係未講我的單車既野，我想講下今日既事...
第一件事就係同NANA去街，其實我覺得都唔錯，講真nana為人其實都幾好，不過可能係天時地理人和未夾到既關係，我只係知咩叫做「有緣冇份」，即係我想追求，但係人地都無咁既意思，或者呢d就係上天既安排，有時一個好女仔，白白睇住佢擦身而過，未免有d可惜，不過我自己唔會因為咁而失落既，因為我知道機會應該仲會有係到。但係今日出到去我送左d小禮物比佢，我覺得已經好安慰，能夠令一個女仔開心，覺得係一件好榮幸既事，至少即係仲有一個異性會比機會自己，雖然機會就唔係戀愛上既得著，但回望返以前，我自問係一個令女仔唔開心既人，呢個係一個改革同改善...
咁同完nana去街，我就返去處理架單車既問題，唉!係今晚未出車之前，我架車個頭柱其實係過高，咁好啦!我等細佬放學返到屋企，佢就話幫我cut，但就係我地唔知要cut幾多，最終我都係要打比雞爺呢位「車博士」出馬，佢幫我計好個cut位，之後我就同細佬係咁起勢鋸，鋸個一刻係極之開心，好有個種「德州電鋸殺人狂」中既瘋狂...
鋸好啦!一裝fit到爆，雞爺d量度手勢真係無得頂...我經過一輪tuning，唔錯!我的dahon TT完成了...
到出去踩車，第一個見到我踩出黎既係臭軒，佢當場驚訝!呢個我係知道，佢知我整呢個野都投放左唔少時間，亦係見證住我架單車既改變同完成!
第二個係阿然，佢一見到我踩到去佢屋企樓下，我一落車佢就爬左上我部車玩，呢個小新真係好得意...
到臨出大窩西，見到一個成日係隧道準備擺檔既小販，佢係成日都SET野，但係次次都未食過佢D野食，佢係做D係燒烤串仔，我地見到就幫襯下，唔錯!都幾似個d尼泊爾燒烤風味...
我首日係「北海道」以TT風格參與，咁今晚就真係好凍，4條友都凍到死...之後去到元洲仔，見到山車堂既人，有好多個...例如阿JOR，龍哥，阿四，龜濂...咁我就係早前聽龜濂講，佢知我改TT，改好左就好想試試，今日佢一嘗所願了!佢玩我部車都好開心...四哥後黎都見到我，佢見到我部車，驚訝...佢係最大反應既一個，啞左!
咁我地4個本來想去鹿頸，基於太凍既關係，個個都收回呢番說話去創新路
創新呢條路係比賽路段，其實我改到TT係好岩玩呢段路，咁我就學習到用TT杆既要決，同埋加速既要點，講真其實就唔係好難，係要刻服TT杆有轉波冇剎車時既風險!
之後我地玩到無野好玩，拍片!模擬自己參與環法單車賽，咁有車手!我都成為其中一個，細佬、臭軒、阿然都有加入，有時仲要扮下瘋狂既觀眾，哈!阿然好搞笑，係創新路就圍走...仲要比我拍底哂!
本來我地都話去孖橋既，但係後來基於太凍既關係，我地都係去左老麥「取暖」，因為天氣實在太凍，我地都頂唔順...
最後，好完美咁過左一日啦!呢一日我好開心，因為改車改得咁辛苦，終於都苦盡甘來，由原裝車改到TT，係花左好多人力物力時間，咁係呢到都好多謝好多人，包括:
利豐單車肥老闆(幫我SET波腳、裝中空餅，提供好多經驗同意見)
山車堂龍哥同已離職既DEE哥(介紹及安裝PANARACER及CONTIDANTAL輪胎，賣呢架DAHON比我，提供經驗同意見)
標準單車店滔哥(幫我訂好多SRAM TT冷門零件同裝車，提供經驗同意見，仲比左好多DISCOUNT)
南華既雞爺阿傑兼好鄰居(幫我訂到TT頭中空餅LOCK鞋同踏仲要裝埋上車)
龜濂(介紹D好件比我知)
黃恩傑(介紹我玩DAHON)
獨狂JAVA俊俊(推動踩快D)
香港單車代表阿JOR(係我炒車爆缸時候叫我多D揸雲南白藥)
「北海道」4人組合的臭軒、細佬阿B、阿然(好多時就我玩車時間，一齊夾車，大家玩得好開心)
阿權同阿峰JAVA兄弟(雖然唔係快，但係好樂意大家一齊玩同分享經驗)
阿宏、偉哥、無名(提供不少反面教材，例如D街車壞習慣)***希望偉哥早日康復***
大埔東京單車店老闆及其員工(服務態度好好，平賣白色CYCLE SEVEN)
前女友阿寶(推動我玩單車及改車的動力)
其他未能盡錄，敬請見諒...
|
