今日一早番到去早會，聽ｄ廢人講廢話，熱到抽筋！

　　番到課室先知今年班主任唔係ｍｉｓｓ羅，而且佢重辭埋職，換左第個班主任！唉．唔知佢教中文好唔好ｔｉｍ

　　小完息就上禮堂開學禮，俾個大梁玩弄完一番之後，重要坐左係到成個幾鐘等班遲大到既嘉賓= =！

　　放完學番到屋企，冇野做，又累，ｓｏ係到訓教，一訓就訓到７點，真係有ｄ唔明，尋日７點幾訓，今日都重可

以咁累= =！

　　今日９點幾俾我細佬個同學嘈醒左，迫於無奈１０點幾就起左身，訓得個幾個鐘，ｓｈｉｔ！

　　１２點幾就去左細粒仔屋企，係到玩電腦。到左２點幾，齊晒人就去天台踢波！我地開頭分開兩隊玩，踢左好

耐，個個都好累，就坐係到休息！我同牛展同細粒仔就係到玩撞牆！玩完撞牆，成班人就係到玩閃避球。正當我地玩

緊果陣，就有幾個ｙｙｃ既人黎左踢波，我地玩左兩場閃避球之後，就同佢地鬥波，開頭俾人禁住切，但後尾發力，

反超前，重炒佢地！踢完之後，就去買野飲，跟住番屋企！

　　今日踢波都算幾好玩，特別係同班ｙｙｃ既校隊鬥波果陣，但遺憾既就係隻腳傷左，硬係就住就住咁踢，冇癮= =

　　聽日就番學啦，要同暑假懶訓既自己說拜拜= =！

　　今日訓到１點幾，俾我細佬叫醒左，話睇【龍咁威２】ｗｏｏ，無奈= =！

　　睇到差唔多完果陣，奧利同盧世華黎拎功課，順便係我到坐左陣先走。佢地走左之後，繼續睇埋佢。睇晒之後，

又係到睇【高達ｗ】今日終場睇晒，套片好正！！！

　　　　下晝包書　　夜晚睇片

　　今日１１點幾同杰去左影相，跟住又同杰重有黎金去剪頭髮，３個人剪完都好唔滿意，個個都剪到好短，我剪到

好似薯頭咁= =！剪完頭髮就去天澤商場，又叫埋細粒仔出黎，４個人去惠康買零食上細粒仔屋企玩！

　　上到佢屋企玩左陣，冇幾耐，所以人都黎晒，跟住就開野食，個個都食到好飽，食完野就係到玩！玩到下晝６點

幾，細粒仔呀爸呀媽番左黎，重帶埋壽司番黎請大家食，個個都食到津津有味，飛機同林詠儀重有呀ｓａｍ係到挑戰

辣辣壽司，３個人都食到流晒眼水，哈哈！食完美味既壽司，又係到玩，玩左冇幾耐就食蛋糕，呀ｓａｍ彈琴，我地

唱生日歌！

　　食完蛋糕之後，成班男仔就上左天恆天台踢波，都幾好玩下，不過我又整傷之前去ｃａｍｐ果個傷口，又流左好

多血= =！

　　踢完波就番屋企，番到屋企整完個傷口，沖完涼就抄功課，抄完功課就汁房，跟住訓覺！

　　今日成日係到抄功課，抄到手都痛埋呀！

　　女仔真係不可理喻，特別係ｄ唔玩得，又記仇又小氣既女仔= =！

知唔知咩係神呀?
神以前都係人
不過佢做到人做唔到o既野
之後佢就係神

奶好呀,有咩好呀
又高鈣,又有蛋白質
最緊要係咩呀?明目呀ma
車手最緊要係咩呀?雙眼

老豆打仔,你因住比雷劈！

我琴晚如果渣GTR，我洗炒?
（鍾：你渣GTR，你死左啦）

你講好啦，唔好郁手呀，係公眾場所打仔，對小朋友心理影響好大架

　　今日同杰同黎金出左西九龍拎我部ｍｐ３，等左個幾月，終於完璧歸我= = !

