今日我同我表弟一齊去左大埔游泳池游下早水，我可以講既係，我好耐都冇試過咁早起身去玩!難得而家冇工返，冇學返，同表弟去玩又如何?
咁我知道表弟係喜歡游水，咁就今日同佢游下水，我當然好開心啦!表弟由細個開始，由水泡到今日既浮板，我覺得佢真係長大左!咁今日同佢游水，佢真係少少水深d都驚，有時候都諗，表弟係咪學過游水?之後教左佢浮水，衰仔驚死咁!唉!
之後冇啦啦泳池職員話要休池，唉!真係好可惜，咁快就冇得玩!可惜!
咁我之後同細佬、表弟去左大埔超級城行街，都係例牌去睇個d超人公仔，呢個表弟真係好鬼好笑，由細到大都係咁鍾意超人!
睇完野，我地之後去左佢屋企玩，不過我覺得災難就黎左，就係鳳園小魔怪要面對，其實呢係一班小朋友，講真我覺得非常難以應付，唔係佢地運用暴力，而係佢地高而尖既聲音係短時間之內瘋狂咁轟炸，好難頂。不過攞起枝棍就唔係咁講，佢地好怕棍，亦都近排從棍領悟好多對手對杆頭既影響，步法，我覺得係好易睇!有時候用另一個角度睇，自己雖然用自己唔擅長既武器，即棍同劍，其實我睇會到好多野，另一個角睇，就算我唔擅長既武器，但係我都會用得好似自己擅長既武器一樣，絕對係要自保，而且係要壓制對手!的確我今日用起枝棍，基本上係逞強既小朋友咁埋黎，不過佢地比我做完一輪假動作，佢地真係走哂!估唔到自己用棍都幾嚇得下既!
我細佬仲瘋狂，鳳園小魔之中我表弟既堂哥斌斌，嘗試用劍對細佬，結果細佬用棍係挑甩劍，個下細佬真係打到爆seed!另外一個係表弟既小鄰居susan，又係我細佬既傑作!雙小刀對我細佬單棍，嘩!呢個6歲既小女孩既，其實係一個小惡魔!佢打算狂打細佬!當然細佬開頭讓下小朋友，點知換來一個可怕既結果，佢迫到細佬唔用實打都唔得，講真打中左手腳多下，唔停!咁只好做一個狠招，一棍打背，結果呢個女仔真係比我細佬用重力打中!我本來打算叫細佬留一手，但係叫唔到，冇計!
另外呢，我亦比我表弟玩一個幾嚇人既game，就係玩迷宮，之後完成左有一個嚇人既照片同聲音!咁我表弟玩左，結果嚇到佢彈起!我同細佬當然係得到充分娛樂啦!(奸!)
經過一輪晚飯，咁我同細佬係表弟屋企門外一個村地嘗試劍對棍!嘩!當然我表弟都有參與啦!當時雷電閃閃，的確係幾刺激，講真因為唔知幾時會落雨，唔知幾時會行雷!我表弟當然係唔知死，係咁同我細佬挑戰，不過我只係覺得表弟只係敢於挑起枝棍，但唔敢正面交鋒!當然呢個係正常啦!因為我講真第一次對sky，我何嘗唔驚?
入正題啦!我姨丈見到我地兩兄弟有咁既雅興玩武術!咁亦都有心教我地一d棍既知識，完來我姨丈佢識得六點半棍法，呢個真係好開心既消息，的確我地對棍既了解度好低，我地多數互相切磋又或者由sky教野「餵招」既時候，我地對既係槍法為主，但係令到我地明白，槍法同棍法基本上一樣，但係槍法係的確幾危險，因為基本上纓槍，有纓槍頭!係危險度幾高既野!
咁六點半棍法比我感覺係幾剛既打法，而棍長級數係主要以齊眉棍、8至9尺棍為主用，主要係用抽棍、提點、圈、反揪為主!而且主打以上身為主，主要係頭、頸、身、膊頭...我姨丈都成60歲人啦!但力氣依然都係好勁!打中條電燈柱，依然剛柔並濟!雖然今日我睇到既唔係多，但係我已經好開心，我諗到原來自己既親戚都係一個武術之人!
其實今日都有d意外，我細佬係同斌斌打之際，好似打爆左木劍既劍頂，我開頭諗呢次大鑊，因為姨丈都幾喜歡把木劍，好彩姨丈都好體諒我地既，見到爛左劍都冇罵我地!其實我覺得用劍係幾易用既武器，的確好易上手，棍亦都係我玩一玩，就好快領悟左長武器同短武器既分別同感覺，講真長武器同短武器都好好玩!
|
