天氣情況其實都對wargame黎講都有挺大既影響，我分開幾種黎講啦!

冬天: 天氣乾燥，寒冷，電槍通常影響較少，基本上由電推動，問題不大...氣槍相對較大，134a gas於18度或以下開始不能發動，top gas會出現不良反應，猛將會於天氣太凍的關係，會於注夾時產生很凍的情況，有時會冇法發揮水準!

春天: 天氣潮濕，多霧。呢個時侯要多加檢查枝槍，例如有冇因潮濕的關係，令內部零件有氧化情況，所以要盡量保持槍身乾爽。

夏天: 天氣炎熱，多雨。夏天打game有可能隨時落大雨，落雨枝槍會入水，所以盡量不要淋雨，始終是會加快枝槍的損壞機會率。同時夏天好多時打game都會較易發生意外，例如蛇蟻鼠蟻的活動，始終動物同昆蟲都係冇性，要咬你簡直不需理由!所以記緊要穿合適衣物上場，另外天時暑熱，容易有中暑情況，請保持多飲水!

秋天: 最好的天氣，萬事皆易...

今日我連學都冇返，事關尋晚開工做野做到12點，我亦都好累!同時，返一個鐘，講真返黎真係冇咩意思!

咁之後我去左搵sky同旦丁，加埋有兩個fd，識棍法既阿jack，新手terry，另外仲有阿聰!咁我地成班上青衣後山練習!

今日落雨第一次練，我覺得真係好難，因為個馬步好難攞準落點，同sky打就冇咩事，但係同terry打就真係唔掂，因為個時落雨係最大， 我都失手中左terry一劍，亦都好好彩係欄腰，唔係中致命點!當然拐亦都係難學難精的武器，我現階段的能力，邊到可以咁易取勝?

今日我係有一下比sky攻下盤，我係好記得佢對我「通坑渠」，我當然A字馬跳起左啦!否則中左都幾大鑊，真係插腸仔!咁睇其實我見到自己進步左!

不過旦丁就唔係咁好彩，佢唔單止冇咩進步，仲有可能要暫停練武，因為今日發生左一場意外，就係雙長對四短既切磋，旦丁比sky就以刺既方式插中手掌心，經過我檢查後，旦丁既傷口都幾傷，因為真係深度都唔係淺，插中個下，我見到旦丁係抱緊隻手，都幾痛既表情!所以呢，我都覺得自己好好彩揀拐，的確係一樣好好既防身武器，雖然攻擊力唔係高，但係我唔洗咁傷，因為好少人真係打到上哂頭!