向來網友傾得電話比較多既，相信係近排識既小穎。近排佢遇到一d比較官非性質既阻礙，比警方收起手提電話同埋電腦協助調查，又有家訪錄口供既時間，我聽到佢咁講，我都有d擔心佢...
我唔清楚佢成件事係點，不過我覺得係同黑道中人有關，但係屯門及三聖地區既幫會活動向來都係一般感覺，水房係有等於冇，因為幫會組織實在太細，元老級人馬九去一留，因為好多都已經係退役金盤洗手、移民去左外國搵大錢，又或者已經係過左身。後生一輩既，好多都已經失勢，暫時香港第一位係和勝和(實力雄厚，而且範圍廣範)，其次相信係洪門(行事較低調，但力量不錯，只可惜大多數力量只能夠集於香港境內，對外力量不大)，新義安集結係天水圍，當然勢力都係「天水圍城」，少有對外擴張，多守少攻!仲有既係水房，失勢的帝國，就好似三國時代一d小國，就好似梁國，版圖接近零，攻擊力零。當然仲有包底既14K，係香港已經遭到「滅國」，而家只係江山還在，人去樓空既局面。
講返正題，小穎佢到今日都仲係好掛住阿洛，不過我覺得唔值得，因為我知道阿洛經常都好少理阿穎，其實阿穎好多時都好唔開心，不過講真隻蠢蛋阿洛又點會明白，佢掛住打波，打到累就已經好似死屍咁!又唔識得打個電話搵人，即係有時我都覺得你如果覺得有好多阻礙，對感情又或者拍拖有好多不同既弊點又或者令對方有孤單既感覺，不如唔好哂人地時間，零願放開人地，比人地去做多d唔同既嘗試，總好過「dum波鐘」...
我其實都鍾意小穎，不過小穎個心又會唔會係我到，佢個心依然都係留係阿洛，而我就係「十分愛」入面既小武，最後乜野都得唔到，白白咁過一生，到死個一刻都冇人知，我唔知好唔好再為佢去花時間。尋晚，佢同我係電話傾計，我都冇咩心機去聽，因為既然做一d冇結果既事，不如唔好再花咁多心機去做，朋友依然都係朋友，但係我唔想為佢花咁多時間，不如花係真正對我有興趣既人身上。
其實我更鍾意既係miki，我喜歡敢作敢為既人，亦喜歡運動型既女仔，雖然有d幼稚，但我鍾意佢既原因係，佢能夠令我感動!或者佢大有機會由妹變左叫老婆!
|
