尋晚，我同我細佬係10點幾到左青衣，咁尋晚點解咁夜去青衣呢，其實我係去習武，打夜戰!如果大家仲記得，我第一次習武，係夜晚練習既!咁尋晚我係岩岩習武三個月後，再返黎一次呢個地方，一黎呢個地方大，二黎冇咩人，三呢係呢個地方係一個硬地足球場，咁我地可以以一個足球場中場既圈作為小型競技場!
咁尋晚出席既有sky、我、細佬同埋terry，開頭terry未放工，咁我地三個上左去水庫球場等人踢埋尾場!等緊之際，我地三個係下面既公園既亭仔，一路餵蚊一路鋤dee，最奇怪既地方係，水庫球場係多蚊，但係我係咁多個之中傷口最多，應該血味最重會多蚊我，但事實居然相反，最多蚊針既居然係sky，嘩!佢既手臂好多蚊泡，當然佢係超痕啦!無意中我地搵到好多昆蟲，例如小強同蝸牛!咁我地咁多個之中，得sky係用長兵器，雖然佢用既係櫻槍但係佢冇加槍頭!即係棍一枝啦!我擲高d蝸牛，本來比sky當棒球咁打，不過太黑啦!sky睇唔到好正常!最後d蝸牛跌哂落地死哂!小強既下場當然係更慘啦!比我細佬係咁踩死哂!
好啦!足球場既人踢完波啦!我地上去鋤dee，咁尋晚我只係好慶祝我唔係係sky屋企係玩食丸戰(即係打邊爐加鋤dee，輸幾多隻，一隻一粒丸!)，如果唔係，我肯定尋晚食到死!之後見球場有個爛波，照踢啦!之後我地係到玩12碼，我估唔到我做龍門都唔水，以前細個去彩蒲園樓下球場玩，踢波係踢得最多，之後小學成績唔好成日比屋企迫補習，想落街玩都唔得!之後踢波去到中學時期，個時中一一放學就落左去聯和墟開波，當然係好開心啦!
踢埋波terry就到左，咁terry就買埋薯片上黎，當然係好啦!有消夜食!
好啦!鋤dee玩完啦!開波習武!咁大定經過一輪熱身之後呢，咁第一圈係細佬對terrry，不過細佬個狀態真係笠水，基本上打個時係比terry控制個環境，其中佢地都有打得好激烈既情況，我會覺得佢地用緊好實既力，即係我平時形容既欠人幾百萬既打法!當然呢個唔係好事啦!講真一砍去好傷!最後我細佬打到duce2:2個時，我睇到佢好及想發力去追!不過最後都係輸左!我覺得幾唔抵!
之後到我打第二圈，第一場對細佬，咁我第1轉就比細佬封左喉，不過我就警告左佢，因為封喉真係好危險!不過我第二轉就打中左細佬隻右手面，不過呢次真見血，我砍中之後，居然係打到有4條痕，咁我帶細佬去公廁搞搞個刀傷!最後呢我係打中佢手腕，咁就win左第一round!
之後我對terry，terry就一開波同我打到出哂圈，唉!好鬼好笑!之後再黎過，我打中佢手指，之後第二轉，我迫左terry出圈，最後再打last round 我好似砍到佢手腕!
咁我再埋sky個轉，當然係3炒啦!話哂sky都係教我既，佢拆招真係好厲害!我嘗試用勾搶棍，但係搶唔到棍，反而一次比sky推出圈外，兩次掃腳!當然有埋門既時候既，可惜miss左個時間性同個速度!
好啦!休息一輪，我要打一場2P1，即係兩個打一個，係我一個對細佬同terry，terry比我砍中右手好快out左!之後我就同細佬單對單，最後我係細佬砍中我之前，我推左佢出圈，不過我最後都比佢砍中右手手指尾!
sky向來都喜歡一個打n咁多個，咁當然尋晚都有打多P，當然佢係清哂我地!不過有一下我發覺sky真係好勁既係，佢用刺既方式，一下打中我左手掌，再推我出圈!我個刻係比佢推走，一路只可後行再到我出左圈!個下我真係o哂嘴...
習武的確係我最開心既時間，我可以好開心咁打得好放，雖然會有傷既機會，但係我唔介意!尋晚我對刀反而幾多野傷，因為刀面有d刀繩係到，經過打鬥之後，d繩斷左!算啦!反正我有皮係手...
|
