尋晚，同小穎一齊傾電話!我覺得同佢傾電話係一件幾開心既事，因為我同佢傾計，有時會覺得頓時放低好多煩惱!至少大家傾埋既野係同一個channel!咁亦都難怪對佢有點好感...
尋晚miki好早就off左line，冇大妹同我傾，細妹又唔係多出聲，咁仲有邊個吁呀?咪小穎lor!出奇地尋晚小穎主動搵我，我都覺得好安慰，始終平時好少女仔會主動打比我，亦都係咁呢排個電話冇咁靜，我個電話真係除左朋友同學打比我之外，就係冇女仔打比我!
咁尋日講起飄零燕，我又岩wo!事關我都係細個有睇，坦白講我小學平時冇咩機會睇卡通片，真係除左星期六日朝早之外，平時都係因為返下午班既關係，所以電視呢樣野對我黎講係好少接觸!
另外呢，我以前都有少少睇過咩叫做天線得得B，不過而家都有，唔係睇!而係旦丁到根本就係得得B，日日都係都兒童台既佢，我都有排笑...尋日仲要整個女版得得B，嘩!真係好搞笑，阿穎佢扮得真係好似，呢d真係同卡通片配音既人材，我都幾欣賞佢!如果佢無線做配音都唔錯!
有時我有好多唔明白既地方，其實佢咁好，點解佢會既遭遇會係咁?善解人意，開朗，體貼，好多男仔想女仔係咁既野，佢基本上都做得好好，但佢一次一次都遭到男友既遺棄，點解會咁?而家佢既男友都係咁，開始步入遺忘階段，我都唔知佢發生咩事?阿穎真係好可憐...我好想幫佢，但我唔知點幫佢，我想帶佢離開一個令佢唔開心既人，由自己比快樂佢，可惜佢一直都唔係咁放得低!或者經過一段時間，佢會明白我既用心。
向來冷漠既我，我比佢感動到，我會有一種推動力想關心佢，又或者係使命感係想照顧佢，咁呢d係咩呢?我唔識形容，我只知係咁多!呢d叫做真愛?
|
