尋晚我好早就返到公司，嚇親早更d同事，咁其實我見早兩日開工遲左，咁今日做返好少少，況且我比個主任屌完，唉!搞返好少少，比人印象都好d!

咁我尋日返工，我都諗:「死啦!光頭李(主任)屌完我，我肯定收硬warning letter!」出奇地...冇!

我諗應該冇事既...講真呢d工都係求求其其又一日，做又36唔做又36...志在有得舒服d!

我覺得光頭李已經算好!佢冇爆我大鑊，應該就係咁就冇warning letter!因為我知道公司內有同事試過大教訓，比人pot佢...

換著其他同事，我唔知點講...但肯定比人篤爆!

尋日去左旺角搵料整車仔，唉!爛完一次又一次，我覺得架車真係好有問題，我唔明點解架車就咁撞一撞可以有咁多地方損壞，所以我對呢架車已經心如止水，救車都哂米飯，engine 既帶動齒掃左，tonque shaft斷左，死氣鼓有問題未研究到!訊號與控制經常出現問題!呢個係架車接近解體原因...

1100蚊咁就泡湯啦!算啦!都係一個令我覺得最失望既消息...

尋日由青衣回來，嘩!大欖好塞車，雖然係行得到，不過我睇到架巴士行出黎唔夠65km/h，咁就梗係慢到我遲左到公司啦!當然阿頭冇咩事既...

之後到我2點係保安室，我要幫阿頭手收更，但收更前仲有大把時間，咁又怕咩訓呢?不過問題出現啦!我係訓既期間，收衫佬出現左，唉!一般人既角度睇，收衫去衫房洗就係咁簡單!但係我公司就唔係平凡，因為收衫佬原來係一d主任，唉!我就慘啦!我係保安室太累釣魚釣著左，一開門我就比佢斷正，都係比佢屌!

雖然最後佢都係好聲好氣咁走，但我覺得唔全面，因為咁樣萬一佢放係心頭，咁佢爆左比總部知，咁我係公司就肯定凍過水，一係小問題收warning letter，一係大件事收大信封走，咁希望阿主任佢大人有大量，唔好整d信比我，要談情既另計!