今天下了一場及時雨，把那悶熱的天氣盡驅而去！

　　今日番學冇咩特別野發生！最特別既咪就係狂俾黃水茵鬧我同呀Ｊｉｌｌ上堂傾計囉，呀Ｊｉｌｌ俾佢鬧得最

勁，我就冇乜點鬧！唉．．．好鄧呀Ｊｉｌｌ唔抵呀，成班人都係到傾計，但佢特別係要鬧呀Ｊｉｌｌ。呢幾日發

現，原來呀Ｊｉｌｌ都有好多野煩架，佢又愁ｗｏｏ，成日嗌生嗌死，我又唔好得去邊，兩個咁愁既人坐埋一齊，真

係互相感染呀！哈哈．．．佢重叫我同佢一齊去自殺ｗｏｏ！但呀Ｊｉｌｌ果ｄ傷同我呢ｄ比，真係９牛１毛呀！不

過呢個都係我個人諗法姐，唔同人有唔同既睇法！

　　夜晚番到屋企，係到溫中文，聽日又要小測，上次因為冇溫，臨時抱佛腳，搞到得１５．５／２０！ 諗住今

晚溫啦，點知溫溫下又訓著左。次次都係咁，溫親書都好眼訓！

　　訓完之後，上網睇野。唔睇由是可，睇原之後，個人心情重低落呀！感情真係好煩呀，真係好想自己係一個冷血

既人，起馬自己都會好過ｄ，唔使為呢樣為果陣煩！最緊要既係唔使為感情煩透！

　　除了你，重有誰值得我為她吃醋？

　　世事往往天意弄人，你愛的不愛你，愛你的不是你的最愛！

　　今日番到學校，重以為今日個周會一定會好好笑，點知同我諗既好大出入，白痴多過搞笑！

　　今日個【挑戰一叮】簡直就係亂黎，ｄ問都低Ｂ架，是但俾Ｄ野你，叫你估果樣野係邊個老師既，連車牌都要

估，點估呀！ｄ　ＩＱ題又簡單，睇過勁多次，我班好多人都話易！真係失望呀，重以為好好玩，點知．．．．．

　　今日係周會果陣，狂係到背中文，但係背黎背去都背唔入腦，可能ｈａｌｌ個氣氛搞到我冇心情背，最後都要係

英文堂狂背，不過默果陣，都係漏左少少野

　　夜晚番到屋企又係到打ｃｓ，超無聊，ｃｓ愈玩愈悶啦！個咪又唔知痴咩線，講唔到野，搞到勁悶！

　　見到你有一種莫名奇妙既感覺！

　　今日訓到１２點先起身，訓得好舒服呀！而家愈黎愈鐘意星期日啦，簡直就係我補充體力既日子呀，可以訓到幾

時都得（除非果日有野做）！訓醒之後，成個下晝都係到打機，玩到４點幾左右就係到做功課！

　　夜晚果陣，一邊做寫習字，一邊睇電視！唉．．．今晚果集【浪漫滿屋】真係唔知點講好，李英宰同韓智恩，明明兩個都鐘意對方，但係就死要面，唔肯同對方講，真係抵佢地兩個咁愁呀

