今日訓到１點先起身，跟住煮野食，做功課！做完功課之後好悶，又冇得玩電囿，所以係到聽ｍｐ３，成個下晝

都係到聽【我的最愛】，一邊聽，一邊諗野，諗諗下果陣，突然眼泛淚光，控制唔到！

　　到左５點鐘，打左陣機，黎金叫我去踢波，６點半就去，細粒仔因為ｄ事唔去得，而佢地班友仔又係到打波，唔

踢！頂佢個肺呀，次次都係咁，叫我出黎踢波，出到去，成班友又唔踢，係到打波！我同黎金同杰落左去個排球場到

踢，我係到玩斬波同射波，有幾球射得好大力，係到發洩情緒，從而令自己忘記某ｄ野！踢到８點就走，去買野飲！

番到天悅果陣，唔想咁快番去，就去個五人足球場到踢左陣，同班細佬仔踢波，ｄ細佬好唔掂，太獨食，冇野玩！

　　番到屋企，沖涼食飯，打機！

　　今晚踢波出左成身汗，好正，沖完涼之後都特別舒服！今晚踢波又整親之前就黎好番既傷口，次次就快好番果

陣，又傷番，都唔知幾時先可以全完痊癒，好彩今次冇咁傷，淨係有瘀血姐= =！

　　今日番學冇咩野，上中史堂，為左去廁所，甘願俾ｍｉｓｓ袁罰企；數學堂果陣，跟個呀ｓｉｒ做左個手勢，俾

佢怒啤= =！

　　放學睇師生排球賽，孫ｓｉｒ好鬼搞笑，開第一球就打左出去學校外面，笑到我肚都痛埋，跟住開左幾球之後，

又黎多獲，又出埋去，哈哈！！！比賽果陣，又成日出錯，唔識打，超搞野，佢一接波，我地成班人就係到嗌！！！

馬ｓｉｒ超勁，開波又勁，打果陣又勁，班丙組跟本唔係班呀ｓｉｒ既手腳，後尾換左甲組同乙組出黎，先扭轉頹

勢，嬴番好多球！老師同學生兩邊都不停換人，戰況好瀲烈，但後尾天公不造美，落起雨黎，賽事被迫腰斬！

　　睇完比賽，我地係小食部坐左陣，就走人！跟住陪總務李雄杰去買班會ｄ野，咁岩係ｍ記見到ｍｉｓｓ，順便問

佢點買，最後叫佢同埋我地去揀鐘，買左成８０蚊，好貴！買完鐘就落去日本城買膠紙，點知係果到見到個同款既

鐘，只係賣７十幾，平成１０蚊= =！

　　買齊野後就番屋企，同杰冒住雨跑番屋企，成身濕晒= =！

　　今日全部連堂，超累！ｃｌ堂為左１題數係到議論鈖鈖！放學番到屋企，又好似尋日咁，累到係到梳化到訓著

左，超無奈= =！

　　夜晚呀媽係大陸番到黎，呀爸就係到鬼晒咁嘈，好似有大件事發生咁，雖然唔知咩事，但都唔方小野，搞到連野

都冇得食，自己又唔想煮，成晚都係食左一個月餅，好肚餓= =！

　　今日番學冇咩，都係咁，數學堂俾個呀ｓｉｒ吹脹；音樂堂諸多事實，超冇聊，當正我地係小學生，整個積分計

劃俾我地；英文堂聽個ｍｉｓｓ講唔好笑既笑話= =！

　　近排都係到避，避碰面、避談話、避對望．．．．．．總之要避、避、避．．．．．．= =！

　　第一日正式上堂，驚喜出乎意料之多呀！早上集會一樣熱到呀媽都唔認得，上到去整左陣無聊野，就上英文堂，

點知驚喜就黎啦，個ｍｉｓｓ又矮又肥，一上堂不咁ｕｐ雞腸= =！但都算好人既，同我地講下笑，重識串人ｔｉ

ｍ！跟住上紀思輝堂以為一定好悶啦，點知又出乎意料之外，上佢堂又幾好笑啵！佢重稱呼自己做Ｍｒ．ｋａｉ= =

係實驗室果陣，有幾句野重幾似笑談廣東話= =！

　　晏晝食完飯，上數學堂，第三單驚喜就黎啦，個呀ｓｉｒ超搞野，寫自己個名，ｄ字一大一細，數學個數字可以

