尋日，我收工之後二話不就倒頭大睡，原因好簡單，基本上成個星期都係處於跌watt...完全無法起勁工作、疲憊、肌肉瘀痛...咁好啦!大訓一餐，一起身做返一輪伸展，我既背脊骨不時發出啪啪聲，我唔知係點解，不過呢個亦都係踩單車多左之後出現既情況。
咁之後我聽到電話響，原來係B叔話想出去大家食少少野咁啦!咁我無咩所謂，反正我都係覺得返工就係要同客保持關係，放假大家老友鬼鬼既，出黎玩下又有咩問題?既可以將你既工作人際關係增加，亦可以將你既工作既動力同埋順利既程度配合。
開頭B叔叫我踩單車出黎啦!但係我一諗之下，近日我身邊或我細佬既朋友，已經有被偷去單車，一諗之下...我自己個部過萬，細佬個部都係岩岩上萬，唔好啦!擺街食飯?一陣都已經人間蒸法，不過近日偷車熱點係聯和墟!我亦懷疑呢班人有可能係想以手法...方法如下:
首先，捕捉到時機將你既單車偷去，玩單車既通常都有去HKCI吹水。若偷者見到你個POST尋失車，佢就會開始扮熱心人士，打電話比你話我幫你攞到架車返黎，仲用幾多錢同人攞到架車!拿!呢個就係重點啦!佢咁打得比你，即係佢係有預謀，第一如果你唔同佢交涉，你會無左部車...捉心理!你無左部車唔甘心!第二同佢交涉，你取得車...佢亦都因為咁取得「獎金」...若你是受害者，我寧可你到車店買架新，都唔好比呢D人壓咋...
之後去一去利豐...唉!我一問就好多關於JAVA CL既問題，聽到老闆好多回應，原來java cl好多野都行唔通...就以seatpost為例，咁佢既seatpost個粗度27.2，原來最長既係1呎半(即45cm左右)，而實用size長度唔會過max位，只係得1呎3(即32至33cm左右)，以上資料係鋁通或其他金屬物料，carbon fiber再少d....咁java2代同3代咁低車身，高既人點踩到呢?如果你想向java入門，而你身高好高既，反而我建議你購買dahon、khs、gios、trigon、cannondale、birdy...
再後，我同細佬去左震揚，我買左張seat位SRP比細佬，因為細佬個張真係爛同爆皮，咁真係好肉酸同埋對身體健康有影響，因為D皮已經龜裂，同埋海錦位置有高底不平既情況出現左，咁樣對人體臀部同盤骨有可能出現高低情況，若果唔處理，有可能會係出現長短腳...
咁今次出車，我叫左阿宏出黎，唉!阿宏依然都係傻梗梗咁玩車，即係佢應快唔快，應慢唔慢...搞到成日亂哂大龍!我同細佬一向都係拍檔組合開，基本上都無咩可能係會分開踩，因為大家係有互補性係入面...
阿然尋日就係比我感覺係有少少疲憊，唔知佢咩事...但係我覺得佢既體能依然係有好大進步空間，因為佢而家先至係岩岩開始既階段，講真要發力追仲有一段很長既時間慢慢走!尋晚臭軒就無出席，呢個大家事前都知既，因為佢既考A LEVEL啦!講真咁4個之中讀書最叻係佢，唉!我自己讀書就真係無咩可能，因為自己本身都唔喜歡學習，而且學習能力真係好弱，又無咩方法可以幫到手，咁我係到亦都係希望佢可以順利考完a lv，上到心中理想既大學...
咁尋晚我同細佬第一次帶阿然上穗禾...估唔到阿然都幾快wo!我仲慢過佢，無計...TT上山係辛苦一點!不過我知架車已經盡左力，佢係下坡既表現一流，亦都係好順利咁回到山腳...阿然就慢D，但都不失預算，第一次係咁上下...
之後我地食糖水去左沙角天湖，嘩!多人到七彩...我地都花左一段時間先至搵到位...
後黎，我地返去，我地揀創新路....我地三個夾車咁樣返，今次改左個方式，我開頭就諗不如三個人嘗轉位既次數頻率增加，令大家轉位既學習時間增加，點知出現一直未諗過既效果，原來咁樣夾令大家體力消耗少一大半，而且令整體速度穩定好多，呢個方式可取，不過就要仲係要測試...因為仲未攞到7個人既數據!
尋晚好開心...因為又有一大突破...
|
