今日番到學校好無聊，早上入禮堂睇咩名人，不過最好睇都係ｄ呀ｓｉｒ　ｍｉｓｓ以前ｄ威水史，超好笑呀！

　　小完息之後，入禮堂玩遊戲，一般好玩啦，都幾好笑！

　　番到屋企訓左粒鐘，跟住又煲機！

　　今日訓到１２點起身，跟住打左陣機，就番學校賣舊書！賣完書，係１１３室坐左陣，就番屋企！

　　番到屋企，成個下晝同夜晚都係到打機= =！

　　頂．．．今日俾個死乞丐拎走左我本音樂書 話說正當我打機玩得興高彩烈既時候，無啦啦有人按門鐘，跟住

我就沖出去開始啦，點知係收書既人！佢問我有冇書賣，我咪話岩岩拎左番學校賣囉，跟住佢問我音樂書果ｄ有冇

賣，我話冇，佢叫我拎比佢睇，點知佢睇完之後，就叫我送俾佢，我話唔好，我叫佢俾番我，佢唔肯，不停咁叫我送

俾佢，跟住我就係好唔願意既情況下，俾佢帶走左我本音樂書！唉．．．都未見過ｄ咁無賴既人！

　　沒有你，什麼事情也失去意義！

　　今日ｏｕｔｉｎｇ，去左睇中華白海豚！坐船去到唔知邊鬼到，成程船都見到唔白海豚！跟住係果到行左陣，見

到ｄ人曬蝦膏，好似好唔衛生咁！睇完人曬蝦膏，跟住就坐番船去食自助餐，食左勁多野。我地一ｄ野都冇食淨呀，

但走果陣，見到好多人食淨野，真係浪費！哈哈，食完野果陣，望去下面個噴水池到，見到個細佬好鬼無聊呀，佢將

個紙杯放係個噴水口到，等ｄ水射到上半空果陣，跌落個杯到，不過有幾次俾ｄ水噴跌左個杯最後重俾個管理員趕佢

走！最好笑都係個外國人，佢賴型，沖過個噴水池，點知沖番轉頭果陣，頂帽俾下面噴上黎ｄ水噴甩左頂帽，搞到要

冒住俾水噴，跑入去汁番頂帽，超傻呀！

　　食完野，又去左沙洲睇唔知乜鬼，行左成段水路，上到去原來乜都冇得睇，只係係到望風景，ｓｈｉｔ！！

　　睇完野，又上番船，去睇海豚。嘩．．．今次真係見到海豚，ｄ顏色真係好靚，不過只係見到背部= =！

　　唉．．．今日真係俾錢買辛苦。睇左成日，只係見到泛豚背部，見到ｄ飛機重多過見海豚，而且又曬ｗｏｏ，坐

係架船到都成身大汗，架死人船都唔知咩冷氣黎架，開左等於冇開，熱死人，成日曬到成個豬頭丙咁！

　　今日中文日，超無聊呀！

　　朝早去禮堂睇張愛玲既文學作品【傾城之戀】，悶到抽筋呀，加埋自己近視，睇唔多到，好無癮！

　　小息完之後，又入禮堂，睇社際問答比賽。ｄ問答有時好易，但有時好難，不過易果ｄ題目佔大多數！

　　放學果陣，俾孫ｓｉｒ羞辱！因為我同臭斌係問答比賽果陣係到【猜梅】，俾孫ｓｉｒ見到，搞到俾佢罰==!

