今日我真係好累，其一就係尋日開工好累，我要帶住幾個新人，講真係難教!有個新人做左一日就冇做，唉!冇計，冇心做，唔肯挨!另外，我足之都比公司訓練做樓面，尋日係咁依都係晚時時間寫左接40幾張單，我做左呢行咁耐都未寫過咁多單!

咁今日我係有數學既考試，不過我都係考完就算，講真我都冇心去讀，都係讀埋今年睇下個成績就算，講真讀左咁耐書，都冇咩成功感!

今日放左學之後我就同sky旦丁又落去深水步，我就要買甲片，我要整武術既保護甲!

之後去左sky屋企後山練習，我覺得自己今日表現就真係差勁，自己平時睇野係會覺得慢，可能因為武術帶黎既，但今日睇野係倒返轉快，咁即係個人反應出左d問題，不過今日出門都遇到唔少問題，例如搭火車返學個時，我差d焗到嘔，我係個一刻係極度覺得不適，咁相信係自己欠缺足夠休息導致。不過今日都keep得住，都係可以應付旦丁、聰同埋terry，今日總算可以打敗佢地既，不過都係狀態插水，發揮唔到表現!

我之後打完，係個人極之疲倦，有好想訓既感覺，之後我搭279x返家既時間，我真係累到大訓一場，不過訓完之後，表現立即回復!

我食飯之後，我同細佬落左街練習，咁同佢好簡單地打左1彭，比細佬睇下咩叫「飛步」，今日係sky個邊就用左好多次「飛步」，當然飛步極費體力，要打真係好好體能先做得多次!咁細佬教左佢個d技巧，咁佢又真係做得可以既，不過都係馬步浮游，堅固d先至得!如果唔係打出黎就會好肉酸，屎忽搖搖下!

早幾日，我發現自己唔見左萬用刀，當然我唔係好開心啦! 講真呢把victorinox climber係我細佬比我，唉!而家唔見左，搵極都搵唔返，唉!呢把刀，跟左我四年，經過好多風吹下打，又同我行過好多工作既時間，而家唔見左，我當然唔開心啦!

不過呢，把刀都已經年紀唔輕，都已經有返咁上下，而且都已經凹凸刀鋒，或者佢知道自己年事已高，想靜靜地離開，climber盡忠了!

今日我朝早去左ive考auto，咁就我遲左好多出門，不過反正自己去到考試都係咩都唔識，咁考同唔考其實都分別不大!我去到考場，好求其做完份卷就算!

我同sky同旦丁之後去左又一城，去左victorinox，我要買刀!去到victorinox，我就睇岩左outrider，outrider係萬用刀最大個隻type，即係有lock個隻!sky其實都有一把，佢個把係非買品，因為係香港童軍特別版，有錢都買唔到!最後324蚊得手outrider黑色!

之後我同佢地兩個去左深水步，sky要買白腊杆，咁岩聯發祥都有入新杆，咁sky今日都揀到心頭好，講真枝杆真係好靚!

今日去到sky屋企，我足之都見到sky個d比賽級既槍頭，真係好大個!一個都成40幾50幾cm長，我都想有機會可以領教呢個大槍頭!

另外今日我足之係sky教我底下整甲，我當然好滿足啦!開個頭都好好!幾合身，當然我都要繼續努力完成埋佢!