今日諗起sky講，佢話我為比較浮燥，有急進既問題!呢層我唔到我唔認，事關向來生活緊張，我阿媽又強調為人處事要快，要利落...
其實回想起自己係處事、習武、鋤dee、運動都係有一個急進既問題，同時有好多野諗，即雜念...可能我仲要為讀書而煩惱，為錢而煩惱，為感情事都係一樣!一直我都係未平服，去到放低煩惱，心無雜念既層次!
人為目的而比拼，其實應該係咁講人為過程而比拼，為熱愛運動而運動，奧運唔係為勝利，例如我得第一，我好勁...錯!呢個唔係呢個唔係熱愛運動既原則，而係為獎牌而拼搏，同一隻小狗係到追飛碟，佢唔係鍾意你同佢玩，而係佢只係喜歡隻飛碟!比較只係令人類互相之間有冇明既衝突，人亦都因為咁，當年第一次世界大戰其間產生「極端民族主義」。人比人比死人，一山還有一山高，相信好多人都聽過呢個道理，人其實唔應該有咁多比較，事實上你比較到你自己好叻，有幾強勁，甚至威水!其實唔代表一切，如果你要強，你要比任何人強，呢一點其實係冇可能，除非你係上帝!
打唔係為勝負，而係為學武而習武，有為學習技藝而打，為打而打，又或者可以係為身體健康而習武，換著我既角度，我更需要為心如止水呢門學問作出尋求，我要心無雜念!
快，唔代表有正確既觀念!就算你有幾快，行事浮燥，有測隱而未能作出正確決定，欠決目標，最終都係失敗...快，先得靜而制動，先冷靜部注，然後再下決定，決定一個自己既立場，先至係成功...
有好多讀書比較勤力既同學，佢地每人比我感覺就係，天天努力溫習，天天努力拼搏，但甚少機會與人相處，甚至造成「自我排斥」現象，因為佢成日溫書，好少同同學一齊去經歷平日就做既事，最基本好似放學去篤粒魚旦都冇既，咁又點會有同學願意同佢結識呢?勤有功戲冇益呢句我覺得真係累死人，勤力有用，但唔代表娛樂是大錯，事關人係身心上都需要調節，如果真係要係到十年寒窗苦讀，照樣抱持「勤有功益冇戲」，我肯定既係佢keep住坐係到讀書，最後身體將會極為虛弱，因為欠缺運動，關節彊硬!其實讀書咁勤力，但咁樣係咪辛苦自己?死讀爛讀，未有比腦部有適當調節，最後個腦型成大量精神緊張，即係個思維太多野諗，太多雜念啦!唔癲就假啦?
心平氣和，但對於年少氣盛既人青年黎講係一門難明既學問，例如好簡單問佢地，比賽為咩?佢地多數會答為勝利、得獎、比人睇到佢幾叻之類，但係佢地往往忘記左比拼在於「為左對該事物熱愛既行為而進行對該事物產生興趣既行為」，即係習武個句「為打而打」，呢個先至人生既目的，為生存而生存，為生活快樂而快樂!
|