　　好期待聽日呀！聽日上周會果陣，因為係學會學習周，所以搞左個叫乜鬼野【挑戰一叮】ｗｏｏ！我地班數一數

二既幽默人都有份上去玩遊戲！哈哈∼∼∼聽日一定笑餐飽呀

　　唔見你，個心會唔自然、見到你，個心會卟卟跳、同你傾計，會流冷汗　←如果呢ｄ係岩岩開始鐘意你果陣既感

覺！咁我而家呢種感覺，算係愛得你有幾深！

　　真係好鐘意你！

　　今日９點鐘就起左身，去做大事，但起訓得太晏啦，搞到件大事失敗左！

　　做完大事後，就即刻番左屋企。又係到打ｃｓ，一打就打左成兩個鐘，玩完ｃｓ後，就係到玩另外一個ｇａｍｅ

玩到夜晚６點，就到我細佬玩，我就食飯沖涼，沖完涼之後，就訓係張床到一邊睇我細佬打機，一邊係到溫中史，點

知後勁不繼，溫左一陣，就訓著左，一訓就訓到９點。９點起身之後，好無聊，唔知係到做咩，簡直係浪費我ｄ寶貴

光陰呀！

　　命裡有時終需有，命裡無時莫強求！

　　到這時，仍是不由自主地掛念你！

　　明知這樣是沒結果，但是我的心還是跟著你走！

　　今日番到學校，好鬼支力，因為尋晚又俾臭斌煩鬼住晒。跟住第今日又要早起身，去臭斌屋企ｓａｖｅ個中史，

因為我屋企ｓａｖｅ唔到。最可惡既就係，去到臭斌屋企，佢竟然話個ｆｉｌｅ俾佢ｄｅｌ左，白行一趟！　

　　下午上電腦堂，超激氣呀，個賤人尿萬里係到無理取鬧！俾分果陣，我同祥哥特登唔ｓａｖｅ個程式入去，等到

佢行埋黎先ｓａｖｅ俾佢睇，廢事佢話我地拎人地個程式黎用啦，點知呢個賤人，係到破口大鬧，話我地做咩唔ｓａ

ｖｅ定入去先。大佬呀，我地都係想保清白姐，有咩做得唔岩！唉．．．今日好鄧果ｄ俾佢鬧既人呀！重話咩測驗，

電腦室ｄ電腦有ｄ就ｓａｖｅ唔到個程式既，ｄ　ｉｑ　ｂｕｇ又冇電，點測呀，佢重要係咁鬧ｄ同學，話佢地冇ｉ

ｑ　ｂｕｇ，唔識問人借？呢句說話簡直係不負責任呀！根本就係你既問題，ｄ野咁，重唔整好佢，就咁叫我地入去

整，都未見過ｄ咁既人，都唔知咩構造 ！呢條咁既粉腸，俾分果陣重衰，我地個程式明明同人地果ｄ差唔多，有

可能好過人地果ｄ，但唔知做咩差成十幾分，都唔知係唔係條賤人因為頭先件事，扣我地分！

尿萬里

　　ｃｌ堂果陣，入左去ｈａｌｌ睇碟，隻碟都幾好睇下！不過次次去ｈａｌｌ睇碟都係咁，都未睇完隻碟，就話小

息、放學，超無隱呀！

　　夜晚番到屋企，打左成晚ｃｓ！正呀！！！！！不過玩多幾日就要溫書啦，今次測驗一定要考好ｄ，追番上學期

測驗唔見左果ｄ分！

　　聽日要做一件大事！！！！！！！！！！！！！！！！！！不成功便成仁！！！！！！！！！！！！！！！！

　　你令我有多不快,你知道?

