今日１２點左右起身，起身又係到打機，超無聊＝　＝

　　成個下晝係到打機，打到夜晚先捨得做功課。嘩．．．原來ｄ死人演說練習咁鬼難做，重難過叫我作一篇千字文

呀＝　＝，諗到我頭都爆，嘔心瀝血咁老吹，先吹晒ｄ感想。唉．．．都唔知做呢本死人野黎做咩架，又提高唔到ｄ

作文水平，反而浪費時間，一做就做左我幾個鐘，雖然話係一邊打機一邊做姐，不過都差唔多啦，哈哈。

　　夜晚１１點幾果陣，上網睇左ｄ野，諗左陣野，愈諗，心情就愈低落，個心就愈ｕｐ住ｕｐ住咁，好想搵ｄ野發

洩下呀！

　　近排個頭成日都暈暈地咁，一時暈下，一時又唔暈ｗｏｏ，都唔知係唔係得左咩暗間病ｔｉｍ

　　如果世間上有【忘情水】就好啦！

　　今日訓到２點幾先起身，不過個人都重係好累。

　　嘩．．．今日訓醒，對手肌肉酸痛呀，我諗應該尋日去游水玩得太癲，所以先會咁。食野果陣，我重要唔小心拉

傷多條手筋一下，痛到我差ｄ想哭。

　　今日下晝同夜晚都冇咩好玩，都係到打機。

　　你的輪廓漸漸變得模糊！

　　今日訓到１２點幾果陣，臭斌打電話黎叫我出去游水，見今日冇乜野做，就應承左佢。起身之後，玩左

陣電腦，就換衫出去。

　　今日因為係星期六，所以游泳池好多人，搞到要排隊。今日游水超正呀，勁好玩，個個係到你打我，我

打你，最後重係到玩掉人，個個輪流玩。玩果陣，個個都掉得好低，就係我掉得最高，達到我勁痛呀！我地

係泳池，重見到幾個畢左業既舊生係到游水。游完水之後，大家一齊去ｍ記食野，去ｍ記果陣，見到我地幾

個我地學校既高年級生係到做兼職。今日黃龍威同杰好唔好彩，兩個都倒寫野，好彩ｍ記俾番佢地姐，如果

唔係，佢地就慘囉。哈哈．．．因為某ｄ原因，黎金同朱仔要幫果幾個蕭生買ｍ記，見到佢地兩個果個無奈

樣，搞到我勁想笑。

　　夜晚番到屋企，即刻玩ｃｓ，玩左陣，佢地就話要同人地打ｔｅａｍ戰，不過我地輸得勁慘。唉．．．

本來唔會輸架，就係因為冇左呀ｊｉｌｌ同陳志遠冇打，而且佢地重要係到通水，超狗呀，如果唔係咁，佢

地一定輸啦。臭斌佢地又約左佢地果隊聽日再打過，聽日叫晒ｄ勁人，一定要佢地輸到貼地。

　　近排好鬼熱呀，遲遲番到學都成頭大汗，熱死我啦！

　　今日因為禮堂要佈置聽日既教師發展日，所以今日冇得上周會堂。我見３堂空堂，所以派左孫ｓｉｒ尋日俾

我果ｄ工作紙俾佢地做，成３堂係到做數學工作紙。點知，下午孫ｓｉｒ原本已經番左黎，佢問我做咩咁快派，

話咁佢地而家咪冇野做囉。唉．．．咁都俾佢話一餐。

　　夜晚番到屋企又係到打機。

　　嘩．．聽日正呀，因為教師發展日，所以唔洗番英文，又可以訓晏ｄ啦！聽日可能會同佢地成班人去游水，

不過去唔去得成就不得而知啦！

　　今日又係無無聊聊咁過，冇乜特別野發生。近排我地班流行玩「猜梅」同「青蛙青蛙跳」，輸左果個就要俾

人摑面，哈哈∼∼∼超搞野呀！劉健祖、臭斌同河童３個人成日都係到玩，成日你打我，我打你咁，連我地睇到

都覺得好好笑呀。

　　今日上數學堂果陣，我同幾個人報左名去幫數學學會，ｃｌ堂果陣負責做工作人員。到時一定好正呀，連續

６日既ｃｌ堂都唔洗上。

　　放學番到屋企，超累呀，因為近排成日都好夜訓，所以個人好支力。累到我成日上堂都黑眼訓，連今日番到

屋企睇睇下新聞都訓著左= =!

