今日去左中大到參觀，真係唔見過都唔信中大係咁大架，面積大到霸晒成座山。我地去到之後，不斷咁周圍行同

參觀，每此停低既地方，劉ｓｉｒ同ｍｉｓｓ羅都會講解下果到既歷史。雖然果到係偏僻左ｄ，不過ｄ設備都算幾先

進。有時去到某ｄ地方，劉ｓｉｒ就會講下果到流傳既鬼故，不過一ｄ都唔恐怖，有好多人都得淡笑 係中大行左

成日，由１０點幾行到下午３點幾，加上天氣又熱ｗｏｏ，超難頂呀！不過中大有到地方唔可以唔提，好似叫唔知乜

得亭，果到真係超．．．超靚呀！空氣又清新，而且又可以環視成個吐露港！

　　下午番到學校，就即刻去盧世華屋企整社會，不過去到玩左陣電腦就走人，因為要去新北江買布做衫，但得盧世

華同奧利去買，杰同黎金就去左聰屋企，而我就番屋企沖涼換衫。佢地買完布之後，就去盧世華屋企既後樓梯做，又

重返舊鬥口= =!係後樓梯做左陣，乜都冇搞過，乾脆入盧世華屋企整，不過整整下，又係到講ｄ陳年舊事，哈哈∼∼

　　一生甘苦，全傾吐在你微溫的唇間！．．．．．．有咁既機會？機會根本不存在，只係獨自嚥下！

　　今日係公開組、同幾級既決賽，都幾好睇下！下個星期一既周會堂就係中一中二既混合賽，到時一定好好玩！

　　今日做完工作人員之後，幾個人係到同孫ｓｉｒ同王ｓｉｒ傾計，超搞野，傾得好開心，孫ｓｉｒ勁搞野呀，哈

哈∼∼∼∼∼孫ｓｉｒ重請我地ｄ工作人員食野，不過係小小既零食，好失望= =

　　聽日要參觀中文大學，下午又要做社會，超忙呀！

　　今日６點幾擲醒左，見到外面橫風橫雨，煙霧瀰漫，諗住應該唔洗番學，所以繼續訓，訓到７點，又起左身，不

過望下外面，冇落雨,又要番學= =！

     今日落左場及時雨，真係天公造美呀，熱左咁多日，終於可以受下雨水既滋潤，前幾日俾太陽曬到成個豬頭丙

咁，今日爽晒，又唔洗集隊，正呀∼∼∼∼∼∼

　　我相信一轉眼間既事情可以改變一個人既一切；究竟又有咩可以改變現在既我？係妳、妳、定係妳呀？而這個

妳，又會在何時闖進我的心屏，把我從黑暗深淵中救活來！

　　近排熱到成個焗爐，熱到我死下死下，未上課室已經成身大汗，番到屋企又係，所以而家一番到屋企就即刻沖凍

水涼，超正呀∼∼

　　近排個人好似開心左，多野講左，我都唔知點解= =!不過算啦，個人開心ｄ重好。

　　之前打電話去ｍｐ３間公司到問，問左一輪，終於知部ｍｐ３點入ｍｖ啦，勁開心呀！

　　今日Ｒｕｍｍｉｋｕｂ比賽，最令我估唔到既就係，連３ｈ　ｄ人都好合作，冇為難我，不過臭斌就慘啦，俾佢

果台ｄ人狂串，哈哈，超抵死∼∼∼∼∼∼∼∼∼∼∼

　　夜晚番到屋企，個人冇乜精神，好累∼∼∼

　　承受不了這種痛苦，筋疲力竭啦！

　　　　　　　　　　　　　念念不忘

　　尋晚整極都整唔好番個ＣＤ　ＲＯＭ，搞到要系統復原，一搞就搞到零晨３點幾。

　　今日１點先起身，成個下晏係到做功課，成晚係到打機。

　　夜晚俾我個細佬整到部手提鎖住左，搞到打唔到。

　　今日訓到１點幾，打機打到４點就出左去做數學ｐｒｏｊｅｃｔ。

　　一開始咩道具都冇，周圍打電話俾人，諗住去人屋企借野，點知個個都唔得，所以一搞就搞左成個幾鐘，最後都

要行去杰屋企整，一邊整一邊睇電視。整完之後，就行去天恆到度。猶豫左好耐，最後都係決定度巴士總站。幾個人

成個低ｂ仔咁，係到度，度完唔知點做，遲ｄ番去問孫ｓｉｒ。

　　夜晚番到屋企，係到整個街機搖控制，重諗住整番好，點知玩玩下都係痴痴地。諗住睇碟，點知部腦唔知做咩無

左個ｒｏｍ個程式，搞到ｌｏａｄ唔到碟，遲ｄ又要番去問陳ｓｉｒ點整= =

　　今日冇番陸運會，８點幾俾呀媽嘈醒左，醒左之後重鬼咁精神，所以係到打機。打到１１點幾，臭斌黎左我屋企

玩，因為佢都冇番學。兩個人狂係到打機，超正。玩到１點幾果陣，杰佢地打電話黎，話上黎我到玩，一黎就黎左４

個，所以我間房有成６個人，超迫。黎左之後，又係到打機。

　　夜晚６點幾，去游水，今晚都算多人去游，但最衰就係有個咩咩人係到，搞到冇晒ｆｅｅｌ，不過我地冇乜理

佢，照玩，都玩得幾開心！

　　游完水，週遭既商店都好多人，最後都要搞到去頌富果間７仔食野。番屋企之前，係ｏｋ買左個珍寶軟雪糕食，

超正。

     始終都係ｏｋ　ｄ軟雪糕好食ｄ，７仔無得比呀！

　　今日ｃｌ堂去左１１３室做裁判，因為場地細既問題，所以搞到好迫，不過都總算可以進行到。我睇果台，８個

入面，５個都識我，所以佢地如入無人之境，係到發癲，好彩個比賽都重算進行得好順利。

　　唉．．．好鄧呀肥果組唔抵呀，明明佢地有機會ｗｉｎ，不過最關鍵果局竟然輸左，可惜可惜！！

　　聽日唔鬼番陸運會，超低ｂ呀，我又冇比賽，番到去又係到坐足成個上晏，而且重要著夏季運動服，搞到成個小

學生咁，出到街一定俾人笑死，瘀爆呀！！

　　聽晚又去游水，好期待！