　　尋晚番到屋企，掛住打機，搞到好夜先做數學活動習作！唔知做咩第１２章要做既特別多，ｄ題目又深ｗｏｏ，

搞到我做到１點幾，不過都重係有幾版冇做，太難做啦！

　　第日番到學校，收功課果陣，呀ｓｉｒ竟然行埋黎話：「我都冇話要做！」我明明睇住張數學活動習作，話要做

第１２章！ 唉．．．搞到ｄ同學聽到，係咁埋怨我，話我點解唔早講唔洗做！跟住呀ｓｉｒ就話冇做或者未做晒

既都照收，話遲ｄ派番俾我地當溫習咁做ｗｏｏ！不過咁都好既，如果唔係，今日寫名一定寫到我手軟，而且一定要

多人要留堂！功德無量呀！＜∼∼我 　

　　尋晚做數學，做到１點幾，搞到今日好支力！下午上英文堂果陣就 ！上ｃｌ堂果陣就係到 ，點知黃

德茵係咁叫我唔好訓。人妖擾人清夢呀！

　　今晚打打下機果陣，佢突然ａｄｄ我，話唔嬲我，搞到我一頭霧水 ，不過點都好啦，佢肯原諒我就好啦！

　　唉．．．其實我今次真係有ｄ過份，連平時咁好皮氣既佢，都俾我激嬲左，我今次真係好錯呀，要好好反省下！

　　這種思念的感覺，不由得我不承認心中還有你！

　　尋晚好早上床訓教，１１點左右就訓著左啦，點知臭斌條死仔１１點幾果陣打電話黎煩住晒，搞到我醒左之後訓

唔著，眼光光到２點幾先訓得著，ＳＯ搞到今日超累

　　今日上普通話堂果陣，因為ＭＩＳＳ鄧去左養胎，所以有個新呀ＳＩＲ黎代堂，。今日果呀ＳＩＲ超唔掂呀，都

唔係撈既，教我地讀詞語都教錯讀音，ＳＯ成班人都係到傾計，冇乜人理佢！我同Ｊｉｌｌ哥傾足３堂！

　　頂．．．超激氣呀，我小息放個模型落美設室到，點知中午集隊果陣，梁詩婷同我講個模型爛左 ！上到美設

室，個模型隻手真係爛左，問番ｍｉｓｓ，原來係第班上上下堂果陣，係張台跌左落黎，跌爛左。無奈．．．成兩堂

都係到痴個模型，因為有ｄ地方搖搖欲墜！

　　呢排唔知做咩，個人大食左，唔通我係潛意識之間，化悲憤為食量 今日唔覺唔覺，食鬼左３０蚊，呵呵！

　　今日番到學校，連望佢既勇氣都冇，可能係因為我激嬲左佢，所以唔敢正視佢既關係掛！不過望到佢果陣，個心

又ｕｐ住ｕｐ住咁，好辛苦呀

　　不痊癒的傷患！

　　今日係啦屎一日假期，訓到３點幾。係屋企超悶，功課又做晒，機又冇得打，成日坐係到望住部腦，無聊到嘔！

　　我原本識果個你去左邊，你有咁小氣？不過你小氣都係應該，錯不在你，而係我。我承認我今次真係做得好錯，

不過我已經不斷同你講對唔住，但你唔接受我既道歉，我都冇辦法！但我唔想因為呢ｄ野，搞到連ｆｄ都冇得做！

　　下晝又同黎金、臭斌、盧世華去林志聰屋企做美設！今日唔知做咩，做美設果陣好似好輕鬆咁，可能臭斌多左做

野啦，所以今日有時走左入林志聰間房玩電腦！

　　唉．．．而家覺得臭斌做野真係好馬虎呀！尋日叫佢整隻手黎托住間屋，點知佢整出黎隻手係企穩既= =!搞左

成日，最後佢都係要番屋企重新做過，真係晒錢又晒力呀！雖然尋日諗住今日可以做晒，但最後都係差少少，聽日又

要去問臭斌拎隻手，真辛苦，成日走黎走去！

　　夜晚好激氣呀！我細佬條死傻仔，佢個ｆｄ係ｍｓｎ到ｓｄ野俾佢，佢睇都唔睇就收左，原來係病毒，搞到ｍｓ

ｎ中左毒，係咁ｓｄ頭先果個病毒俾人（飛機係其中一個，不過好彩佢部腦冇事咋，如果唔係，我一定好內疚）。搞

左成晚都唔掂，最後都要洗機。唉．．．我咁耐以黎ｄ珍藏冇晒啦

　　唉．．．原來女仔一嬲可以嬲咁耐架，不過都唔怪得佢，係我自己衰啫。我都覺得我自己好賤呀，連我自己諗番

起，都憎自己呀，我點會做出ｄ咁既事！

　　我唔係有心架，我而家後悔啦，你原諒我啦！

　　今日同臭斌，盧世華，黎金去左林志聰屋企做美設，搞左成日，都係做唔晒，聽日又要去過！不過今日都總算好

ｄ，整左一半左右啦，我估聽日應該可以做晒！

　　今日最搞野既就係臨走果陣，臭斌、黎金同林志聰，３個人著埋同一款拖鞋，搞到分唔清邊對打邊對，整左好耐

先分得出。我企係側邊望住佢地搞黎搞去，好無奈！

　　夜晚又好似尋晚咁，一邊睇電視一邊食飯，唔知係我麻木左定係點，我覺今晚果集【獎門人】唔係幾好笑。９點

半睇【浪漫滿屋】，唔知做咩今晚睇，硬係好似差左ｄ乜咁，冇晒之前睇果種ｆｅｅｌ！

　　你的輪廓不斷在我腦海中翻騰！