壞槍係wargame係常見項目，亦都係因為咁好多師兄要由老遠抬枝槍出黎整，亦出現枝槍明明冇問題，只係某少部份出現d小錯誤，現導致付款付得毫無價值。
先講jam彈，jam彈有時候係因為彈既質料做得唔好，又或者該廠加工既時候，打磨粒彈打得唔好。咁點處理呢?首先每次好開心咁買左包彈返黎既時候，唔好就咁開心到入落隻夾又或者枝槍到，因為有時好難講包彈入面有幾多膠碎又或者雜質。首先將包彈倒出用「稍璣」盛起，然後將「稍璣」搖動，睇下有幾多離質流出，然後用自己隻手好似炒茶咁炒幾分鐘，應該經過咁樣既處理，枝槍就真係冇咩雜質。
打打下個時jam槍，唔洗怕!其實如果你買一枝槍返黎，不論日本槍定國狗，通槍棍一定冇得走!首先將槍hop-up set到最細，即係下旋!脫夾，仲要嘗試開槍有冇彈出!有彈出返舨黎就當然冇事啦!冇既時候，可能就會係槍既槍管當中有卡死情況，咁好簡單用通槍棍篤返粒彈出黎，當然最好有通槍棍之餘，仲要有d潤滑油，咁就唔洗咁辛苦先篤到咁粒彈出嘛!
有時開槍，聽到枝槍有不尋既常既聲，係呢個時候就要小心啦!有可能會係掃左齒，又或者係斷或掃左天梯，呢個係常見病因!我就係到忠告大家唔好拆槍，因為咁樣係會令自己愈來愈難處理壞槍既問題!當然呢d係要搵師傅處理啦!
師傅幫你整槍，唔洗自己整咁頭痛，亦會有好大機幫你完成到枝槍!當然有時d case係會耐d，耐心d等啦!
介紹下幾間店仔比大家知下，廣華買槍、維修、買零件既通通都有，但係唔係間間都咁好!
先講買槍，買槍就要去三軍，服務態度一流，槍完全係100%原廠，唔會狗到搵國狗件入落去!S-3服務態度最差，做事欠效率，有時拖延時間!亦有時掛住同D熟客打牙絞，懶得理你!
整槍，係去巷仔入面大兵斜對面既狙擊手，老闆係波仔(客氣D入到去叫返波哥啦!)，佢會提供專業意見，整槍95%整到，有效率、價錢平、有問必答!而且手勢一流!
買件，去統工房，差唔多有乜賣乜，不過電筒件另計啦!(多數都買唔齊)，買電筒件係去名鎗店，店仔細細，但真係一應包齊，服務態度唔錯! |
