咁今日我就處理左好多野啦!咁首先我一起左身，打左日記咁啦!亦都係我去左剪頭髮!
剪頭髮個時，其實我都有d唔捨得ga!講真我咁大個人都冇試過留到咁長頭髮!而家一下要剪好多，講真我真係覺得好可惜!不過算啦!日後都要去進入保安界，剪定都差唔多!
之後出去一間由細個影證件相影到大既曬相鋪，咁老闆好快影完，之後又好快就有相攞!
影完相，我就同細佬去左尖沙嘴cannon陳列館，細佬好鍾意影相，咁我又好開心睇到好多唔同類型既相機，又見到好多唔同既digal video camera，當然我覺得好好玩啦!有免費新機玩，又有免費catalog同技巧書攞，唔洗錢!仲有得玩canon eos1d mark3兼有500mm特長鏡玩，呢枝鏡身價已經係50000蚊，而長度亦都係大家可能係睇足球比賽時見到d記者係足球場邊個d咁大枝!
玩完相機，就去灣仔攞保安牌，咁點解我之前唔直接去灣仔做牌，而同細佬去canon陳列室，其一係心理戰術啦!我講真都怕係灣仔搞得耐，令佢等咁耐唔係咁好啦!所以呢，同佢玩夠啦!再做正經野，咁佢咪開心lor!不過去到灣仔，反而出乎我意料之外，我只係用左幾分鐘時間，由灣仔地鐵站，一路行到去灣仔警察總部牌照科，比文件交手續費搞掂哂!都係好快既事!
之後我就去左會一位一直都冇見既jason，jason由我第一日開始係msn識佢個時，我真係覺得同佢幾投緣ga!難得大家喜歡武術，更諗唔到佢都會喜歡武器類別!
今次第一次見面，佢就想教佢一d用警棍既技巧，我係用拐既，咁我當然知警棍點用啦!咁佢就搵到一枝覺得幾好用既棍，其實我知道呢枝棍係日本城貨仔，係一枝伸縮涼衫叉改裝而成，當然我覺得唔得啦!簿料鋁通，脆弱既關節，其實係好易爛!結果呢今日玩battle個時，出事啦!我本來諗住擊中佢枝棍，就介棍上手臂!點知一打個下，枝棍已經有斷交位同埋枝通凹左!講真真係有d唔好意思!
咁我知佢係有學空手通，帶級唔係話好高，但係技巧唔差!細佬同佢打左場battle，係拳腳戰!當然我細佬係戰敗啦!或者佢好少面對真正既戰爭。咁我之後同jason打，我嚇壞了jason因為我用左少少鎖技，我係捉一隻手，之後跳起落地再起腳踢腰!為時係3秒!我都估唔到自己咁快!
第二轉就佢起腳踢我右腳膝頭，力係可以接受既，不過就欠準繩，其一係人體結構當中，膝同睜可以人體幾硬既地方，講真強攻既地方，只會令自己攻擊變得冇咩效果!
今日同佢首次打battle呢，我就覺得幾好既，咁我都仲未用按地制服、推手、屈手、摔腳，呢d我都本來想試下，不過我覺得好有難道同危險，始終地下唔係球場地，球場地大躂最多好似我咁，下巴損左!但係今日個場地係堅尼地城既馬頭邊，係碎石式既紅磚地!如果我做摔腳，佢隻腳肯定磨爛地，制服更加會有好多按地技巧，如果一出呢種野呢，出事啦!又係磨爛地!所以今日都係唔用!
咁今日就咁打完短短一個鐘，但我覺得好滿足!因為今次係我第2次對空手道既對手，第一次係一位小學同學，不過我都唔記得左個條友係邊個，我敢講空手道實用性其實係幾高，能夠handle生活環境面對既情況，當然我亦都覺得空手道係有弊點，前手太出，換著係一個鎖技技巧人士，呢個簡直係喜訊，鎖手係可以快到不得了!
當然，鎖技我覺得係需要挺大既體力，因為要由根骨發出勁，而勁係要對抗對手既還擊，直手道比我感覺花巧少，但實際上我覺得依然係腳多手少，腳對於鎖技人士，只係用推同拉扯其實可以簡單處理，不過我好少處理腳既攻勢，因為退後又或者側走就可以，當然要硬住要面對，當然我處理到!
|
