尋日去califonia，本來係要跟callam教練去上堂，點知公司太多野做，搞到我都遲哂大到，結果要令尋日個堂延後左，真激氣...
呢d大公司成日都係想sell野，尋日又搞d咩promote，又話有d咩優惠，屌!咁貴，我點買點玩呢?除非我有一份長而穩定既工作，咁我咪有本事玩多d教練堂，又或者買多d 奶奶飲lor...
我本來平時玩開跑步機係set平坦，咁callam見到我，佢條友即刻同我set斜度係6度，仲要同我加快個速度，真係個下子想講句:「頂你個肺ar!set個咁難既比我玩?」我跑左10分鐘之後已經成頭濕哂
咁callam尋日就問我玩唔玩多幾個lesson，我就死都唔玩，唉!咁貴，我已經好難得先有得玩到4堂，而家仲要我加多幾堂，係我既經濟能力上係百上加斤，因為我有個target係買電話，如果我上lesson既，咁我既電話計劃咪泡湯?打死唔報
同callam傾左一輪計，佢死都想我買野報野既計劃失敗之後，咁我就自己再重新去玩跑步機，我今次自己set野加減高個斜度，搞到好似越野跑咁，好玩ar!
之後就谷下老鼠仔，夾下背...玩向上推肩個時，突然有個教練叫marcus，原來佢係教打拳既教頭，仲要係星加坡軍人，而且特種部隊，也難怪佢會大隻到爆哂青根...之後佢話叫我玩下小比賽，就係一分鐘之內打沙包鬥多，咁我既成績係71下，我自己覺得成績麻麻地，一來自己返完工就累累地，二來係操左一輪再玩，咁能力肯定會有少少失準!71下，一拳2分，得分係142分，暫時係青年組冠軍，不過都要睇下有冇人係打破到我個record，如果個紀錄keep到，又會有獎品，咁尋日就win左個手圈，都算係唔錯啦!原來係成人組入面，有個勁人係做到300分，我諗個個人應該會好大隻...
marcus呢個教練係前軍人，高度都有返咁上下，1米80到啦，加埋佢咁大隻既身型，真係so掂!佢就覺得唔錯，想叫我試下玩拳型，呢d又係sell既手段啦!我都係個句唔玩、冇錢...
咁佢之後就同我玩下vs，咁我開波本來諗住先攻擊，但係就打出去個時佢閃哂，果然係軍人加教練!我出拳有10幾次，但都係miss，果下子真係有d嬲嬲地，到佢出手個時開波用勾拳，我蹲左成功避左，之後佢埋齋啦!佢用快打，我連食8拳，我已經用手係咁擋係咁閃，都係咁食拳...恰靚仔呀~~唔制ar!最後0:8，我炒蛋輸左，不過真係好玩既!試玩一下，當係吸收下經驗lor!
我見同呢位教練咁玩得，咁我同佢玩到好口渴，之後買左d健身即飲裝飲，嘩!原來士多啤利味好好飲ga!
我同marcus拜拜之後，時間都唔早啦!我就沖涼pack野走，返去上水搵樹熊跑步...
樹熊成日都話想當差，不過如果大家見到佢個身型，瘦到成條滕，四肢冇力既，連跑5個運動場400米都已經扯哂蝦既，唔好話做警察，分分鐘民安隊都唔收...咁尋晚同佢由天平跑到去禮記，佢已經開始累，之後再同佢由禮記玩，lap1係環禮記，lap2係環禮記加馬燦，lap3係半環禮記加馬燦加直衝球場去海聯老麥。雖然樹熊係完全可以完成整段路線，但係我一摸到佢隻手既脈膊速度，發覺佢真係好快，證明到佢d底子真係好弱...
今次教左佢點樣叫做「chase」、擺手...不過佢身體太差，有待提升...
|