分開黎寫既，同幼稚園窯字無咩分別，講野冇高低音，平鋪直敍，教書又慢，成堂幾先教得果一兩頁書，重要係易到

死既指數記數法，悶到我地痴線，我地班都未試過上數學堂上到咁靜，唔係因為我地乖，係個個都無奈到冇聲出= =

　　今日番學冇乜野，一早集會，熱到抽筋！番到課室派簿，跟住得個坐字！中午食飯，冇交飯單又冇帶野食，俾人

記左個名，聽日要諗下計先得！下晝入禮堂聽課外活動介紹，悶到痴線，訓著左好多次。放學去買羽毛球鞋，順便陪

杰去買毛巾，班會要用！賣毛巾果間店，超狗，叫佢開番張單，佢竟然講買得太少錢，唔開，叫我地買多ｄ先開= =

　　做電腦科科長超低ｂ，成日有ｄ乜野關於科技既野，就俾人屈機，使我做，今日先俾ｍｉｓｓ叫我幫佢教咪= =

　　呢排成日發埋ｄ怪夢，種類千奇百怪！尋晚夢見自己奮不顧身咁救某個女仔，但都冇無補於事，個女仔都係去

左！雖然呢個只係夢，但呢個夢切切實實咁令咁感到失去至愛既痛苦！

　　今日下晝陪杰去買鎖，跟住又去買野食，食旺旺泡芙，因為係睇電視先令到自己想食，但都係黑白配好食ｄ，

哈哈！！！！買完野食，就上杰屋企幫佢整位座表同科學份功課，跟住就番屋企！

　　番屋企果陣，我好留意街上每一個人既面容，有呆的、開心的、兇惡的．．．．但究竟係呢張臉後面，又藏有幾

多不為人知的故事？這張臉又是否把每個人的內心世界都表露無遺？呢個時候，我係到諗，諗左好耐，不停咁諗，究

竟我張臉俾人咩感覺，別人又看得出我內心的心情？

　　今日９點幾，臭斌打電話黎叫醒左我，去細粒仔屋企睇魔戒。早餐都未食，就趕過去，勁肚餓，一去到就煮面

食！今日係細粒仔屋企，冇睇過魔戒，淨係到玩同大飲大食。面、蛋糕、餅、餃子、ｋｆｃ，種類多不勝數，食到我

見牙唔見眼！夜晚７點俾佢地迫左去天台打波，點知係我打緊波果陣，呀肥同我講，話佢頭先用我部手提打電話整蠱

王曉欣，問ｄ變態野，無奈= =！打左陣波就坐係到吹水，傾到９點半先走！

　　今日食左好多野，番到屋企都食唔停，又飲湯，又食粟米，又食包，哈哈！！！

　　今日番學無野做，係到搞班務，選班會，陳志遠推左個男班長，又係由盧世華做番。俾人屈做電腦科科長，不過

算數，電腦科又冇咩功課收，坐定定等拎優點！掉位，同莫淑兒坐，可能又會俾佢屈機= =！

　　放學番到屋企訓覺，發左個超怪既夢，成個ｇａｍｅ咁，好鬼驚險，好刺激，哈哈！！

　　訓到５點幾果陣俾垃圾斌打黎個電話嘈醒左，話去踢波，本來唔想去，但又冇野做，應酬下佢！點知去到，成班

友仔淨係係到打波，波都唔踢，搞到得我同杰同細粒仔係下面踢！踢完又上去睇佢地打波，矮人隊對高佬隊，矮人隊

ｗｉｎ左，點知一山還有一山高，矮人隊竟然輸左俾雜排軍，葉樹洋好唔踞，哈哈！！

　　睇波睇到悶，係到踢下波，點知奧圖踢左去吳華安到，吳華安就黎一個世界波，直射去葉樹洋賓周到，繼而聽到

悲痛既慘叫聲，哈哈，笑到我地死下死下咁！

　　隻腳咁踢落去，想好番都難= =！

　　此時此刻訓唔著，ｓｈｉｔ∼∼∼可能訓得太多，太精神，搞到而家訓唔著，呆坐係到，唔知做乜好= =！

　　話時話，今年都唔知點好，硬係覺得３Ｂ好似差ｄ野咁，個人好唔自在，但又唔知差ｄ咩！又或者係因為自己逃

避緊某ｄ人同某ｄ事而令到自己變成咁？！唉．．．好煩好亂呀！