INFINITY CYCLING CLUB
Think your power is. . . . . . . . .  INFINITY
Herbert's blog                
MSN: [email protected]
FB: Herbert Cheung
Tel: 51339471

活動、個人近況:
    1.AF-1 Carbon刀鈴希望有救啦!Hirose生盡快幫我啤返一個框出黎比我就可以了。
    2.比賽近了，6月5日創新路。
    3.很愛她，可是好忙的也是她...
        HERBERT : 個人主頁 - 相簿 - 訂閱  [ QOOZA - 論壇 - 登入 ]
        HERBERT
        暱稱： Herbert
        性別： 男
        國家： 香港
        地區： 北區
        «‹ June 2026 ›»
        SMTWTFS
        123456
        78910111213
        14151617181920
        21222324252627
        282930
        最新文章
        •近日時事
        •創新路比賽
        •一哭、二鬧、三上吊
        •人生原來就是這麼簡單...
        •令人燥底既出車
        文章分類
        •全部 (1257)
        •wargame教學 (16)
        •人生原來就是這麼簡單 (25)
        •沒寄出的那封信 (4)
        •為自己革命 (7)
        •笑談herbert話 (9)
        •單車知識 (18)
        •未分類 (1178)
        訪客留言
        最近三個月尚無任何留言
        每月文章
        日誌訂閱
        尚未訂閱任何日誌
        好友名單
        網站連結
        •Ben's xanga
        •Steven's blog
        •我的Xanga
        最近訪客
        最近沒有訪客
        日誌統計
        文章總數： 1257
        留言總數： 1353
        今日人氣： 129
        累積人氣： 126979
        站內搜尋
        RSS 訂閱
        RSS Feed
        2010 年 2 月 26 日  星期五   陰天


        105踏加duraace中空鏈加R076LOCK鞋...正正正! 開心 分類: 未分類

        早兩日我出車個時臨門失蹄，唉!我對tie bao lock鞋個皮帶扣爛左，唉!真係灰過灰太狼...

        我之後同阿寶去下車鋪，順路去利豐打個轉，出奇地利豐係靜到加零一...咁我同寶就玩左一陣，我放底架車比老闆set野...當然set d咩唔講啦!呢d我自己知就算了...

        之後我去左震揚，咁我搵左阿峰幫睇鞋款，咁我本身自己唔係太喜歡個d有lock扣帶個d鞋，其實講真係對腳頂到鞋就可以，唔需要搞太多野!

        我又買左105lock踏，又換埋條dura ace 鏈!

        今日我故意早少少起身，set lock鞋同踏，哈!一落街就同見臭軒，佢話我買鞋貴左，唉!佢用r086係rb鞋，而我係雙用鞋，即係rb及mtb既打蛋。咁雙用鞋通常都會貴少少!

        今日試埋車，唔錯!
        發表時間：2010-02-26 07:16 PM  [ 訪客留言(0) ] [ 編輯日誌 ] [ 分享至FACEBOOK ]


