今日返學，我同我既ive同學仔alex都幾瘀皮，以為今日已經係健體班，點知自己後來先發覺，原來自己早左一個星期時間，結果白白係9點幾個時係ive hea左好一段時間，當然我地會好好利用時間做d自己喜歡做既事，通常都係睇車書...
一段孤寂既時間過左，我就同alex一齊去浸大食lunch，浸大通常係呢個時間都係爆場，坦白講我真係覺得浸大飯堂d師傅係唔錯，整既餐我都覺得好食，今日食左個雙送反，咁口味上我會覺得好似自己個時係外展訓練其間，一個隊友所煮既產品...當然我係指好食啦!
上堂返學，我自己今日就要做1分鐘英文自我介紹，可能自己個準備時間唔足，搞到一開波有d失蹄，不過唔緊要，最重要係完成到整個任務，而且今日都有幾多意外收鑊，有好多同學仔知道我係打war game，有d就有興趣問我幾時打wargame，又或者問一d wargame料，希望我可以係ive，組到一team人搞war game會，當然係幫GARY搞下「分店」，開發更多地方有G.S.T...最好就開到7-11
放左學，平時我就會返鋪頭幫手，不過今日我自己就要去TVB，睇咩基本法問答比賽...其實整個節目我個人覺得唔好睇，因為好沉悶，而且自己對基本法認識唔多，更加冇興趣去理，換著係我真正全職做工，我零可自己打工，又或者自己開創自己事業，都唔會揀從政，其一係做得唔好會比人彈，第二係香港政治喜歡搵人制旗，邊個做得唔好，就要人揹鑊...
咁個節目有阿旦同DO姐做主持，有一大堆唔知咩人做參賽人，之後仲有關楚耀、泳兒、關心研、李克勤、周麗琪，我覺得唱歌個part幾好啦!唔洗咁悶嘛
之後去完tvb，我就同alex同阿康去老麥食野，之後就回家去啦...
呢排如果大家有留意我日記，你會覺得我好少講自己同女友既事，因為我自己根本連陪女既時間都冇，唉!唔係唔想陪，而係自己有空閒咩?冇... |
