今日，我得到我女友阿寶的邀請之下參與佢老豆既生日...咁活動好簡單，就係會見家長!
咁之前我地就準備左兩枝酒同一個魚網送比佢爸爸，咁點解送漁網呢?由於我女友佢地一家都係鶴佬人，咁即係以前個d水上人...不過近代就無再做漁業。酒，分別係冰酒同埋香檳各一，呢個係派對同埋喜慶日子最好有既野，不過聽我女友講，佢屋企唔係咁多個人飲得...
不過我盡地一鋪搏一搏，買左返黎睇下情況點!居然個效果都幾理想，係今日晚上去酒樓食飯，自量覺得自己唔飲得既人都飲唔少...
咁今晚係酒樓食飯，都幾多人!咁有阿寶既阿爸阿媽，大家姐同大姐夫，二家姐同二姐夫，我同阿寶，寶既姑姐一家四口，包括當中有寶最錫既BB表妹彤彤豬...
係去酒樓食飯，其實佢地三姊妹已經夾定邊個做咩位置安排，咁大姐就安排一圍台，二家就安排蛋糕，我同寶就安排禮物類...咁佢大姐就係安排上算係OK啦!因為我知道佢地兩個病到五顏六色，都要安排呢D野!不過我覺得安排既事，適宜早不宜遲，如果唔係就好似今日咁，比較趕!但抵讚既係，佢地選擇既食物唔錯，只係條魚唔係好夠滑!呢個係酒樓選材及處理失誤...其他都無乜問題!
二家姐佢就安排蛋糕，都算係唔錯既!份量都幾大，我估都有3磅...算係咁上下!個蛋糕幾靚，不過芒果有失水準，個間蛋糕店選材失誤，因為好多時D蛋糕店選材於生果都係差少少。
我同寶買既魚網，我未知叔叔喜歡與否...我唔識網魚，又唔係水上人，算!...希望佢收得開心!至於酒方面，運用得不錯!個個人都差不多有飲，除左兩個比較細既小朋友!咁我地係先開冰酒，呢枝野平平地，價錢與口味合適!
至於香檳，有人講比較難入口，明顯係酒量較淺，不過人之常情!阿寶覺得好好飲，咁老婆的確係掂既，佢算係飲得之人!
咁我今次係第一次係女友家人生日一齊慶祝，之前就試過硬打硬既方式見家長，去酒樓普通既飲茶，咁第一次就真係緊張!今次氣氛好好多，而且都幾開心!
有幸我好想帶我女友參與我家人的喜事，或者普通食餐野都好!
|
