今日我遲左好多起身，因為今日只係需要返兩個鐘，講真我本來我真係唔想返，返學對我黎講真係冇咩意思，講真返學不如返工，我鍾意返工!
之後我同sky帶左旦丁去左觀塘，去左個間武術用品店睇野!咁旦丁今日就係個到買左把劍，把劍我覺得好輕身，點講呢!我覺得武器重身少少先至好，武器重身有平衡同重心感，揮舞時容易控制!不過呢d對我黎講冇影響，因為我用拐，重量對得講唔係大影響，影響我既係棍幾長，手持既把手既長短，同埋佢用咩物料做!
之後旦丁同我同sky say個bye就走左，佢唔返去學校補課，換著我係佢，都係唔會返!事關ive做埋d冇聊既事，屈水賺錢...
咁我之後去左sky屋企，sky屋企就快好似我屋企咁，哈!講真我覺得sky雖然亂少少，但係我覺得係我既風格，亂唔係問題，住得舒服就可以，有時會有陰風陣陣，但係呢呢d野又有咩好怕，講真「朋友」咪又係同一屋簷下，呢d就係sky屋企既鄰居!
我係sky屋企打無雙orchi，照舊用孫策!此終我係拐既fd屎，難得孫策都係用拐!當然sky用佢既最愛趙雲啦!唔知點解，我對呂布係完全冇興趣，不過聽好多人講，用呂布太屈機唔好玩!
之後我同sky去左後山練武，sky今日教左我跳彈既步法，我覺得非常好用，此終係一好容易走得開，又唔洗比對手咁快擊中，當然我今日第一次練跳步，真係要花時間練習!
今日係練習既時候，當然有好多搏擊場面，但係山上有途人都係影響唔到我地，sky係驚對到人地，但我當然冇問題啦!拐咁短好難會打到遠距離既野!
習武總會有傷既時候，今日就少傷啦!只係右腳傷比纓槍彈中，當然打中左開頭冇咩事，之後覺得有d麻痺，就係咁!但原來係彈到皮膚有裂開既問題!當然有血出啦!不過我唔會唔開心，反而我開心，因為我放低左執著、責怪...如果係以前，我真係會屌人，但而家我唔會!因為我明白武術總係會有受傷!
放心，我冇事!別擔心
|
