尋日，係我病左既時間，我發現自己msn一個特點，放學時間特別多人online，呢個情況係好平常，但係返學時間，都有人online，我就覺得佢地on 黎做咩呢?首先我老友記sky online係正常，始終就公事在身，佢開工on唔到line，但係又會有好多佢d fd會搵佢，又或者交帶落有d野要處理，呢個係正常!
有d就好有趣既，on左，但係內有病毒，成日彈d zip file黎，講真一個唔覺意彈左d virus黎，咁就oh my god!
無意間，我見到平時成日係我個blog 留言既老友芳芳，佢個時係上緊堂，但係都同我一樣喜歡上堂msn，傾傾下計，我先知道呢位朋友原來係幾經辛苦先至online同我msn又或者係我個blog到留言，原因係d咩?好簡單，佢屋企係冇電腦，我開頭都覺得好驚訝，原來呢個世界上，仲有人係屋企冇電腦，不過諗返轉頭，其實芳芳會唔會係一個好貧困既家庭入面長大呢?呢層我盲唔知，不過呢，我係好同情佢，因為佢係冇電腦既情況底下，依舊都係好快黎左我個blog呢到留言，真係好佩服佢!
自問而家我雖然有部notebook，不過回望返自己以前經常要同我細佬孖住一部機去用，的確係好辛苦，而家雖然係一人一機，但係感覺就唔同左，例如對我細佬黎講係一大方便，因為佢從此同女友既溝通就冇阻礙，此終有我呢個第三者係中間睇到似乎唔係咁方便，我自問亦覺得唔好意思，此終佢都應該有返自己既空間。
講左咁耐網路上既趣聞，我亦都要講下今日自己既所見所聞，今日我係公司係好多野做，本來我都想安安定定咁係公司渡過一個安靜既上午，但結果同我所想剛剛雙返，今朝砌機又裝電池，唉!又要搬野，我覺得簡直係想死，講真波叔安排好多工作上既野比我處理，雖然我比以前處事上比較平穩，但係一時之間比咁多野我搆搞呢，我其實都有少少跟唔到個bit，好彩最後我都追得到。
另外呢，今日我同jimmy亦去左觀塘個邊做野，就係個客既handset好細聲，咁好簡單啦!handset傻既，咪換handset lor!不過jimmy比左個「出人意表」既headset，就係佢自己攞左個陳年handset比個電話頭，當然外觀上就...強差人意!不過好野唔怕肉酸，至終個handset係靚野，原廠norstar既!係好硬正同扎實，點會好似d made in china咁ga?話哂人地都係來佬貨，made in canada...
咁我地當然快手快腳，唔好比客太在意個handset，我就快手快腳比個客簽單，啦啦聲個客試埋，走啦!仲唔走咩?
更有一個good news，今日足之又可以早收工，今日我同jimmy係5點已經完成哂今日既流程，舒服哂! |
