咁今日係平安夜，祝大家聖誕怏樂先!不過呢我到今日都係未破蛋，依然都係一個單身既聖誕，唉!睇黎要發下力係感情上，不過呢d野我覺得係好難捉摸，講真香港女仔好多都係身嬌肉貴，又有幾多會同人一齊同甘共苦?
我係23既早上，我阿頭安排左個「突別任務」，咩咁巴閉?原來係琼姐請飲茶，琼姐其實份人平時都係惡惡死死，咁我覺得其實呢位前輩教得我幾好，因為佢真係做得好好，好勤力而且又lum到人，講真同佢相處雖然時間唔多(佢係跑散四圍頂位)，但我覺得佢對我同我媽差不多...我就係呢次「突別任務」做攞位，咁我係咁多個之中最細，而且冇話身負好重要既職務在身，咁我咪去做lor!
咁飲茶就當然開心啦!原來卡富(我既副阿頭)係一隻大蝗虫，勁食野!上海佬徐大哥係獨愛小籠包，咁又係既!身為一個上海佬唔食邊係上海人?
飲完茶，就回家訓一訓，不過太累既關係，我已經訓到7點，又再起身開工!
呢一晚，名符其實係夜蘭人靜，因為好多人已經出哂去玩，講真班街童走哂去玩，索野都上哂偉大既祖國，留係主場做咩?我覺得呢d就係唔識得分配人手，講真冇人睇場既，個個都係去哂玩，簡單咁講...萬一有人搞場，咁咪等於屋無人守鐘門大開?
近排守其中一個座頭，有位住戶原來係前員工，對現時我既一位前同事有好多不滿，我只係覺得舊事已過，再提舊事又有咩好處?而且你打黎我座頭既電話，其實對我工作上都有影響，咁反而玩死我姐?
其實我明白同事之間有好多不滿，講真阿頭其實對大家都已經不薄，有好既工作，又冇太大既要求，而且對同事伙計都唔差，只不過同事既眼光好短線，因為佢地都係睇黎睇去自己既權力同埋保持自己既勢力，我心諗明爭暗鬥有咩好爭?有既就係零!又或者有同事不高興既就同大阿公講話唔做!
近日識到位新同事，敏哥!呢位大叔都成6章野，但係就真係一個好好既同事，咁佢分享左好多佢既往事，原來佢係以前係一個吊臂(天枰)師傅，呢d係高技術人士，同埋佢既英文了得，原來佢以前係一個海員，簡單d講叫做水手，我覺得佢好叻，又好好人!而且初次見面仲整左大半包純萬比我，真係太客氣了!希望我同呢位敏哥可以有合作上既快樂啦!
阿鄭依舊都係傻頭傻腦，都係經常係電話整d歌仔或者咸片比我睇，不過佢對我都係好好，又玩得!
鍾叔依然都係一個「睡霸」，講真佢年紀真係大了，邊有咁多體力再支持?如果佢做單棟，咁咪好lor!唔洗咁辛苦...
講講下我都準備訓啦!我仲要準備我表弟為為既生日，同埋今晚sky既打邊爐迎聖誕!到此完畢!
|
