尋日玩通頂從青衣返黎既我，換來一個快樂的心情，基本上係鋤dee同埋係武術上踏出第一步， 不過身心都十分累了...所以8點幾返到屋企，就已經好快咁沖過涼就訓啦!
一起身，估唔到12點就起左身，食左個由我老豆下廚而煮既飯，唉!佢介蘭當菜心，真係佢煮飯個下我就覺得係災難...
食完飯，阿B又起埋身，佢又要做下功課，不過我覺得唔做好過，大不了咪欠，欠完再慢慢做返比佢，個時我返中學都係慢慢拖功課交數，講真一個假期咁樣做功課真係唔洗去輕鬆下咩?有時d老師就係咁啦!放低功課比我地係假期做，自己就已經係聖誕、新年、復活、暑假係咁玩，換個角度睇，佢地玩緊個時，有冇諗過學生都係人，係咪應該唔好比太多功課，比返學生一個放鬆一下既權利呢?
阿B佢好唔高興咁做住一份中史既功課，據我細佬親口同我講，就話該科既老師(新人，連我都唔知乜水)，向來都係做埋d麻煩野，令全班都唔係好高興!
之後同細佬過左樓下公園練武，照舊都係我用雙拐同雙劍對拆，當然係樓下吸引到一d小朋友既目光啦!不過好彩佢地好醒目，冇話走過黎!今次練武，個bit都幾快，細佬多左攻我下盤我都係一落係咁擋走哂!點講呢?尋日玩到對手掌好多位都傷哂!主要都係細佬片起個下就割傷，講真都幾痛下!但係為左學識用拐，我一定係要努力練!
之後返到屋企食飯，食完飯就已經出去旺角!今次打wargame我第一次坐gary車，不過gary架車就一陣氣油味，其實原因好簡單，因為車頭冷氣同腳制位，都係引擎係前面，而且架車係時速100km/h咁開，難免d味吹哂入黎車內...
尋晚11點到左，天氣非常潮濕，有小小霧係個場，濕到高某程度上都會影響槍既運作，好彩我係打game前有同枝槍做返好多簡單既落油!所以尋日係game場上，手槍同MP5都係安然冇問題，不過風鏡就有d問題啦!尋日濕氣太多，令鏡內霧氣大增，我都明白呢樣野會令喵準性大減，不過夜game係見光就上!
尋日打左2種mission，例如纖滅，護旗去到對家起點。當然夜game係難度升級左，點解呢?好少新手會上場，但係老手多左，日game d新手會發白日夢，做埋好多比老手打到既行為，但係夜晚好多都係老手，難度的確係升級!第二係夜game會有幾種影響因素，能見度低，心理上玩家唔敢上，我尋日更加同隊友悶到抽煙，原因係對手唔敢上!
尋日我自己被選為「棍仔」，即係護旗代表，點解會選我呢?原因我個set野保護性最高，加上其他人就怕食彈，講真我就冇咩野，我好多時都願意做VIP、護旗、引火，做VIP係最辛苦，因為壓力大，如果輸左，成隊人都輸哂!不過VIP有d係打得好好笑，VIP殺VIP，不過我未試過!始終VIP都係少打，香港市面就見都係打開纖滅!
其實尋晚我係覺得打得吃力，始終我同細佬係第一次打，有好多野我都係未適應，仲有既係唔慣係咁潮濕!好辛苦GA! |