　　１２點就起身，跟住整埋ｄ野就搵埋杰去天恆搵黎金。坐左成個鐘車，去到之後第一時間去拎機。今次呢個人好

過上次果個多多聲，而且重有一個好好人既呀伯同我地傾計。睇唔出佢一把年紀，重咁時髦，拎住部６０ｇｍ既備份

同埋１部功能正到飛起既ｍｐ３。最令我羨慕既就係佢部咁正既ｍｐ３只係９百幾蚊，相比之下，我果部簡直只冇得

比，功能又冇佢果部咁好，而且重要買左８百蚊，早ｄ出咪好囉，加少少錢，就有部正好多既= =！

　　拎完ｍｐ３，就去西九龍中心食飯，上埋ｄ野食實在太正啦！食完飯就陪黎金行街買禮物，好唔容易先買完！買

完禮物，又去黃金睇野，因為黎金部機要換風扇，但冇部岩，跟住坐車番屋企！

　　去到天恆，就上天台搵蘇鋼拎份數學功課黎抄。拎完之後就去細粒仔屋企拎英文！去到果陣我地係門口吹水，但

吹左陣，個個都話熱，就落左去飛機樓下ｄ櫈到坐，繼續吹水。正當我地想走果陣，又見到劉ｓｉｒ，又圍埋一齊傾

計，劉ｓｉｒ千叮萬囑，叫我地剪頭髮同做功課。傾左冇幾耐，又散ｂａｎ。點知去到黎金樓下，又見到盧世華同奧

利，跟住又圍係到吹水！傾完之後，就走人，去黎金屋企，拎佢呀妹份數學黎抄！去到果陣，好多野食招待，一邊食

野，一邊玩ｃｓ，玩到７點先走！跟住又去杰屋企拎英文，之後先番屋企！

　　番到屋企沖涼食飯，跟住又係到玩ｃｓ！

　　今日訓到差唔多４點先起身，因為尋日玩到太累啦！

　　食完野就同杰去天恆拎功課抄！首先問奧利拎左份盧世華中文，跟住再上盧世華屋企拎科學！去到佢屋企，係到

打左陣ｃｓ先走！

　　番到屋企沖完涼，食完飯就做中文，半抄半做，廢事ｍｉｓｓ羅會ｃｈｅｃｋ= =!做完之後就係到打ｃｓ！

　　今日８點幾俾呀媽嘈醒左，跟住起身沖涼、食野、睇電視、上網睇分班，但一早知係咩班，不過點都想自己親眼

睇下，但點知學校個網未登出黎。今年都係Ｂ班，大部份人都係到，但黎金、細粒仔同奧利升左Ａ班，都少幾個ｆｄ

玩= =!冇幾耐，跟住就換衫出街！同杰一齊去元朗買書，果到好多人，要輪籌，等左陣，就買完，跟住打俾黎金，點

知佢地都係岩岩到，跟住就一齊去Ｎｅｗａｙ！

　　今日幫細粒仔同飛機預祝生日，所以去唱ｋ！去到Ｎｅｗａｙ等左陣，等果陣，我已經即時咁將我同杰既禮物呈

上俾細粒仔同飛機，佢地估極都估唔到係咩，哈哈！送完禮物，跟住上去！佢地上到去，已急不及待咁點歌唱= =！

今日先發覺飛機真正既一面，原因佢唱歌咁鬼死好聽，真係真人不露相，識佢咁耐，先知佢唱歌咁掂，高音又得，震

音又得，低音又得，勁晒！佢地不停咁唱，直置唱到黎明果首【眼睛想旅行】就開始癲，佢地將某段歌詞改左，笑到

我地個個見牙唔見眼

　　唱到肚餓果陣，就點野食，不過個個都食唔飽！我食左碗沙爹粉，但ｄ米粉好似生咁，硬到痴線，食左之後，頂

到上心口，無奈= =! 冇幾耐，就上埋個蛋糕，奧利同奧圖岩岩係呢個時間趕到，佢到重買埋西餅黎，跟住就開始食

蛋糕，個蛋糕好好味＾＾

　　食完野，就去左千色照貼紙相，不過得吳靜雯、飛機同奧圖影，而我地就係到玩打拳！係千色玩左陣，就番屋企

嚕！飛機因為趕住番去，就同細粒仔，奧利、奧圖同聰飛的番去，我地就坐輕鐵番= = !

　　番到頌富，黎金話肚餓，就同杰一齊陪佢去美琪食野，我地一邊食一邊吹水，好正！不過３個都食濟左= =!

　　總結黎講，今次唱ｋ都算好玩，但野食就少ｄ啦，無上次黃龍威生日咁多，但點都好啦，都係開心既一日＾＾