阿菲，一個年紀細我都好多既女仔，家陣先13歲，平時同佢都幾多野傾到，有時大家既話題都幾接近，咁我覺得難得有呢d知己，都算係咁上下啦!有時候，想搵個人呻下但係真係諗唔到邊個可以比你呻既時候，你就會覺得...唉，點解身邊想搵人個人呻下都冇...
其實佢都算係一個幾好既聆聽者，咁亦都好容易就理解到我既處境，我自問自己其實同女仔相處既機會真係好少，能夠搵到一個令自己開心既女仔，我都覺得滿足，因為自己係男性既人緣就ok，女仔就真係差點，點講呢...自己生活既圈子唔係多女仔朋友，其實我更希望既係從中可以找到一個喜歡自己既女仔，我唔想再成為一個水泡!
當然啦，阿菲可唔可以係我心目中係拍拖既人選，其實係可以既，我就對年齡既睇法就冇咩介意既，講真能夠合得埋既，而自己接受到既就已經係可以啦!不過佢的確係細左d既，所以阿菲係呢方面係我心目中就真係扣左d分啦!
暫時目前佢同佢男友既關係都嘛嘛地，都有唔少既爭執，咁佢亦都有d唔開心，亦有想過散，我覺得而家呢個時間去上，其實係好狗，因為我係一個第三者，亦都係一個女仔背後既豺狼...
因為按我既經驗，女性同自己相差超過6年，能夠接受男性既年齡之大既，其實係少數能接受，不過相處上既意見分歧就相對比較大，男的會認為自己年齡較大，認為能夠睇到既人生經驗較多，相反女性既睇法係:「你既觀念咁既?似乎我既觀點比較切合現時wo!」咁就輕則有一輪討論，重則就會有爭執，呢個我會覺得係較為麻煩。
另一個就係Nana，其實佢係我個時係九龍塘李惠利ive既同班同學，呢個女同學其實我係曾經鍾意既，因為我覺得呢個女仔其實係幾好，冇咩不良嗜好，為人都幾易相處，亦係一個幾勤力既人，我覺得呢種女仔，就算壞極都有個譜，亦都係自己handle到既範圍。
講真回望返阿寶既case，話題上仲係好留戀索k既感覺，咁我覺得真係哂氣，話就話介左佢，其實我就覺得佢個心仲係好想索返，即係簡單d講叫做死性不改...
雖然同Nana相處既時間唔多，亦都冇真係表示過自己對佢既感覺，始終ive個時，我覺得佢應該都幾多追求者，自問自己條件真係普通，又冇咩突出既...咁點同d真係比我覺得更有實力既對手對壘呢?
個時ive我覺得家威或者阿fort都係一個比自己條件好既，咁亦都係覺得阿fort係有意追佢，fort係我中學既鄰班同學，咁無理由上到黎ive，自己人已經唔係多，無理由仲係到自己人同自己人爭，第一我視阿fort係兄弟，第二大家都係同門frc出身，第三大家同班冇理由因為一個女仔而搞到朝見口晚見面係到鬼打鬼，我覺得好冇意思...
不過事隔咁耐，我覺得呢回事可能過左氣，亦覺得Nana同阿fort係無選擇一齊，趁呢個時間去嘗試了解多d，咁睇下自己今次有冇爭取既機會，雖然機會看似係到，但我自問對自己既信心不大，始終自己面對過咁多感情上既挫折，難免係有d挫敗感係當中...
咁尋日同nana都msn左一段長時間，都算係佢陪我開工渡過沉悶既工作時間，咁大家都幾投緣既，亦都係難得有女仔會走近，事關我身邊真係冇乜幾多個女性朋友，即係識但係唔熟...
拿，不如我留底幾條問題比呢到既觀眾，不如你地留cm答我，問題係: (諗到原因既可以再加以解釋)
1. 阿菲值得追求嘛?還是Nana較為理想呢?甚至兩個你都覺得唔好呢?
2. 阿菲只係識左無幾耐，未見過...應該約會她，睇下佢為人如何?
3. Nana識左都成年了，但都有成年無見，佢有意想約我，我應該應約?
|