　　放學本來諗住去杰屋企睇碟，但係佢要番小學睇畢業禮，所以冇得去！

　　今日社際音樂比賽，９點坐到１２點幾，坐到ｐａｔ　ｐａｔ都痛埋，小息又ｃｕｔ埋，搞到我口渴左勁耐！

　　今日個比賽既結果出乎意料之外呀，諗住可以擺獎果ｄ又拎唔到，真係癮！

　　放學番到屋企，沖完涼就訓覺，因為尋晚３點幾先訓，好支力= =！

　　今朝早訓訓下，聰打電話黎問我今日打算幾時去。我一頭冒水，跟住先知道聰之前叫我去睇佢間學校既表演，原

來係今日，又俾佢昆左次= =!佢問我去唔去果陣，我以為係暑假果陣去睇，所以一口應承左。

　　跟住起左身，係到打機，打到３點左右，換衫出去上水搵孫文佢地踢波。好耐冇同佢地踢波啦，同佢地踢波果陣

感覺真係好好多，正呀！今日踢波，我竟然變左雞佬＠＠，不停汁雞，哈哈！！！唉．．．ｄ斬波屎左ｔｉｍ= =！

　　踢完波，去孫文屋企沖左個涼，跟住換番件衫，就去火車站搭車去尖東！又俾聰昆多次啦，我之前以為去沙田

睇，點知係去尖東= =！

　　我地去到果陣，已經開左場啦，遲左少少！所以我地３個係果到等佢地完左果場表演，跟住就入去睇。

　　哈哈∼∼∼∼成個表演最好睇既就係東華三院黎鄧潤球幼稚園既《小豆丁戲班》，超好笑呀！一開始，好多妹妹

弟弟著晒古裝行出黎，其他有一個細佬仔超好笑呀，人地個個行後面，佢無啦啦行左上黎，傻下傻下咁，呆左陣，先

知自己企錯位，跟住即刻行番後。表演果陣，又做錯晒ｄ動作，最令人估唔到既就係佢無啦啦同觀眾席上既媽咪揮

手，重係到大嗌媽咪，佢重要唔係揮一次手，係在表演其間不斷咁揮手，連走果陣，都要同佢呀媽揮住手咁走番入後

台。哇咔咔．．．．．呢個小ｄｅｅ　ｄｅｅ實住太ｑ啦>3<

　　睇完之後，去左食ｍ記，跟住就搭車番屋企。呵呵，估唔到１２點幾都重有車番天水圍，實在太好啦！

　　整體上，今次呢個由東華三院李嘉誠中學主辦既【薈藝嘉誠０５聲夜悅夜文化夜】都算好睇啦！

　　　　　　　　　　　　　　　　　　　　　　百無了賴的一天

　　今日輔導日，番到去玩遊戲。第一個回合玩傳水球，我地班ｄ人超屎呀，傳到個波跌晒落地下，最後更係ｗｉｎ

唔到啦！玩完傳水球之後，就玩傳氣球。我地班行得好慢呀，我俾佢地係咁拖住黎行，好鬼痛。因為太大風啦，所以

個氣球一跌，就吹到好鬼遠= =！

　　小息完之後，本來係玩１０人１１足，但因為落雨，所以取消左，去到留堂班果班睇唔知乜乜團既小型音樂會！

個Ｅｄｗｉｎ唱得好搞野，不過就麻麻好聽啦，聽到我打晒冷震！

　　哈哈∼∼∼，今日真係俾個天玩透啦，玩玩下第一個回合就落雨，跟住就走入去留堂班ｄ位到避啦，點知一入到

去，就即刻停雨= =！跟住到第二個回合，都未開始就落雨啦，跟住又走入去留堂班ｄ位到避啦，點知又係一坐低就

即停雨！小息完之後玩１０人１１足，諗住開始果陣，又落勁大雨，所以取消左= =！

　　呀ｊｉｌｌ又遇到感情問題啦，尋晚同佢傾左好耐，ｍｓｍ又傾，ｍｓｎ又傾，不斷咁到安慰佢！

　　唉．．．自己淨係識得叫人放低，但自己卻放唔低，真係諷刺！

　　今日服裝設計比賽，都算好睇既。我地果組乜獎都拎唔到，哈哈∼∼

　　賴家俊超搞笑，不停係咁係到講野，最後俾佢屈到個最佳演繹大獎（大約咁既名啦）= =！

　　　　　　　　　　也許是正確的！