微雨大雨又微雨，今日天氣都幾反覆，係我覺得最好玩既行山天氣!
今次跟樂行去行獅子山，今次足之都登頂，其實行左咁耐山，都覺得行山係已經去到唔錯既地步，係睇地圖真係仲係要學習...
steven同ken都係首次復出，其實我覺得佢地功力已經大不如前，力氣同技巧大不如前，呢d好明顯就係為成績去拼搏既結果!咪搏到個人都謝哂lor!睇黎佢地真係需要多d娛樂平衡返個人!
咁我覺得d中一既師弟好搞笑，大家一班男仔，居然都會好似成班八婆咁，講埋d是非，都係鍾意串嘴!換著我以前，唔會係咁，因為個時係真係要打架生存既環境...
今日亦都係我咁耐以黎，我第一次上獅子山頂，我開心唔係登頂，而係自己花咁多時間鍛練，我搵到成果係邊，亦都係行山之中，我放低左自己煩惱同埋對世事既不滿，或者人真係要放低怒火先至令思維清楚，原來一直都係練武仲有敵我心態，做唔到心冇雜念，係個心為左將對手死打傷，或者冇還擊之力底下去打，其實個心應該係好似水一樣，要清澈!
係行山都覺得，有好多前輩都問我:「著軍boot唔焗、唔重咩?」我心諗佢地太執著於鞋既本身對自己既反射回應，的確著軍boot行山係甚熱，重都係幾重，但係如果咁睇對鞋，實在係流於表面，其實我係著鞋者，呢d野開頭都有諗，但後黎諗到佢地性能、表現，同埋潛在實力有好多，咁就揀左軍boot上山!
|