        2010 年 2 月 20 日  星期六   晴天


        與細佬完成全走! 分類: 未分類
        今日我同細佬做左一個係朋友當中唔敢玩既單車活動...全走! 咁咩係全走?其實呢個係我比個朵呢次活動，咁活動其實係新界好多人都會知道既地方，而我選擇既路線係咁: 去由聯和墟山車堂出發，行沙頭角公路上鹿頸，新娘潭落大美篤，出吐露港，到左沙田孖橋再行去馬鞍山，入西沙路但唔入西貢市中心，直扯入北潭涌，最後入埋黃石! 咁回程由黃石起步，之後去西貢市中心食晚餐，再行西沙路，去吐露元洲，行大窩西回家去... 咁我自改左tyrell之後都好小心處理，不過防不勝防，我係2月19日因為洗車既時候，唔小心整返左架車!而且我拆左後輪，車架直打飛輪，飛輪硬就無事，不過車架就花左少少，我之後check下車架，好彩只係花左兩個BB彈既車大小，之後我用阿媽個D指甲油返好，再貼個GIRO買頭盔個時送既BRAND貼，搞好! 不過波腳就唔係咁好彩，我就發現個波腳有對位唔準既情況，咁好啦!返正都係山車堂出發，不如叫龍哥幫幫手，SET返好個波腳，搞掂!條AM5鈴居然無事，實在好野! 我同細佬其實未試過日間入沙公，今日第一春!不過真係好多大巴往返國內香港個D...同埋踩得吃力少少，因為有日照，搞到好熱... 之後上新娘潭，呢次上得真係好慢，可能個人著左長車衫入面仲有打底衫，搞到個人好熱同好唔靈活我細佬因為著短車褲，相對比較靈活，佢好快就落哂山...我，好慘!TT BAR上山已經係好慢，加上衣物影響，令表現有打折扣既情況，同埋我有點感冒，個人既集中力差少少，好似對腳唔係好順自己，踩車好似發軟蹄無咩力咁... 一路去到大美篤，基本上因為假期關係，人好多!亦都有好多新手租車，唉!咁先至大問題，我地都好怕佢地控制不當，搞到炒車! 吐露，如事...都係有D租車既兩頭飛! 咁去西貢既方向，通常都唔係多人幫襯，事關西貢係一個幾難既地方...新手免問，對佢地黎講係危險、辛苦! 西沙路就有少少MTB係西沙茶座碌車，不過就真係慢得可憐...咁今日西沙都唔算多車，可能係寒冬既問題，西貢冬天係好靜，無艇團，海風凍又唔想吹風...咁對我地黎講係GOOD，有時偷位唔洗下下唔洗就住D車! 下坡段，咁就見到幾架小輪徑上山向馬鞍山方向，不過就半筒水對弱者，半筒水個D頭車係咁搖車，好似好快咁，其實係好快就無電，弱個D就係咁都係慢慢推，不過係落車推，西沙路咁長，佢幾時返到屋企呢? 迴旋處轉左訓彎，咁就飛左入大網仔路，大網仔係西貢段黎講最易，因為無大上斜，上斜下坡比例比較平均!咁我地都好快就完成左，去左北潭涌... 北潭涌，我地以前DAHON改左少少，體能又未咁爆個時，呢個地方就一定要休息，而家?唔停直撞過管制站!上山個時，北潭路係西貢段之中最難，難就難左係北潭坳之前，有一大段長命加轉彎多既斜路，單車黎講已經係幾斜架啦!我同細佬都係硬實牙根，頂硬上! 好快，我地就到左黃石碼頭，而且都幾平靜，不過突然間有水警，又有消防，又有白車佬堆哂係個碼頭附近唔知搞乜，而且消防仲要上埋水警船，唔通有人係個D島玩露營凍到頂唔順? 30分鐘打根同埋休息，食件餅仔，飲D水...又出發!北潭路返轉頭其實係辛苦，因為好快就要由碼頭上斜，仲要好長!最好笑就係無啦啦有隻狗係黃石村一帶跑出，仲追我同細佬，當然狗係快唔過單車啦!一開快少少，放甩隻狗了! 係北潭路回程去北潭涌，咁係行返有一大段長命加轉彎多既斜路，個到真係快到爆，我同細佬都衝出70KM/H，好開心既玩命遊戲!初學者及小朋友勿學! 咁跳左大網仔路既情況，因為真係無咩突別!我跳去西貢市中心既一PART，由於細佬覺得好肚餓既關係，我地已經加快車速去西貢市中心，細佬係咁搖車(呢D係餓傻左)! 食飯，我地揀左越華茶餐廳，個間係巴士站附近既一間食店...但D野奇好食!細佬叫左個蝦醬炒海鮮飯，嘩!香到真係鼻塞既都聞到正!我叫左西芹鮮尤，又係好好食!兩個餐，送熱飲，28蚊!抵食 回程行西貢既西沙路，我以為細佬可能係呢到爆計，出奇地無事!又挨過左，最後我地係元洲仔休息一陣，細佬話腳震，咁太累D肌肉頂唔順就係會腳震，我細佬係有爆炸性，但係無耐力，我同佢係岩岩相反，我無咩事，不過佢就要休一休啦! 就係咁一日啦!由15:19分山車堂出發，玩到22:20分返到屋企，比預定中理想! 本來呢個活動，我想叫埋臭軒同阿然，不過臭軒要食初七團聚飯，阿然唔去怕凍...仲有一個係恩傑，佢想報名「半價」跑一半，孖橋收工既!但最終都無搵佢，因為我知道係新娘潭路，佢已經比我地放飛機放到七彩，無謂咁樣對人，而且我地既流程係趕路! 另外仲有阿權打比我，佢本來搵小弟一齊出去碌車，向來佢同佢阿哥都係碌車派，喜歡碌車又喜歡一路碌一路扯煙，幾搞笑，但一聽到我既全走計劃，佢已經話考慮下先... 老實說，全走係好辛苦既事，因為由上水粉嶺去西貢黃石一轉，已經對我身邊好多車友嚇倒，佢地係知道有幾長，但係家陣仲要加鹿頸，本來想JOIN既都打退堂鼓，最後都係兄弟組合咁樣出去，又得左! 全走係我係玩DAHON個時已經諗左出黎，可惜DAHON係呢個計劃之前已經仙遊左，家陣有架TYRELL都好!
        發表時間：2010-02-21 01:33 AM  [ 訪客留言(0) ] [ 編輯日誌 ] [ 分享至FACEBOOK ]


        « | 81 | 82 | 83 | 84 | 85 | 86 | 87 | 88 | 89 | 90 | ... | 629 | »