尋晚，我又放假啦!不過呢個假起初放得嘛嘛...我係下午時間收到我阿頭既既來電，佢就話問我今晚可唔可挨義氣，攞呢晚頂明珠...
我心諗...有冇搞錯呀?我放假又搵我做義氣仔...講真其實我夜更有時係要去第二個SITE頂位，咁一個係我(明珠)、琼姐(山翠、欣翠、明珠)、馬仔哥(明珠)...我就諗..無理由我上?琼姐去左山翠...我day-off，咁點都仲有一個馬仔哥掛?
我最後以一個理由: 我要同家人天輪樂(呢個真係絕對發生唔到既大話)，天輪樂...我屋企冇呢味野好耐，家不成家...我之後咁樣推左阿頭，雖然咁樣其實我內心好無奈，講真平時阿頭對我唔差，不過我唔服氣既就係點解成日去明珠、山翠...都係要琼姐上，第二我上...其他人唔洗出去嘗試下，做開座頭除外啦!我係幾氣憤，我覺得係阿頭無運用到手頭上既人材，用人係硬性，完全見唔到輪流做...
好簡單，馬仔哥我從來未見過佢做座頭坐成晚，呢d好明顯係阿頭對佢係有偏向既成份，講真阿頭座正保安室、老二大黃虫協助...點解第三馬仔哥成日都係保安室唔洗出黎咁?唉!無野好講，換著我一定唔會咁樣用人，行死d座頭，座頭成日呻腳仔痛...巡邏位，成日要而對d仆街同事放縱要去廁所蛇一蛇(一個鐘去幾次廁所)...
講返d開心野，尋晚我同我細佬都係跟山車堂...今次仲有恩傑!我其實幾喜歡佢目前既改車程度，佢收到d件之後，真係快左...
咁尋晚山車堂唔再上穗禾苑，我地由沙公出發上鹿頸，之後行新娘潭路上山返大埔大美督...咁我自己起初上山都ok快，但之後富士佬、trigon既阿洛同細佬三個已經過左我頭...TT上山真係好辛苦!完全無得發圍...即係得個上字!
之後上哂D大斜路，到左下坡段我開始發力，過返第三名阿洛及第二名細佬...但富士佬已經大放超過30個車位，我當然起腳發力...死追，但最後都係失敗左，咁山車堂佢地慣左係漁護站等...富士佬第一、我第二add15sec、細佬(add30s)第四個阿洛add1min、其餘主車群..over2,30min.車尾係四哥個朋友肥仔，車頭車尾相距20min超過200個車位...
咁我係新娘潭做左個新紀錄，漁護站下坡大尾督73.7km/h，太正豆!我都未試過咁快!
之後成班山車堂話大戰創新路...so good...呢晚好多人玩，devil's team，小朋友車隊又有，咁我同地山車堂，又落埋場，係好多人係到飛緊...咁我同細佬創左一個新紀錄，我地改好車之後可以同cervelo既thomos及bmc既阿董一齊行，仲要一齊行四個圈40至42km/h!爽到彈起，但亦都好累，始終700c好keep好多，我地406真係踩到傻...死佬阿鬼叔仲要係創新路公廁做啦啦隊，真係比佢激死!
當中仲遇到devil既好似係賓佬同博士師傅，佢地真係好快...跑圈多過我地，但係快我地好多!一響計就50幾，平均就3字尾4字頭，好厲害
呢一晚好彩真係唔係順阿頭意返工，而係山車堂大戰，其實係山車堂尋找自己既方向，總係比起係北海道小隊既進步好，始終因為北海道既玩法係比較保守同埋人少，成員唔係太博，唔同山車堂有人同你博下，咁你可以尋找到同人夾車，自己同人地博火既感覺...係呢個咁大既群體當中，我覺得係開心，同埋學到好多野，因為當中有好多係比賽級既人士同你玩，而佢地真係同你黎真，絕無嬉場!
同時，呢個群體係有好多技術人員，咁佢地識得整車既，可以提供意見同埋一d技術既支援。
但係山車堂如果真係要夾車其實係幾難，因為人人學車既野唔係一致，不過尋晚就同thomos及阿董學到road bike既自由式夾法，咁唔同TT夾法，TT係有規律既落後法，而road bike好簡單，總之你有力既，就幫前面既手足頂，無力既自己退後休息...roadbike仲會就人，但係TT既則法係自殺法，自動落後離去...
買左架新車...上山輕鬆，而且吻合TT化好多...以前DAHON係得，不過比今日相差好遠...
|
