尋晚，我係坐座頭嘉揚閣，向來座頭都係好悶架啦!咁我都無奈地接受現實...

亦都係啦!尋晚冇啦啦8個人，咁冇得話走雞行一轉，呢個對我呢講又係無奈...我向來份人懶到出汁，開工吞撲唔在講...最好梗係少做少錯...冇表現就係最佳表現!

咁我第一轉巡雙層，好快搞掂!不過第二轉就唔係咁樂觀，因為我係巡單個時，遇到少少可怕既事!

我係巡到25樓某一翼，發覺有d唔尋常既聲，而呢個位所發出既聲，感覺就類似一d機房發出既運行聲，但係發出既位置，唔係DP房(即電話線房)，況且一般樓層既DP房係唔會有聲，因為入面只有D線、MDF、線槽...電制房?呢個更加冇可能，電制開關個分房係層既大堂笠位老遠。減壓制都唔係，因為呢個都係大堂。

而且呢種係由住戶單位發出，仲要係巷尾位，咁邊到會近機房?

咁個一戶係我既左手邊，門外有架好老土既鳳凰單車，前面係打鐘位，我一路行係覺得個種聲帶點低音，好似一D喇叭HOLD住個BASS MASS係到放do音，我打完鐘，好奇心之下一望個門，佢突然轉陣發出ra音，由於高一個音既關係，我既耳仔覺得幾辛苦，之後即刻落下一層!

我覺得係有d問題，因為我每次頂嘉揚，巡到呢一層都係有重bass聲，不過今次突然轉變左種聲我覺得有d可怕，我總係覺得呢間屋總有一點問題存在...

其實嘉盛苑每座都有唔同既故事:

嘉明閣: 有分別兩戶門外放爉燭，即係「長明燈」，係因為呢兩戶都有家人逝去，咁都覺得幾慘既，其中一戶更同時死了兩位老人家...另外呢一座亦都係罪案熱點，有好多收數佬係搏我地唔知，入左去噴油寫大字...靈異時不多，不過都有。有次我係呢一座巡樓時，覺得好似有人吊住尾。又或者有人頭係防煙門後出面，以玻璃窗探頭望。

嘉輝閣冇咩事。

嘉耀閣，經常有種感覺好似想混亂你既巡邏混亂...

月圓潔白，呢一晚好高興我係放假!

咁呢一晚我同埋阿寶加埋細佬去左踩車，咁我開頭就同呇a飛清河，咁係一段都幾忙碌既街道之下，我地左穿右插，我基本上就係到爆，d的士佬係怕左我地三個，係咁呠!

有時候咁樣玩真係幾爽，不過玩一次就夠啦!幾可怕!

之後玩左好多唔同既路，幾開心!咁我都覺得半夜0200係最好爆，路段係例如:

1. 上水連接粉嶺公速公路則單車徑，由上水彩園大頭嶺公園滾軸溜冰場(即迴旋處)起步，出隧道由平轉左直上斜，經太平、米田料商會小學、上水警察宿舍、上水紀律部隊宿舍、保榮路公園、入隧道出榮真小學、轉左直出見吉祥街公園、蔚翠花園、嘉盛苑、上斜見磚地(望右觀宗寺)、粉嶺火車站、落斜經百福田心遊樂場、碧湖花園、牽晴間，ending係螺旋天橋。

2. 由上水彩園大頭嶺公園滾軸溜冰場(即迴旋處)起步，出隧道係向上左則斜，望左見大迴旋處，再落斜、入隧道再出轉右、直行經東慶學校門口，繼續直行見大頭嶺停車場，上小斜路近河仔(直爆)，沿路見右邊晉科中心、右邊深港中心、左邊水務署過濾站、前望大天橋。繼續直去，望右見河分支入大河(石上河)，直行再去可見人車雙行橋(雙魚河及石上河分叉點)，過哂橋轉左，直去至一個小路口，終點係鴻淘荳品廠。