尋晚，我、阿然加埋細佬一齊出左去吐露，咁由於東亞運既關係，創新路我地最熱愛玩既地方冇得入，咁真係幾可惜既，不過我地都係照玩海邊既單車徑線路。
先講最慣例一定要行既大窩西支路，咁尋晚嘗試用新方式處理團體性既配合，我細佬起左個頭，我去到大概南華莆介入接力，阿然就留守係後面。結果時間只係4分鐘，真係比平時快好多!
咁到左元洲仔，我地選擇hea轆，見到有d以為自己好勁個d RB車主，佢唔係快...但又係到死爆!我見到呢D情況我真係覺得好搞笑，唔快就咪係到扮搖車搖到好快!
去到孖橋轉線行馬場跑道，我都估唔到我HEAD係頭帶兩個細既快扯，一扯就50km/h，我都覺得自己癡癡地，平路玩小輪都扯到咁...
咁我地又照樣去到沙田圍食糖水，好開心呀!同阿然細佬咁樣係到成班係到講個S60刀鈴個件宅男，笑死...突然間有一場好局部地區性驟雨，有見及此，我地都要即刻抬車去有簷蓬既地方，唉!我個aero bar個枕頭濕哂...
之後我地覺得如果趁早返上水粉嶺，可能唔洗比會淋，我地食埋d糖水之後就開車，出奇地沙田圍就落雨，沙田市中心至城門河一帶係冇雨落...
咁見到地乾既當然就扯快少少啦!咁地又玩團體計時賽，我首先做頭位，之後到阿然，尾位細佬咁樣輪住用落後法...
今次練得其實都有d少插曲，當中有個阿姑係到踩車唔讓路靠左，差d三個炒埋一碟，之後有個阿叔比我地既高速嚇到差d翻車。另外係技術上，三個今次都好齊，但係其實都有幾多技術性錯誤。
1. 帶死頭: 帶死頭即係頭車死都唔留位比自己落後，咁結果就係話帶頭一落後就會容易跌bit甩底。
2. 2號位跑馬仔: 通常食風尾既係會比頭車快，但係頭位落後左之後，2號位就想扯上去，咁會扯死尾車同落後中既1號位。
3. 指引錯誤: 其實落後法比賽就有對講係身就可以通話，但係而家我地未有呢，所以就會依賴手勢協助，咁阿然就用大帶右自己左後走，我就比手勢左後走，我細佬就做錯左，打左個轉右方向指示既手勢，呢個我就真係比佢激死，唉!玩咁多次都打錯手勢。
4. 轉彎位置不正確: 團體既直排式其實就係轉彎唔會車尾食車尾，最理想既陣型係骨排斜落去，即車頭轆唔會指向頭車既尾輥，咁呢個毛病其實阿然係好常錯。
5. 遇上突發事故，陣形打散左無做for-in(集隊): 咁尋晚有兩位長輩塞路，差d炒...咁其實個陣係亂左，我細佬個時係第一次頭車，但係呢佢無留意後方隊員情況，繼續扯車，咁問題就係呢到啦...因為後方既隊員可能因炒車意外佢仲可以企返起推返架車上，咁頭車應該係要「碌的士」比隊員回歸，再重整隊伍出發。尾車如果係有傷兵幾多，而傷兵仲可以繼續行埋落去，咁就無傷既車遷就到既最後幾公里既時候，咁傷兵只可以捱到尾，而無傷既就要離開隊伍，扯爆到最尾。
6. 未有選擇最佳路線: 呢個係做頭車既人常錯既犯錯，即路面比較凹凸不平，其實係唔會選擇，咁呢個當然要用常用既路作判斷，即按你經驗而言，明知dun既仲碌過去，咁一黎唔舒服其次就係發力唔好...令整體既時間有拖累性落後。
7.推頭: 呢個對於世界級車手都係難事，頭車同二車，食到風尾既二車會好易上，但頭車頂風會慢，二車車手無主要車距，其實咁樣係好易發意外，呢個係我做二號位個時差d推到細佬。
8. 判斷力弱: 好似尋晚咁個兩長輩，細佬明知前面有車，佢無減速...如果考車牌係咁係會即時被點中「嚴重」。(即時肥佬)
不過日後再努力啦，呢d野唔係一朝一夕可以做到，都係需要長時間既練習同浸淫，先至可以做到最有爆炸力既團隊時間賽。目前黎睇，只係差在訓練時數同埋體力未有控制合適。
|
