今日星期二，我係ive上左早堂，即係英文堂啦!今日係speaking test，向來speaking test我同ivan去夾都係嘛嘛，原因係ivan同我既英文能力有很大既懸殊，因為佢英文真係好差，不過總好過judy個pair，佢對家係violet，violet向來係我地班既「村姑」，因為佢真係好大鄉里，衣著really bad，身材以terriable型容，而且為人單純兼格冇腦，好明顯呢d係讀書讀到傻左，如果大家有睇我之前既日記我點形容呢位女同學，你就會知道佢係一個點樣既為人，坦白講佢咁勤力，讀出黎既結果的確係好，不過又點ar?咪又係同一殊途，一齊係到為ive的學位而係到打生打死...
judy今日對住violet，向來judy一個幾靚兼溫柔既女仔，居然都要嬲到係test既之後同我反應，judy就話啦:「佢連個電話number都可以讀錯，我仲要聽唔明佢講咩，我就快比佢激死了!頂佢個肺...」可見violet是一個不受男士歡迎，也是一個不受同性同學接納既同學，violet係讀死書，相反地我以前學校都阿晶同學同佢不相伯仲，只不過阿晶同學未讀死書到好似violet咁，violet係不受歡迎和接納，同時violet是讀死書，讀到一d書本以外，例如口試、運動、團體合作等，都是差得不值一提(佢做團隊討論，通常都係比人際旗)。反而阿晶至少會有朋友同佢一齊相處，至少我一個不讀書既人，都可以同阿晶傾到計，同時阿晶係有較好的全面發展，係各方面都算係唔錯，係運動上略欠一點。
講返我自己今日既speaking啦!ivan向來都好合作，做練習佢都好比心機，不過就欠主動，唔識既字，佢好少會問我，不過算啦!人有唔同既學習取向，我都覺得佢已經比佢最大既能力，我覺得佢已經好好!咁平時做訓練，通常都係講到超鐘，不過今日我地就夾得幾好，3分鐘之內都已經平平穩穩咁過左，當然好唔好我覺得係so-so啦!要好既，真係可以有幾大既空間，我唔係怪ivan佢既能力，而係我地夾得好之中，可以更上一層樓。
完左整個speaking test，judy真係好氣憤咁走左，我知道violet成為左一個負累。坦白講，換著係我對住一個copy出黎既violet，我都會嬲到即刻攞枝私伙mp5開槍full哂200飛打瓜佢，好彩我既對家係ivan，ivan亦都係個smart boy!
放左學，有三個鐘hea，我地又去新之城渡過，今日打灣岸挑機一鋪，其餘都係打ghost或者十人砍，好耐冇打過十人砍，真係有點生疏，咁今日挑機，我係新之得到一個第二，差少少第一，有點不服氣，不過勝敗都不是問題，最緊要係夠我係3個鐘之內比我hea!
之後又去牛記食焗飯，講真個度d師傅真係有料，好食!係個水吧差d!奶茶唔夠火喉!
1點，我地返去學校上maths，其實上maths都係hea上，因為我地既瑋哥都係邊教邊吹水，我同fung kai一齊坐，一路吹wargame野，務求撐到落堂，唔好咁悶!fung kai係好鍾意玩手槍，佢有枝左輪同埋m1911現代版，之後我地一齊吹槍書，根本冇放瑋係maths堂中，我知瑋哥唔係好happy，但無奈地我又唔係喜歡maths，更加難以接受maths堂有三小時既現實，所以我覺得maths喜歡上就上，不愛上的靜靜地吹水打機訓教都是一個好提議!不過同歸一點，最緊要你保住自己升班!
|
