唉．．．今日同杰佬、臭斌、黎金同林志聰去盧世華屋企做美設，點知佢家姐黎左佢屋企，而且ｂｂ又係到，因

為唔想嘈住ｂｂ，所以搞到成班人要搬晒ｄ野去後樓梯到做 ，好彩冇人行過咋，如果唔係一定瘀死呀！

　　唉．．．我同臭斌一組，兩個人都冇乜藝術細胞，所以搞到夜晚７點幾，個模型都係一舊屎！最後都係要拆左個

模型，聽日出黎再重新做過。而杰佬同黎金兩個整既【天國的雞批】就似模似樣，同我地果個比較，簡直係天壤之別

呀！林志聰同盧世華果個雖然唔係太靚，不過最起馬都好過我同臭斌整果件垃圾。

　　唉．．．搞左成日，出錢又出力，但係整件咁既野出黎，真係好唔甘心呀！成世人最憎就係做ｄ無價值既野！

　　今晚番到屋企，一邊食飯一邊睇【倩女幽魂】。雖然部戲睇過幾百萬次，不過今晚睇番，都係好值得回味呀！

　　寧采臣對聶小倩果份感情真係太令人感動啦！寧采臣明知山有虎偏向虎山行，不顧性命都要幫聶小倩投胎做人，

呢份至情至聖既感情真係好值得現今每一對熱戀中的情侶效法呀！

　　唉．．．從前排果件事中，我發現自己心靈原來真係好軟弱呀，究竟點先可以令自己變得更強？耐人尋味

　　成世人乜都放得低，就係對感情呢樣野太執著！點解自己會咁冇用，少少野都放唔低！

　　唉．．．愚人節！原來愚人果個係最慘架！

　　尋晚ｓｄ個鬼網，玩個ｆｄ，點知佢原來對呢ｄ野好敏感，搞到激嬲左佢，ａｄｄ左佢成晚都唔應我！唉．．．

我都知係我衰既，呢ｄ野都玩，不過我真係冇心架，我只係想玩下咋！

　對唔住呀！

　　原本今日同臭斌、杰佬、華哥出黎做中史ｐｒｏｊｅｃｔ，但係唔知做咩，個個好似冇左回事咁

　　下午果陣，林志聰佢地話去圖書館做功課，不過冇乜心情，所以冇去到，唔知佢地做晒ｄ功課未呢 就係佢到

去圖書館果陣，自己係間房到，對住部腦，上網搵ｐｒｏｊｅｃｔ　ｄ資料，經過一番努力之後，終於做晒啦，不過

重差ｄ相。做完之後，自己都不禁感嘆講一句【我不入地獄，誰入地獄呢】組員們，係咪好感謝我呢，我都知係架

啦！唔洗講咁多 搵日請番我食飯啦，魚翅撈飯，乜都好啦，重之唔貴唔食

　　夜晚好鬼悶呀，個人又唔知痴咩線，好似好憂鬱咁，又冇野做，所以又好乖咁係到寫習字。而家愈黎愈鐘意寫習

字啦，原來寫習字果陣，可以一心二用架，對手一邊寫習字，個腦就不斷係到諗野，真係慳番好多平時去諗無謂野既

時間呀！而且寫習字又可以訓練下我呢個做事冇耐性既人ｗｏｏ，真係一舉兩得呀！

　　唉．．．愚人節都係不外如是姐，同普通日子冇咩分別，真係一個耐人尋味的日子呀

　　　　　　　　　　　　　　　　不論何時何地，想的也只是你

                                不論何年何月，愛的也只有你

痴痴地想你！

　　今日訓到１２點半先起身，好好訓呀

　　唉．．．今日成日都唔知做咩，個人好似好悶咁，又冇咩做，ＳＯ係到做功課，做做下又受唔住誘惑，又係到打

機，打下做下咁，好無聊＝　＝

　　夜晚果陣，同臭斌，杰佬，華哥４個人係ＭＳＮ到傾中史專題研習ｄ野，不過都唔知傾ｄ咩出黎，佢地係咁離開

對話，又冇乜講野ｗｏｏ，搞到最後都係要大家一齊出黎做。唉．．．失敗

　　好想自己係果ｄ花心既人呀，諗都唔洗諗，話放低就低毫無顧慮。而家鐘意呢個，三兩日後又戀上左第個。

　　雖然成日係到同自己講，忘記佢，但係到頭來都係過唔到自己心入面果關！

思念你！

　　今日盧世華生日,我地成班人晚上去左元朗食飯,雖然講就係食飯,不過始終走左去ＫＦＣ食雞！我地重襯盧世華唔

為意走左落樓下間恆香買左個蛋糕俾佢，不過食個蛋糕果陣有ｄ困難，冇碟俾我地裝，成班人就好似禽獸咁，拎住ＫＦＣ用黎食薯蓉果ｄ叉，係到起勢咁吉ｄ蛋糕黎食，超失禮呀 食完野，係元朗行左陣，跟住又番左去嘉湖網吧打

左半個鐘機咁大把！！

　　今日係元朗行行下街果陣，忽然諗起呢頭附近有間壽司店。其實我早在好耐之前就已經有個想法，就係想有朝一日同佢一齊黎食，但係而家睇黎，都冇咩機會實現！唔單只呢樣，好多好多野都已成泡影！

　　有時有ｄ野拎起左，唔係話放得低就可以放低，要忘記佢，並唔係一時三刻可以做到，唯有等時間沖淡一切啦！

　　近排心情好差、好愁呀，成個人渾渾噩噩咁，好似行屍走肉咁！以前就話有個人可以俾我掛念下，而家就完全唔

同，個人好似冇咩寄託咁，個心好鬱悶，冇乜精神，做少少野都覺支力、眼訓，但係又訓唔著，次次訓落張床到，個

腦硬係有好多野浮現於眼前，又控制唔到自己唔去諗！好辛苦呀∼∼∼∼∼∼

　　今日早上，同祥哥、黎金、杰佬番左去學校電腦室做ＩＱ　ＢＵＧ，好彩得飛機借左佢果個俾我地抄咋，如果唔

係一定有排做。不過最激氣既就係果部咁既死人電腦，竟然ｓａｖｅ唔到，搞到我同祥哥以為得左，點知開番黎睇，

ｄ野冇晒，又要重新做過。最後經過我同祥哥一番努力，終於得左啦！！！

　　今日發生左勁多唔開心野既呀，搞到我超唔開心呀，好耐都未試過咁唔開心啦！個心好痛呀，自從有小學升中派

位果陣有過呢種感覺，我好耐都未試過咁啦。個心就好似碎左咁，碎得好徹底。想哭又哭唔出，ｄ淚水係個眼眶到滾

動，呢種感受好難受呀！

　　要講既，終於都講左啦，雖然個答案係有ｄ難接受，不過我都唔會後悔，因為我自己真係去掙取過。

非戰之罪

　　考期將近啦，絕唔可以俾呢ｄ野影響到我既心情。

　　補充：今日我、杰佬、臭斌、華哥、黎金、謝偉俊幾個人去香港文化博物館做中史專題研習，點知好不幸既事發

生左，我地不約而同咁見到幾個字【星期二休息】＝　＝成班人呆左，好似傻仔咁企係門口到。唉．．．．．對

唔住都要做一次架啦，我地是但係門口影左張相交差。影完相就番左上水，成班人去網吧打機！