平時夜晚好多時都係自己做野、打下鐘，又或者去座頭睇場，好多時都係得自己一個!講真我有時都覺得悶悶地，不過呢份工就係咁，講真返工近，工作舒適，又唔洗話太擔心炒魷問題!
尋晚落雨，又大風，都幾係野!一路打鐘一路都係硬食，講真嘉福呢一個地方，向來都風大到唔知點形容!不過工就日日都係咁返，講真咪又咁過!MB
咁天氣凍，班索k仔索k女冇出黎，成個場都係好靜!都係一件好事黎既，至少夜晚時間都好過d!有時候，佢地有d搞事既，真係好麻煩!又唔肯走，下下搞到要出差佬
之後我尋晚都係成3點中場休息，不過都冇咩點休息，因為我細佬突然間話探班，話過學搵我!我心諗都咁夜啦!不如叫阿B返去屋企訓啦，而且天氣咁凍，呢邊又咁凍!
咁好啦!之後我搵到佢之後，原來係成班老表出黎，有兩個係大姨既，兩個係二姨，即係4個，雖然就天氣凍，但係我估唔到佢地真係咁夜都過黎，呢個係出乎意料之外，我都估唔到爆冷爆成咁!
咁我就當然好開心啦!因為從來都唔會有人咁樣探班，講真夜半三更只會係夜班既人，邊會有人咁樣探班ga?咁班老表整左枝redbull比我，哈!真係服左佢!之後我地係OK個到吹左一陣水，大表哥講起佢D「畢打奧的老鼠故事」，畢打奧係一間西餐廳，半做酒吧型式既，都幾過癮既!例如哥士的淋老鼠，落雨籠困大肥鼠!
講起探班，我返夜更既工作，其實冇咩人會流動，有時都會幾悶既!不過朋友探班我冇咩所謂既，講真我好開心ga，但係就話夜晚落黎飲下酒既就真係唔係咁好，始終做緊野唔飲得酒!食下煙就冇咩所謂!
至於假設係女朋友既，其實黎唔係唔好，不過女仔自己一個出黎，始終粉嶺上水既冶安我覺得唔係咁好，咁有色狼、扒手...一個唔覺意比人老粒咪大檸樂?除非佢住既地方係嘉福或者自己睇開既嘉盛苑，不過就算係咁，我其實都唔多放心，自己好明白個工作環境，講真唔係太令人放心，我唔知係自己係工作上個警覺性高，定係對環境上有不放心既問題存在，不過點都好!嘉盛呢到都總算係好過嘉福好多!
|
