大家熟我既都知，我屋企已經係家不成家，咁而家其實係得好少時間去準備搬屋既事，因為距離我屋企人正式離婚既時間真係時日無多...

咁我自己要返工，我阿媽都係要返工，其實大家對搬屋個回事，都係係一頭煩惱，但係完全無方向，根本我都唔知我阿媽既方向係點?即係佢連自己既經濟能力對比起自己日後係租屋，定係一家三個住自己既物業都唔知，我呢下真係好火滾架!

分析一下:

租屋形式(上水既唐樓): 老實講，冶安係基乎冇咁濟，隨時都係會有可能有北姑做鄰居，但係呢個係幾實際既方式!因為依舊有物業收租，租金唔算太貴，而且交通上都可以係方便，咁我同我阿媽係粉嶺返工，咁呢個係比較理想既方式。

自住擁有物業: 我阿媽係手持一個大埔鳳園某丁屋三樓加天台，當時我老豆加阿媽本來話係退休養老屋，而家佢地兩個唔掂，咁變相可以我阿媽係owner，咁呢個亦係可以省錢既方式，因為自住唔洗租，只需基本生活費用，唯一是家中沒有多餘既收入了...

到我阿媽個邊羅湖既祖屋自住: 呢個係我二舅父同大表哥既想法，無可否認!免租，只要基本生活費，但係該地區是邊境，交通不太方便，進入既方式只有步行、單車、的士、火車(有限服務時段)...對我黎講，唔係太理想!而且仲要申請禁區紙，呢個係幾麻煩!

我姨丈細姨家中則的祖屋: 最新方式，同樣都係大埔鳳園，咁我阿姨就話象徵式收d租咁啦!大概2千至3千蚊到...我覺得又係幾合理!同樣有物業收租...

我自己抽公屋: 以我咁既身分，真係抽N年都未到我，呢個唔係最快既方式!唉...政府仲要係到查家宅既形式去搞...咁真係有排，完全唔快!

總結，我完全唔知阿媽既方向係點?佢既舉棋不定令我真係火滾，根本佢連自己要點做都未知，其實我既方向同立場係比佢清楚，至少我既方向係唐樓，住大埔丁屋或姨丈既祖屋則邊...講真節省少少，其實係一定夠食夠著，洗唔洗咁頭痕?

另外，我想講既係，我老婆阿寶想玩單車既計劃，似乎真係要無了期凍結，咁因為屋企既事，我就快要頂替我阿媽，講真佢個人舉棋不定，上卒又諗，上馬又唔係咁，咁我就真係癲都似!

或者，如果你地有屋企人係做開地產佬或者係地產婆既，不如你地介紹比我識，我需要租盤，租金around 4千至6千，合3人住，交通尚可既!地區是上水、粉嶺或大埔，有計既請cm!

由於公司有調動既關係，我既一位阿姐同事琼姐將快離職，好似做埋今晚...唉!其實我都有少少唔捨得，因為佢的確對我如親子，不過佢既性格的確係太飄浮，有時對人好好，有時對人惡死...咁好難捉摸!同埋佢主要離職既原因，其實係犯左公司規條，因為佢對客唔好，比人投訴，咁公司既手段通常都係兩個，選擇一:自己離職....選擇二:比人調職去山卡堀，做個d崗位慘絕人寰

琼姐在職既位置叫做SG(R)，即係去幾個地方頂位，工作範圍是老嘉、明珠及山翠...其實呢d位唔係易做，因為你要記三個地方既運作，而且有兩個地方是單棟式住宅，變相即係話你要兩個地方既「半日仙」，即係主管既位置!其實都係困難，一旦有d咩突發事故，你就要獨當一面處理，當然我可以打返去老嘉吹雞啦!

尋晚，我就去山翠拜師學藝，咁教我既係生哥，哈!呢個絕對係好事!因為呢個同事係以前做開老嘉既，咁佢調職黎左呢個地方!呢個阿叔同事係好搞笑，咁佢經常性都係講埋d咸濕笑話，同時呢佢好IN架，電話聽歌係焚緊838個類disco歌...

咁山翠個運作，真係比預期中好100倍，寫簿20行都冇，人流由開工至收工，10個都唔知有冇，車位出入流量少之又少，出入少於10次!樓層10層(天台再加一)，仲要唔洗層層行哂，樓行一轉，車場加club house層兩轉，抄車牌兩轉，巡邏簿得個10本，有得光明正大光顧葉文輝或粱榮忠既節目(你有係夜晚有光顧就一定知)(果樣野係呢行唔可以講得咁明顯，牌照科唔比我地咁樣)...

咁我用一個比較講老嘉、明珠及山翠既工作，如下:

老嘉=很多令人不做理由，受唔起比人篤背做不到(由其係日更個d仆街向上頭報鬼料)，受唔起天氣勁熱勁凍影響做不到(冬天勁凍，夏天總比其他地方熱)，巡邏辛苦不做(巡38層，80個樓層鐘，死未)，阿頭分工不理想不做(夜更主管新哥，即我阿頭成日寫到d更表做死人)，大堂做座頭位無冷氣唔做，冷氣機滴水要人跟餐死唔做，仆街麻煩住客當正自己係「嘉州花園」唔做(嘉盛苑既客係投訴王)...

明珠=文字獄，好多野寫(夜更麥sir寫簿寫報告好喜歡展篇大論)，好多文件要做(頭句:非常感謝何小姐既傑作，尾句:呢d咁樣既高層唔死都無撚用)，高要求(因為老麥是一個高要求的人)，避暑聖地

山翠=無人之地，無得諗出去買野食(遠離便利店及食店)，無咩野做(工作量是三個地方之中最低)，接近無人理你(除左要報更正常，你做乜都係是尻旦)，吞撲聖地(有位比你蛇)，有高尚享受

而家我做呢個SG(R)，呢個位其實係好，係明珠有得嘆下冷氣，係山翠有高尚蛇王既方式，我覺得嘉盛係太複雜同好多野做，我寧可KEEP住做呢D位置，假期係亂一點，但係至少返工唔會谷死一個地方...