呢個月，基本上係一個災難既月份，我覺得萬事倒霉，好簡單qooza係咁比人炸server，係我就唔忍啦!check ip，自己check唔到就去電訊公司check，check到就控告黑客啦!我都係做電訊行業，我好明白黑客帶黎既災害。
另外呢早排我經常都要去港島做野，唉!山長水又遠，講真我覺得零願做一個簡簡單單既行業， 日日都係準時開工，準時收工，冇咩壓力，又唔洗有太多既困難，咁已經好好!所以我真係有心想做返飲食業，始終係自己已經好熟識既行業，我唔知我算唔算係一個熟手樓面，但係基本我係了解一間食店既運作，由其係茶餐廳，基本我成個樓面控制我都識既!
又或者我做下保安員，反正牌我又考左，而且我又識做既，阿媽又係做呢個行業，點唔識有公司同阿媽教到我，有人會覺得做保安係好癟出路既行業，我反而覺得冇咩所謂，收入穩固，工作壓力又唔係太多，好簡單我而係公司，日日都係好多野都係唔識，又比人咋我型，愈返工愈唔開心，而且我做得好，又唔會有d咩咩好處，仲要既係日日返工都可能遲收工，以前我做餐廳，我一望到夠鐘就交返外賣數，打card走，甚至我老闆係希望我做多陣，因為佢知我係做得野，我遲返都唔會有多句野講，佢係驚我唔撈!而家波叔比我感覺係想我走，唉!要炒魷既出聲lor!我唔太mind既，只係我覺得佢炒我係走寶姐!以前我返工，係上水係有邊個唔識「鴻利四眼仔」?個個知我勤力，每個客都知我好玩得，又會令人好開心!
講下呢段時間做d咩啦!我去過港島上環街市既香港藝術團，加內線電話!唉!呢個地方真係一團糟，個辦公室簡直不似人型，仲亂過我同細佬間睡房以及city u既機樓。文件到處有，工作台總係滿有文件，我心諗呢d同政府康文署合作既機構，真係食得屎啦!更有可怕既地方係8樓既電話線房，嘩!有兩隻分別不同大小體型既老鼠乾屍!大個隻我懷疑係觸電(may be咬電線)，電到隻野係皮開肉爛!細個隻好完整，可能係缺水缺糧係機樓餓死。
亦係太古hp公司整左個無線router，呢d router我都略懂一二既，因為我屋企都有用wireless router!亦都有係hp偷得一個迷你lan cable線盒，有6呎!都岩洗既!
更有係公司自己所坐既位置，jimmy教我去加一個內線電話，而家我都有我既內線電話。不過我都唔多用，因為公司通常接客都接埋哂d麻煩友。
今日，我諗我病了，一起身極之頭痛，唉!我諗係尋日係荃灣收工，送完貨身水身汗，就搭巴士278x回家去，巴士係冷氣巴凍一凍，我諗係咁啦!
so, 今天在家中渡過!
|
