今日ｃｌ堂入左ｈａｌｌ進行民族服比賽，我負責做司儀，介紹我果組既民族服。一出左台到，ｎａ ｎａ臨講
完ｄ野，同聰謝完禮，就即刻沖番入後台到。一入到後台，就覺得自己好「慶」同好「熱」，重感覺到自己塊而好
紅。次次都係咁，一對住ｄ大場面，同埋同ｄ唔熟既女仔傾計都係咁，成塊面紅晒，可能係自己面皮薄既緣故啦！比
賽完之後，落番台下等放學，見到孫ｓｉｒ，咪問下佢有咩心水人選囉，估唔到佢竟然係到串我，講：「我乜都見唔
到呀，淨係見到一個人，講野講到面同手都紅晒呀！」豈有此理，竟然咁笑我，一定係平時上堂俾我嘲笑得多，而家
有仇報仇啦。可惡呀，遲ｄ上堂一定要俾個下馬威你
放完學，番到屋企沖完涼，換完衫，就同杰同斌去左天耀買布。去到天耀，賣布果間ｄ既老闆娘超狗呀。佢賣布
果間店關左，我話我地好急用，咪叫佢開，賣俾我地囉，本來佢肯架，點知一聽到我地話買一兩塊，就即刻轉態，話
聽日先開。賤賤賤．．．．．．搞左陣，淨係買左件衫，跟住就行去新北江睇下啦。行左陣，就買到布啦。相比之
下，新北江個老闆娘好過天耀果個多多聲啦。果老闆娘重話幫我地車衫，收我地平ｄ呀>.<買完野之後，就去食野，
食完野就搭車番天恆。跟住去左河童屋企做野，但係去到又係到玩。我同奧利就係到睇有趣短片，佢地就係到打牌。
無幾耐，兩個女仔同朱仔重有奧利走左。我、杰、斌、黎金同河童就係到玩巨商。河童ｄ控兵好勁呀，用我個冇２轉
廢ａｃｃ，竟然打ｗｉｎ左有２轉既人。
唉．．．兩個幾月啦，咁耐以黎，只係今日親口同我講過兩粒字，可能你會以為我聽唔到，但我係聽得一清二楚
架！其實自己都唔知自己想點，都明知冇可能，但重係放唔低，好僧恨自己呀！ |
