而家架新車愈開愈順，或者我手風順啦!尋日我係放左學之後開工之前，我係大埔大光里個邊打機(即係個變壓站個邊)，咁係呢間機鋪係sun仔帶我去玩既，咁我見佢2蚊開機，2蚊continue，開card都係8蚊，咁呢邊消費真係平過上水多多聲!

前日同阿sun仔打，佢架野32，唔錯，而且幾順!可能打得多鬼啦!咁阿偉平時收收埋埋，打起機上黎真係唔錯!

尋日自己打，對住一個廿歲既哥哥，佢有兩架車，一架係mitsubishi lancer evolution 8 GSR，另一架係subaru sti，evo8唔洗理，因為架車唔強，subaru就真係要小心，架車有400幾星，我只係20幾，閘度係佢比我強，即係我硬攻係冇用，只好用軟!

玩山路，我要借彎角，佢係外彎個時借車甩出個下推走佢，咁就攞左第一，都幾開心!總結尋日大約係8勝3負到啦!都算係幾好!

尋日我架34再玩埋鬼，無意中又見到一位前日見到既紅帽高人，佢性格真係好古怪，成日都係傻傻地!同人挑機，佢就會同人閘下車，但係佢打鬼個時，佢就出現個d出準，真係唔閘車，呢d真係世外高人啦!同時我覺得同佢傾計都幾好傾，咁我都幾開心!

我覺得胎鈴係RAYS最好，不論直多彎多，都係應付自如!尋日仲有條新既GT WING，掂!

今日既生活流程就係同我就打既topic一樣，真係返學，打機，返學，打機!朝早一起身，真係有d唔想起，講真真係好累，可能係前日連續打左5個鐘頭機既後果，唉!自己攞苦黎申，真係辛苦!不過為興趣，辛苦d又有咩所謂?

咁我係朝早返到課室，我未入課室之前都已經見到miss hui，咁同佢打左個招呼就齊齊入課室，今日算好啦!總算冇話咩遲到或者直頭唔知醒過哂鐘!

咁今日上英文堂就真係覺得英文d listening真係有d問題，講到快到連老師都聽唔到，你話係咪離哂大譜?家下賽車咩?

上完英文堂，我就同GARY佢地成堆去新之城打機，打灣岸既灣岸，頭D既都有...當然落到新之城呢d大場梗係要挑機先至會死心，咁我打左大約5鋪到，當然我地兩個玩到好似踢人走咁，d人係咁換，我就有勝有負啦!不過勝負算係d咩ar?最緊要既係比人睇到你既技術去到邊...

打完機又返學，今次上maths，對住偉哥真係好舒服，平時阿康好多時都走堂，不過今日maths佢都有返學，算係咁上下啦!

放左學又打機，冇意中係孖8見到阿堯個fd，阿堯如果大家有留意我之前d日記，應該知道佢係我既鴻利外賣同事!佢個fd真係好勁，好似火箭咁快，我當然輸比佢，仲要輸得可憐呢!