2008/5/29
我呢一日返左學校聽啤酒王既「考試攻略」，其實我都冇咩興趣想聽，反正我都準備唔讀落去，有時候ive真係比我感覺好浪費時間，不如出黎做下野好過!
咁上完堂我同sky去左深水步睇野，咁我去一間平時都有去開既聯發祥，咁我睇到好多白腊杆、木杆，仲見到一個龍頭，平時睇舞龍個d龍頭好似唔係咁大個，但原自己真正近距離接觸既時候，我覺得真係好大個!
之後去左另外一間，咁我見到對拐200蚊，全筍，而且係特長，長約1尺半，當初我都覺得幾吸引，不過呢枝野有斃點，理由好簡單，枝拐個handle位冇托位，而且handle十分之短，呢個唔係一枝好既拐，拐有幾個元素，其一係唔可以好多A字木紋，因為咁樣樣枝拐好易斷，另外最好係有全筍接合，半筍都是未到最好!拐唔一定要長先至好用，而係要符合身體比例，太長太短都是不合適，最好係岩岩到手爭又或過左手爭少少，最重要既係拐最好係要有「托」，冇托既拐係容易跌!
之後去左青衣城，同sky行左一陣，就等埋jack仔同埋旦丁!
咁去街市之際，jack突然又話要去上水接女放學，呢個廿四老公真係唔話得!
去左街市買左一大丸，我同旦丁就跟左sky去左鹽田角村，即係sky佢老豆間鋪個邊耀記。去到耀記，就見到吳太同埋sky佢哥哥，佢哥都幾大隻，之後就見到sky老豆個d烤豬相片，又有細孖叔既合照，仲有經典賽車照，鋪仔細細，但係總算樣樣齊樣樣有!sky係個邊攞左d辣椒，我又見到佢鋪頭個兩架外賣戰車，回望自己公司個兩架垃圾，真係唉一聲!
搞好辣椒既問題，之後就去左sky屋企鋤dee，今次有幸去鋤一副幾貴既bycle，感覺好爽!
到夜晚，食丸時間到，我地個個都食到好飽!但之後仲有重頭戲，就係上山打ii!
上山打ii，sky就今次用鐵通，唉!就係咁樣，佢就發生左d小問題，因為sky係今次4人行動當中，佢係押尾既情況之下食左ii一棍係刺出，幸好刺出既係棍，而唔係刀又或者其他利器!否則我可能都會係咁既情況少左個老友!
2005/5/30
零晨00:10，我到左279x巴士站，但久等之下遲遲未見巴士，我就打比sky，問佢有咩方法可以回到上水，之後佢叫我立即入地鐵，我去到深水步，搵通頂紅van，但係又係遲遲未見有車上，咁我打算等，但等左好耐都係冇，本來我打算係24小時M記借鋪一宵，不過經過sky指引下，我由深水步行到去新之城個邊，估唔到我真係有救，仲可以搭紅van返到屋企!我當然開心啦!
係行既其間，我遇到好多唔同既人，我遇到有背景人士，不過係叔父個輩、粉友、警察...我最擔心係警察，因為我當時係背負4枝拐係背囊，發一比佢地發現唔對路，比人查袋個下就真係好麻煩!
最後我3點幾返到屋企!
之後12點返工，irene係咁打比我，我都火起上黎，煩到仆街，返到公司我罵佢，佢都係唔覺得內疚!之後我兇一兇佢，佢先至低聲下氣，之後佢成日都唔係好敢話我!哈!
|
