鬥落去，咁尋晚我發現原來自己TT TYPE真係要行細餅先得，係咁用重腳令個轉數太低了。'提高轉數，令自己唔洗咁吃力，以前死用大餅，搞到上斜用左好多體力，唔抵...

咁上到穗禾頂個時，TRIGON可能有爆計情況出現，係咁兜圈(COOL DOWN都唔出奇)，我就叫細佬即刻U TURN落山，基本上我地兩兄弟係唔洗休息落山，基本上我地仲要扯爆好多人咁下坡，例如龍哥、CAAD8、龍哥個FUJI朋友、鬼哥...根本我地落山係同你搏過，當然我地係會用安全位置同埋車友既漏洞黎上。

細佬尋晚就真係當黑了，咁佢可能係穗禾下坡既時候，DUN到條胎同埋路面佢拮左石仔或釘，結果尋晚佢下坡時候，有拋彎既情況，即佢唔可以用安全路線行車，成日出左極外彎，過埋對面行車線，當時有大小型車輛係不斷上山，其實細佬當時係好危險，咁我大喝佢一聲:「出哂線啦，返入黎啦!」之後我盡調位比佢入位。

最後基於細佬架車爆胎，冇後備胎且車鋪急救，我地係沙田商業中心告別山車堂既師兄，之後我地坐火車返屋企，無引架啦，但都好，學到緊急應變程序。