我今日都係返工，都係落雨落得好大，簡直係令我覺得離哂大譜，天氣簡直考驗緊自己，不過都好!令我明白係武術上，就算係情況幾壞，都要為住生存而作戰，而唔係向投降既方向出發。

今日我亦通左一樣野，以前我學武術真係會為戰勝對手而出發，講真以前既我好多時比人蝦，我真係好唔甘心自己係一隻羊，我好想強大，亦好想以自己既能力去戰勝對手，但係從來都冇諗過，完來打唔係要講點樣去打，唔係點樣去贏，而係要既係一種平靜既心面對，即係個人係進入左空白既思考，唔好比外間活動影響個人既思潮，思維盡量保持清楚同埋簡單化!

另外呢，我學懂平靜心既時候，發生一件令我好開心既事，我係平靜心底下，我搵返自己唔見左好多日幾萬用刀，我非常開心!

整天下雨，雨何時停?

返工既我，我唔係做一個坐定定做野既人，而係工作上需要我去東走西跑，我係有日光既時間係外賣仔，冇日光時間係樓面!

今日我返12點，唉!大雨到死，仲要出去送外賣，簡直係人間煉獄，因為公司既單車已經唔係好踩，仲要有架車條胎冇氣兼壞brake，咁即係話公司得返一部單車，我覺得公司有時真係好失敗，講真貴少少買部好既，總好過用一堆垃圾車，既危險又欠效率。

我今日做野既時候，我對鞋濕哂，我仲要濕足12個鐘，對腳好辛苦，當然係唔爽啦!我又冇拖鞋上陣，本來我都想拖鞋上陣，不過公司唔係咁喜歡我咁，始終拖鞋唔係咁雅觀!

返得工多，少左理d妹，有d唔係咁好既感覺，始終作為哥既自己，冇盡力去了解佢地，又或者係咁講，我好少同佢地聯絡!