　　今日早上落雨，所以唔洗早會，好早就上左課室係到發呆。

　　今日超支力呀，因為呢幾晚都好夜訓，所以成日都溫溫鄧鄧咁。今日派左幾份卷，都算ＯＫ啦，呢日Ｄ卷係咁多

日最高分既。

　　夜晚番到屋企好無聊，做完功課就係到玩ＣＳ，玩左勁耐。

　　世上沒有永恆不變的事！

　　唉．．．今日有得有失。

　　今日派英文卷果陣，我卷１同卷２竟然奇蹟咁合格ｗｏｏ，我都估唔到呀，哈哈．．．開心死我。不過中文

就食晒屎啦，作文超．．．．超低分呀，第一次咁低分咋。唉．．．不過我都預左架啦。

　　今日中午上普通話堂，又係上次果個老師，上堂果陣都係冇乜人理佢，個個都係到傾計，我同呀ｊｉｌｌ果

ｄ傾足３堂，嘩咔咔∼∼∼∼∼∼∼∼

　　想講又唔夠膽講，連同你講野既勇氣都冇，我真係好細膽！

　　今日番到學，先知原來要做全人作業同要交電腦工作紙，但電腦工作紙冇帶，所以唔理

佢，跟住係到趕做全人，好彩都趕到姐。

　　今日派左３份卷，中史、數學同科學。頂．．．數學卷Ｉ　ＭＣ果ｐｏｓｔ，好似

鬼傘眼咁，明明係果個答案，但唔知點解自己會選左第個答案，搞到俾ＭＣ果ｐｏｓｔ

拖低晒ｄ分。唉．．．升左中二之後，ｄ數學成績一直都係咁差，都唔知搞咩，都怪自

己粗心大意啦= =!

　　今日放完之後，番到屋企換完衫就即刻同杰同埋臭斌去買聽日美設堂用既美勞材料。

我地一邊買野一邊買野食，哈哈．．．勁搞野呀！買完野番到屋企就沖涼，沖完涼就係

到打機！

　　唉．．．聽日英文卷同中文卷死硬呀！中文作文一定好差呀＝　＝

ＳＨＩＴ．．．．．．

　　今日訓到１２點幾先起身，不過個人都重係好支力。起身之後，就換衫去剪頭髮。唔講由是可，講起就把起火

呀。今日幫我剪頭髮果條木咀，好鬼想打佢呀。條友上次幫我剪就剪，就好俾心機去剪，但係今次佢剪得好求其，我

見佢手起刀落，求其咁剪左就算，搞到我個頭剪到好樣衰呀。唉．．．聽日番到學校又有排俾人笑啦。

　　剪完頭髮，番到屋企就係到打機，打左勁耐。玩到夜晚９點幾果陣，臭斌先同我講要做習字，所以搞到我打到１

０點幾果陣，手忙腳亂，求其做左佢算啦。

　　今日冇番拔尖補底班，所以訓到好晏！

　　訓到１１點幾果陣，臭斌打電話黎，話去睇碟。跟住同臭斌同杰傾左陣電話，跟住就換衫去睇盧世華屋企睇碟。

去到佢屋企，因為黎金未黎，所以等佢，點知佢黎到果陣，河童同黃龍威都黎左。黃龍威同我講，話我今日冇番拔尖

補底班，可能會星期一會留堂，不過我唔驚ｗｏｏ，因為劉ｓｉｒ一定唔會留既。係盧世華屋企搞搞下，就走左去河

童到睇，我地重一人買左支野飲去佢屋企飲。

　　去到佢屋企，就係到睇【明日之後】。好好睇呀，未睇之前已經聽人講好好睇，一睇就睇到夜晚８點。

　　夜晚番到屋企，又係到打機。