今日返工，我都已經故意返遲d，唉!尋日波叔既處理手法，令我、師傅、同事herbie加埋個客都係大感不滿，講真如果認真起上黎，我敢曠工，老友都冇情講，講真而家我係呢到真係仁志義盡，講真已經用最好既態度去處理每日既工作 ，但係有咁豆腐渣既安排，我真係唔高興...
好啦!返到公司，見到jimmy對住波叔係到「面聖」及「早朝」，我就做下自己野，例如過返d site相入電腦，唉!公司電腦同樣係令人氣憤既野，全體公司都同樣地用windows vista，我心諗vista有咁多漏洞，亦有咁多黑客入侵既可能性，公司仲係用vista?而且公司既電腦我見到係冇裝firewall同antivirus，咁我會覺得好簡單就係，邊個同公司有唔妥，我諗公司好快受到病毒既攻擊。
病毒呢家野，要做既其實係好簡單，講真sd入去公司是旦一個有用電腦係online既情況，一hack入去，其實係好簡單!好簡單公司總有人要check email，我相信要hack入去可能只係幾分鐘!講真我好多fd都係電腦技術唔錯，對佢地黎講，對電腦進行病毒的轟炸，佢地最喜歡玩呢家野!
今日我要同公司做點貨，我同wendy一齊係到點，佢係到睇個d貨單同對list，而我就不斷搬野，唉!鏟住架唧車，我只係覺得公司亂咁開貨用，用到d number大亂，我見到wendy個樣，好似好頭痛...我就熱到係咁出汗，講真我真係覺得個貨倉好焗，完全係空氣唔流通，講真我未去過咁焗既貨倉，對比起我以前茶餐廳既貨倉，去上水各大貨倉大廈，都冇呢到咁焗!講真我真覺得離譜，空氣唔流通，對員工既健康都唔好，講真咁焗法，真係容易出意外!
公司內部問題多多，
1. 環境不佳(貨倉環境非常濟迫，公司內貨件在半無貨架情況下堆疊，而且高於人體高度，空氣不太流通，危機工作環境)
2. 上司對下屬諸多要求(波叔唔明白我地工作上既難處)
3. 工作時間安排非工作範圍內事項(我整廁所門彈弓，根本不是我的工作範圍)
4. 工程上未如理想有效率底下進行(以尖沙嘴的工程為例，令客人非常不滿，要出律師信向我們投訴及警告)
5. 工作時間表無明確指示(我好多時都唔知要去邊做野)
呢幾點係我對公司既感覺，比起我對以前上水鴻利既感覺更差，講真我唔係睇死公司既運作，但係咁無效率又無條理既公司，我其實好失望!
坦白講，其實herbie都係做野做得唔係開心，佢係以前nec既員工，我知道nec有唔錯既工作，有唔錯既福利!佢走左出黎，同我一齊做同事，我唔知係咩原因，同佢一齊做事我好開心!不過呢同樣面對一個咁既公司...佢私下比左兩個求職版既廣告，都係類似工種，咁睇落都唔錯既!你可以睇到波叔帶領之下，員工既內心係幾咁「掂」!
或者今日我仲頂得順，但係我唔知聽日我會繼續工作還是提早退出...唉!
|
