落雨返工，的確係飲食行業比較痛苦的時候，落雨會好少客，唔單止堂食，外賣都少到七彩，今日直頭係我可以同老闆隔住個水吧傾計，阿寶仲可以同Irean吹水，可見今日d外賣一點也不多。今日上半場353，下半場都係761，加埋都係岩岩過千，我同事阿寶仲少，有時佢仲要悶到煲煙。

我今日真係比我呢個同事聰聰激死，我明明係搬完野，打算出外賣，呢個聰聰仲話我唔攞個d凍飲蓋米線蓋，屌!邊到有咁多時間ar?我做外賣一見外賣就要出，冇咩事都唔拖!講真鋪頭入面既野，遲少少處理都唔係大問題，之後呢個同事即刻比我罵，當場佢冇聲出。講真，一間公司個客緊要d定係員工緊要d?自己都心中有數，個d咩蓋少左一個半個又有咩所謂，唔夠蓋做樓面既咪自己攞lor!我成日走出走入，邊有咁多閒情同你搞d咁既野，抵佢比人罵...

老闆向來比較沉默，今日佢成個人多左好多笑容，又有得傾計，咁我都幾開心!係我就快收工個時，我去比單水吧，接單係老闆，咁我平時唔係做開下午茶，我連下午茶有d咩食都唔係好知，下G原來係一個焗意粉，如果平時係良哥四眼仔師父，我肯定比佢鬧死都似，但係老闆就笑啦!我開頭都唔知佢咩事，原來佢見到我好似嚇bill冷汗個樣，我就話:「老闆，我對公司d下午茶唔熟，放左位!唔好意思!」佢就笑左一笑，同我傾下計，咁都幾開心既!

小梅今日係我下半場既對數人，佢第一次check，發現我少左68蚊，我就開始驚驚地啦!因為68蚊始終唔係一個細數，唔見咁多公司數，肯定比人罵死了!咁經過30分鐘既recheck又recheck，兩者足之有共識，原來有d單去比錯左我，有時就係d單係Irean佢自己單挑去左，不過唔記得起底單!

單車都有drift?的確有，而且今日用得好好，我送外賣用公司車，之後行到一個路位，突然有個阿伯跑出黎，我就即刻drift左，避開左佢!否則個伯一定會同我互撞...

今日都係照舊返工，太陽依舊都係曬到七彩，Irean今日唔知做咩事對我既態度有d改觀，或者佢真係睇清楚我既工作能力，不過鴻利呢到真係好冇人性，今日我有一單係去華山，Irean居然叫我去埋翠麗花園，我心諗佢係咪癲ga?兩者距離極為遠，如果我送左去翠麗，華山既客就會等好耐，倒反轉既亦都係一樣，所以我覺得Irean係純正既工作狂，洗人洗到盡，做就做到仆街，所以有時我都覺得如果唔係為左錢同埋返工時間好，我就寧可去新財街搵肥仔師傅做五金學徒。

老闆為人真係cool到死，而且覺得佢有少少黑人憎，係人人最忙既時候，佢係水吧當值既時候放蚊想訓教，甚至係客台訓，我心諗你訓就返屋企，有張舒服大床等緊你，訓教又霸左張台!唉!點講都好，我都係覺得老闆有時好多野都好大排，相反太子女就真係好好，冇架子之餘又好人，有效率又掂!太子仔阿dee仲乖，雖然細個，但係做野都係親力親為，識得包下外賣，又或者識得出下單...老闆娘仲好，佢雖然好少落場，但係好識關心員工，尋日係廣場出緊外賣，佢都有同我一齊傾下計，呢d就真係好人啦!

都係唔好講公司既事，講下自己先，咁今日大約3-4點個時，我送一單外賣上廣場903，呢間眼鏡鋪都去慣去熟ga啦!因為成日都有唔少單都係有佢地份，咁我送到過去個時，收左錢，居然呢位老闆問我洗唔洗眼鏡ar?咁有呢d咁突別既服務，反正眼鏡又有d污濁，咪洗下lor!洗完之後，舒服哂!

估唔到呢間眼鏡鋪d人咁好!

放左工去做gym，我覺得califonia都係d硬sales什麼健身產品，今日去到我本來只係想靜靜地，可以做下運動之餘，又可以娛樂下，唉!d教練又係到搵日買野，我當然唔買啦!自己係做gym既會費用左咁多，冇咩理由仲係到同佢買咁多野!之後見到教練callam，佢就問我繼唔繼續去上訓練班，我就答佢考慮下先，之後又叫申請d咩信用卡，講真我自己都驚有時自己大洗左，搞到唔夠能力填數，所以都係聽佢吹水完一輪，自己再去玩gym野!佢地咁積極sell野，始終都係一個佣字，有額外收入，就可以食下佣，其實食咁多gym野始終都係唔及一餐正餐，始終個d係化學野，食咁多唔掂的!