今日我係以為8號風球之下可以唔洗返工，講真我以為公司會係呢個時候關鋪，點知唔係!仲燈火通明而且有唔少客人，可能都係因為風波已經過去了，所以速速食個lunch就去開工，變相樓面都有唔少人係到食野，當然雨天外賣係突別多，講真個個都唔想濕身就有野食，唉!繳相就苦了我做呢一行既人士，今日我由屋企帶出黎既一把7-11傘，係開工其間宣佈死亡!
傘亡，人也不好過，我要冒雨由劍橋廣場個邊回程，結果我全身濕透，唉!
不過慘情既下場，總有一個幾好既人關心自己，呢個係成哥個女阿be，阿be見到我咁，佢就話:「嘩!你個人濕成咁，小心凍親wo!」呢個阿be，真係一個幾有人情味，換著公司其他人，只會係一個冷嘲熱諷，佢地會覺得我傻，搞到自己濕哂!我就會覺得大家都係為公司出力，雖則我既犧牲度較大，但係我唔覺得自己有做錯，講真我做野係勤力，唔係一個半個知道既事，而係公司上下好多人都知，包括我老闆在內，老闆真係唔想我走出去玩，想我多d係公司幫拖，因為佢知道我係一個好難得有咁多飲食行業技能人士!
的確我覺得阿be係一個好女仔，我亦好欣賞佢好勇敢面對呢一個行業，的確有好多年青人唔敢做飲食，唔係話唔識做，而係怕辛苦，好簡單咁講，連老闆一對仔女到今日都唔係好鍾意返公司幫拖!重點係食無定時，工作講求高效率，要挨得!
我今日食飯，係下午時間4點30分，基本上係倒轉哂個人既生理時鐘，其實而家我都有呢個問題，例如夜晚會訓唔到!
阿be係成哥既細女，對上係有一個哥，不過未見過!不過我幾喜歡同成哥同埋阿be係公司既時間，成哥係一個好好既阿爸，雖則間中會講下粗口，屌下人地!但係佢我想像中係一個好好既前輩，而阿be都係一個好女仔，無架子，簡簡單單，做事勤奮有柏力，即係唔會比人感覺係一個大小姐又或者係一條死魚，呢種女仔係香港好難得!
|
