今次同sky加terry一齊去龍泉玩，一般黎講我都係滿足既，不過自今次呢個旅程，我覺得原來朋友之間係咁多分歧...
講下第一日先，即係2月11日，呢一日本來我要去天光道考車，不過問題出現左，師傅架hiace出現左d情況，佢壞既地方都幾係野...師傅位極力子既協助杆斷棍，咁點解就唔洗考呢?因為呢枝協助杆係同司機位有連繫，所以斷左就要提早收工...都好既，有多d時間補鐘...
之後同sky加terry會面，sky只係帶一個好細既背包，terry瘋狂到用手拉gift，我心諗一係咁大，一係咁細...都唔知佢地點諗?
本來我地以為食埋個lunch就直上深圳搭火車，點知過埋關架車已經開左老遠，呢個就係sky諗出黎既「good deal」，其實早前我已經同佢講話呢條計唔掂，一定miss左班車，佢死要挑戰...好囉!同佢瘋狂一場，火車走左，人就係到尻企!之後佢就係到死兜就話terry慢，咁我個時又唔想話搞到我踩sky條計唔得，焗住和應sky(我個時好唔高興!)
之後好啦!sky就兜兜下又符碌比佢搵到第二班車，呢d真係唔係幾服氣!好啦!火車去廣州再上大巴(有得訓床既)金華，再上麗水，最後到龍泉...
不過去到龍泉，都唔係過癮，開頭第一間龍泉國際大酒店，略為貴少少，不過真係靚既...但sky從來都唔諗人地錢多與少，最後又係唔太高興咁去到一間鴻雁大酒店，都好!sky見到都似樣既又轉胎...好啦!其實我覺得鴻雁比國際好...鴻雁交通方便，又近點食店，如果係國際就冇咁過癮...如果去煌朝就真係完全不可能接受，係大同靚，房租貴，而且個格局同中國城冇分別...sky本來佢都話佢會有d另類「幫襯」，不過我企硬就會咁講:「我有老婆已經滿足，而且我唔想重覆我屋企既問題」
人去滾，佢又滾，我覺得咁樣真係頹廢，日日酒池肉林，人就會冇哂工作動力，咁樣同一個植物人又相差d咩呢?
發夢同現實既問題一浪接一浪，我發夢都估唔到係可以入去sky幫我搵開刀劍既地方我可以入去，我見到後生仔席師傅，同埋唐人刀劍既老闆，今日我係現實見到佢地兩個!good!
咁一場黎到梗係睇刀劍，sky佢繼續睇佢d纓槍，terry佢同我都係刀同劍，我買左個馬刀、terry買左三菱軍刺，sky就好多啦!
不過我就知我未買夠，但老闆同師傅都好客，請我地食飯飲酒，不過我唔係太岩，d野食好辣，terry就問我，第時去湖南四川個d咁你點算?我咪話囉...唔去，一係去自行準備杯麵...係冇癮架啦!但無奈我真係食唔到咁辣...
d酒其實都唔係好飲，第一餐lunch都係黃米酒，甜既!不過度數都好高，之後夜晚個餐先至災難，亦都係辣到令我喉嚨痛既原因，個d酒肯定65%，辣到飲唔到，佢之後有一個酸菜粒，辣到我係上氣唔接下氣，個邊爐仔又係辣到飛起，所以小辣仲可以，大辣唔好搵我啦!terry當然冇問題啦!佢係屋企四川人黎既，sky又係食得辣既，我唔係...
最正豆都係去龍泉山，風境好靚，而且游山玩水的確唔錯!(***相片後補****)
最金個下，就係係龍泉其他店舖買左d劍，但係原來唔係龍泉市既郵寄，係唔可以發刀劍去外地!屌!行到仆街咁去快遞，搵到啦!不過收好貴，900幾蚊!
唉!呢轉龍泉，我非常唔滿意阿sky既態度，以惡劣形容!個人食左火藥咁，講真發你個老蘇返屋企發飽佢，唔好係朋友面前係到大發偉論，雖則佢有份教我地野，但係個態度應該比人正面形象，咁好火既，大不了燒哂我同terry!
我自己已經好忍氣吞聲，但係我都係人，我都覺得係感覺上唔好受，話就話成個club係同等，原來吹水既!佢咪又係老闆格咁走出黎...自打嘴巴... |
