今日終於測完驗啦，成個人輕鬆晒呀！今日考科學同數學，兩科都麻麻地啦！

　　今日放完學之後，同杰佬去左買ＭＰ３，用晒成副身家去買，買左７９８大元= =，買完之後，去佢屋企入歌,順

便等埋佢換完衫，去我屋企！去到我屋企，又係入歌，入完歌，就換衫去游水。嘩．．．今日係游池見到勁多ｙｙｃ

既人呀，數數埋埋都有十幾廿個。成班人一邊游水一邊玩，超正呀。雖然凍就係凍ｄ，不過都好好玩呀！游完水之

後，就去左嘉湖食野，又傾又講。

　　夜晚番到屋企，就係到研究部ＭＰ３點用，搞左好耐，而家都大致掌握到。整整下，又聽聽下，搞到８點幾，跟

住就打機，又打到癲晒，日記都唔記得寫。

　　聽日決定罷課，唔想番，因為太累啦，而且又約左臭斌同杰佬去睇碟！劉ｓｉｒ，對唔住又要做一次架啦！

　　今日考中文、中史同全人，中文同中史都超多野背，搞到我溫書果陣，背到死死下，不過好彩劉ｓｉｒ測驗之試

同我地小測，所以中文有ｄ記憶，易背好多！

　　今日３份卷都算ｏｋ啦，就係中文卷既文言文唔係幾識，最低ｂ既就係中史卷都出文言文= =！

　　頂．．．今日測完驗，放學果陣，見到劉ｓｉｒ係門口，就問佢我地份作文係唔係好差，佢好老實咁答係= =!

我問佢我份作文係唔係離題，佢就話派卷果陣講，不過佢都有講到少少野，ｄ野類似係離題咁，我估多數都係離左

題架啦！唉．．．第一次咁失敗，作文作成咁。明明測驗之前，已經作過一篇描寫文，但自己都係冇去理解個題目。

無啦啦係到描寫緊ｄ景物果陣，走左去寫ｄ道理出黎，咁就衰左啦！

　　今日ｔｅｓｔ都算ｏｋ啦，係份英文作文難ｄ啫，環境同電腦都好簡單，兩份卷都係１５分鐘就做完。

　　唉．．．今次死啦，今日測驗完之後，劉ｓｉｒ留左我地係課室，鬧左一大輪。佢話我地班既作文同聆聽都考得

好差，叫我地今日留到屋企，俾ｄ心機溫中文。俾劉ｓｉｒ咁講一講，搞到我係咁係到諗份作文卷，諗諗下，又覺得

自己好似作到離題。嘩．．．如果真係離題，咁就大獲囉，九死一生呀，作文最忌就係離題架啦

　　今日放完學，番到屋企，玩左成個下晝電腦，７點先開始溫書！

　　聽日又要去做上次未完既大事啦，我諗今次實無走雞啦掛！

　　∼默默背負著傷痛的每一天∼

　　今日考英文同日文呀，全軍覆沒呀！考之前重諗住今次應該會合格掛，點知ｄ問題好鬼死深！唉．．．大獲！

　　今日考試考成日，考完之後，就同番屋企，點知黎金話我杰佬屋企玩，但係杰佬就唔俾佢去，所以係杰佬屋企樓

下擾攘左好耐。唉．．．杰佬又咁堅持，黎金又一定要去，見到佢兩個都唔知點好，好驚佢地兩條友反面，打起黎，

所以最後，就叫左佢地黎我屋企玩= =!

　　黎到我屋企，３條友狂係到打機。佢地玩到５點幾先走！

　　溫書∼∼∼∼∼∼

　　今日測社會，中文作文同普通話，普通話同中文作文都ｏｋ啦，不過社會就唔係幾好。社會份卷問既問題好ｋ型

呀，好似亂黎咁，搞到我都唔知點答佢好，不過都總算ｏｋ掛。

　　今日測完驗之後，去左杰佬屋企，同佢一齊溫電腦科，哈哈∼∼∼一溫就溫到６點先番屋企啦，真係勤力呀

　　大獲啦，聽日測果ｄ都係我最差果ｄ科目，九死一生呀！不過唔知點解，我今次英文同日文，我都好有信心合

格，可能係我自上次考試之後，次次英文堂同日文堂都特別專心聽書，所以ｄ野，都識識地！

　　唉．．．尋晚失眠呀，溫書溫到１點半先訓，點知訓唔著，搞到３點先訓= =!好支力呀，訓陣先，訓完先溫書!

