我而家其實係岩岩收左工返屋企，同達仔食完個早餐，之後再黎抽抽煙，傾下佢女友對佢既遭遇，唉!我覺得人就係好簡單，有時候好似達仔咁，返工去7仔，放工就吹下水，之後就食下野，抽下煙!

不過我就唔知點解訓唔著，我都好想知為何?唔通係早餐杯奶茶?咁提神?

唉!今晚仲要返明珠，如果我係中途拋錨訓左就真係仆直啦!因為我失更，就會收到總部既電話，咁之後又要吹水吹一個自己估唔到既大話，講真做呢行已經多字寫，同罰抄冇咩分別，希望唔好中途有事啦!

講下其他野，近排架車仔都係日日陪住我返工，不過呢個波位真係要tune下，因為我覺得係換檔位既時侯，經常有d唔順暢既情況，例如話shift4大跳shift1上斜，食鏈!咁我知道呢個係唔好既現象，有可能會斷波腳，或者掃飛輪，掃飛輪係會入波不準，即係走波，又或者係去左空波，飛輪其中一個波好似私家車N波，呢D都係嚴重既ERROR，所以都係搵肥佬救車，換鏈!

之後係肥佬見到一堆子彈，唉也!好肉酸既改大圍，其實當初我係想玩子彈，因為真係好有跑味，不過諗諗下，改子彈既手工真係要好好，例如接合大包圍、上鳳尾角鐵、龍頭、燈、改前叉換邊種「單搏」(原廠果個唔係咁好)、拉花(極需要精神飽滿同手神好，唔係個個都好似美國拉花大師FOOSE咁堅)

我喜歡淑女，原因簡單，改變大、改裝成本低、可以迎合各種需要(代步、追求速度、接載乘客)、合用零件多!

近排有同麥哥加一位熟客講起好多佢地自己對工作既感覺...

而我亦有一個結論，就係個「不」字...

不盡忠職守、不搞男女關係、不與客戶有太多聯絡、不在下班後再理會公事、不在假期接公司電話...

不盡忠職守: 在工作做事，只會做到合格水平，再向上爬就不要了!盡量尋求蛇王位，偷柴就偷、有得訓教就訓個好...

不搞男女關係: 而家雖然我既工作冇呢回事，講真我對住d都係阿姑!不過都有客人係同我相近，而且相貌娟好，但我既立場係「唔會個到食個到拉屎」，只會比同事製造好多話柄...

不與客戶有太多聯絡: 我覺得d客戶經常係你假日或者你下班時間係咁打比自己，根本冇哂自己私人時間，因為返工已經朝見晚見，連我休息時都要服務你，咁我即係白搞姐，雖然都可以成為朋友既!但係都係保持距離...

不在下班後理會公事: 除左公司上司話有緊急事要跟，其他野都唔好搞，返屋企訓個好的!

不在假期接公司電話: 有d公司經常改你d假，又話公司點樣有多job做，又要你返去，盡量冇咩野都擰頭...(我阿頭好人，我都仲會返，差既衰阿頭打死都唔到!)