今日如常咁工作，都估唔到意外會發生係我身上...

朝早照舊咁返工，工作都算係幾順利，下午時間開始啦!12點打後，人客多左，外賣都多左，我去一個外賣，係去新康街既信興藥房，我送完之後就回程去公司，咁我每次都係會經過新樂街，個邊車比較多泊左車，我例行都係望下左望下右，我今次就出事啦!我望左，以為冇車，點知一出車就出事啦!我比一架七人車撞到，好彩就唔係正切撞正，否則我一定重傷...

之後我架單車就前輪嚴重損壞，我同個司機都好驚啦!兩個都好亂，之後我都問返佢有冇事...不過我就唔打算追究d咩，只係覺得執返一身彩就算啦!

咁我返到鋪頭，我就即刻坐左係到，後來我打左比我細佬，佢趕到黎，同我睇一睇，佢都覺得要白車，咁佢幫我打左999，叫左白車，又有警車，個d救護員就同我check野，之後差佬就同我follow個事件，搞左一大輪，就去左北區醫院。

去到北區醫院，排左一輪隊，我就照下X光，做下一d檢查，醫院比左d止痛藥我，但我就覺得隻腳已經冇咩大礙，我都冇食到!之後仲同細佬慢慢行返屋企，一路行一路食左枝煙仔，阿b就服左我，都唔明點解我可以比車撞完，都好似冇咩事咁...咁我就覺得行山咪仲多傷，咪又係傷住照行，一路直踩到落山!

回歸日呢個本來係公眾假期，但我依然都係拼盡命工作，單車照踩，外賣照送!

0754，係鋪頭已經係靜到七彩，始終係假期，人人都係想訓多陣，我地成班同事都係得閒到不得了，Irean仲好笑，明明係一個餐廳前鋒，今日做左洗碗大隊長，佢就真係好辛苦啦!不過都好既，對住佢有時都幾煩!

老闆就得閒啦!係自己個獨立休息室到訓一訓，阿基就好舒服咁係到煎蛋，四眼仔師傅佢就係咁要我幫佢處理一d食材既野，好似個d砂糖、奶ar之類...阿珊依然都係白白癡癡咁係個用具攞水亦(魯水雞翼)，明知自己減緊肥，但又係咁食，想唔肥都幾難...友姐今日都係係鋪頭，唉!總好過對住阿聰，阿聰好煩，而且佢成日嫌三嫌四，真係比佢激死...

到左下午時間，人流就有好似有入冇出，係咁要外賣加樓面，我做到冇停，而且我要成4點先至有得食午餐，的確係幾辛苦...

阿堯呢位我既外賣部同事，佢就7點比人叫左返工，冇啦啦比人叫左返工真係好唔底，收就收7點...

今日有位新同事返工，叫阿強，佢可以話係一個幾特殊，因為全個鴻利入面，得佢一個係男待應!佢都算幾高既，靚仔程度都算係過得去...

我今日就6點收工，好辛苦...想訓