　　今日中午訓醒，係到溫左陣書。溫溫下果陣，杰佬打電話黎，叫我陪佢去幫佢表哥放巨商ａｃｃ。係網吧搞左一

大輪，終於放左啦= =!放完ａｃｃ之後，就同黎金一齊去杰佬屋企玩電腦，點知一玩就玩到９點半先番屋企。

　　唉．．真係失敗呀，重諗住今日專心溫書架，點知．．．．．．算啦，唯有而家將勤補拙啦。

　　內心糾纏左好耐，亦都諗左好耐，最後決定都係放棄啦！無謂為呢ｄ野而胡思亂想同花費光陰啦！為一個唔鐘意

自己既人煩咁多野，真係好無謂同好死蠢！

　　終有一日會有一個真正鐘意自己既人，值得我去為佢做任何野！

　　你將成為我內心深處一個無法抹煞的烙印！

　　今晚掛住打機，唔記得左寫ｔｉｍ＝　＝！

　　今日好無聊，成日都冇咩做！本黎尋日好有大志，諗住今日全日溫書，點知個人好心散，溫溫下又諗左去第ｄ

野，又玩下咁，最終都係溫左中史頭兩題問答＝　＝失敗．．．．．．

　　下午果陣用左２百蚊去買計數機同文具。因為上次番學果陣，呀媽搞我個書包，搞到部計數機跌爛左，所以今

日去買果部新既。好彩筆數可以報銷姐，如果唔係，一定損失慘重呀！

　　夜晚溫溫下書，走左去睇電視，睇【海賊王】同【甜蜜蜜】。睇甜蜜蜜有少少體會！

　　　　　　　　　∼有緣千里能相會∼                    ~要黎既始終會黎~

　　你真係值我毫無保留咁去鐘意？

　　今日都冇咩特別野發生，都係無無聊聊咁！

　　下晝上數學堂同全人堂都係到同呀ｊｉｌｌ吹水，超搞野呀，乜都傾一大餐，話題深入淺出、淺入深出，哈哈！

　　覺得自己好蠢呀，鐘意個唔鐘意自己既人，明知無結果,重攞苦黎辛！抵死∼∼∼∼∼∼∼

　　今日都冇咩特別野發生，無無聊聊咁又過一日啦！

　　今日ｃｌ堂係ｈａｌｌ做科學小測，不過我一ｄ都未溫過，ｓｏ唔識做，錯左好多！

　　夜晚番到屋企，超乖呀，成晚係到溫電腦＠＠，哈哈，聰明人就知我講咩架啦，不過你知都唔代表你係ｗｏｏ！

　　心力交瘁

　　近排天氣真係反覆無常呀，時冷時熱。唉．．．就好似我心情咁！

　　今日早上好鬼凍，搞到我差ｄ唔想起身！食完早餐出門口，本來個人好眼訓，點知一陣冷風吹埋黎，成個醒晒。

　　雖然話就係話落雨冇咁熱，但是我都係鐘意睛天既時候，一黎周圍唔會濕淋淋，超憎同圍勁多水窪，搞到行步路

又唔方便，二來天氣好ｄ，人都醒神ｄ啦，唔會咁鬱悶。聽日又上Ｐ．Ｅ堂啦，千祈唔好落雨呀！

　　今日上ｄ堂都冇乜野，只係上老孫堂果陣，俾佢點做野，做到成隻狗咁。係班房到派作業，周圍行，差唔多行左

班房十幾次！佢重要記錯野，搞到派完之後，又要收番，拎過第ｄ再派過

　　下午上全人堂，講【真情錯愛】= =!講中死穴，搞到心情好低落！

　　夜晚番到屋企，係到睇電視同打機。唉．．．聽日又要測社會，ｃｌ堂又要測科學，有排溫書呀！

　　天氣轉涼，你小心ｄ身體，因住又病！